KOLOSE 2:18 - BOWOT BOHUA

¹⁸ A'airih ihkam mohonau arop'kam, tonorugi bain ulun ijo pura-pura ngominda aropoh, tutang ijo nyembah molehkat-molehkat. Ulun rih bojuhu umba tiruk-tirukoh ijo cara kolunonoh, tutang monamam-namam pongorinah-pongorinah ijo khusus,

KOLOSE 2:18 ပူးပေါင်းရင်းမြစ်များ

MATEUS 24:24

Bain ahkan lombut ponyolamat pobula tutang nabi-nabi pobula. Iro ahkan nguan gawi-gawiu ijo luar biasa, tutang tandahelan-tandahelan ahkan mobula, amat touduon, taput uhkup ain Pohotala ka'a.

RUMA 1:25

Pohotala ijo morong, iro ngatioh umba ang'co ijo palasu. Bohkon ijo pona'oi, molekan ijo tona'oi orih justru ijo tonyembah tutang ijo tonohalu bain iro. Podahal ijo pona'oioh orih rih ijo soharusoh tomonara turus-jaham! Amen.

RUMA 16:18

Tului ulun-ulun ijo nguan kodorih bohkonoh bogawi ahkan Kristus Tuhan ihto, molekan ahkan momeda kojolikahtoi'ndo bongoi. Honong bujukan tutang tuhtui ijo manih-monyak iro nihpu ulun-ulun ijo eam ngota'an ino-inon.

1 KORINTUS 13:4

Ulun ijo ngasi ulun bohkon; sabar tutang hinut ahtoi. Io eam nyambun umba kobehu, eam bobalik, eam bojuhu.

1 KORINTUS 3:3

kotului ihkam magun bolum numbun tobiat'kam cara kolunon. Kotului amat magun hiri ahtoi tutang hokolahi sama arop'kam, eamkah orih pokarah ijo ihkam magun numbun tobiat kolunon, kolou ulun-ulun ijo eam kosono Pohotala?

1 KORINTUS 4:18

Pira-pira ulun ang louk'kam, jari monjadi bojuhu, kobain iro eam ngohu, ahku eam ahkan lombut nakuh'kam.

1 KORINTUS 4:6

Konduang-konduang! Ahkan gunan'kam, ahku jari kehpan paringoh rih ahkan Apolos tutang ahkan arop'ku bongok. Konohuangoh mangat tahkan sutu ihkai rih, ihkam dahpot bajar inon rimai auhtuh, ‘‘Nambitrih aang aturan ijo anai.’’ Honong kodorih eam ihcobehti ka tahkan ihkam dahpot tara-tara umba ihcobehti, turus mohina ijo bohkon.

1 KORINTUS 8:1

Uhuntuh tohou ukun ijo jari tonyorah kolou pononga ahkan Songiangdewa. Puna morong kolou hion ulun ‘‘Ihto paringoh uras ahpik.’’ Tahpi koahpik napa ulun monjadi bojuhu, rahatoh kasih mangun pribadi ulun.

1 KORINTUS 9:24

Konduang puna ta'an, ijo ang a'ang hosolanja, koparing ulun umba nokoru, tahpi baya ihcobehti ulun norima hadiah. Bain tului orih, nokoru kodorih kolouoh, nyiring Konduang norima hodiahoh.

2 KORINTUS 11:3

Tahpi ahku mihkoh tiruk'kam ahkan togoda, mangat eam tehen hino umba Kristus, sama kolou Hawa lomoi ka'a tonihkos bain alik lohi.

2 KORINTUS 12:20

Ahku kowatir ijo aang ohkot ahku masap ihkam noin, ahku nyombang ihkam eam kolou inon ijo ahku harapoh, tutang ihkam ka ahkan nyombang ahku eam kolou ijo ihkam harapoh. Ara-ara noin anai ijo hokolahi, hiri ahtoi, bolasut ahtoi, gunan ahkai bongoi, pinah-mopitnah, hasut-mohasut, bojuhu tutang monderoh.

EPESUS 4:17

Kotului rih demi aran Tuhan, tuhrih ijo ahkan ahku nuhtui tutang tegas; ara hino bolum kolou ulun-ulun ijo eam kosono Pohotala, tutang niruk ijo eam-eam.

EPESUS 5:6

Ara ihkam tonihpu bain pander-pander ijo buang. Kobain hal-hal atuh, ijo polombut kosangit Pohotala, toharep ulun-ulun ijo eam te'et umba Io.

PILIPI 3:14

Orih kobaiuoh ahku nokoru toturus nitu titui laiu, ahkan duon komanang, yorih pombolum ijo ang soruga; ahkan orihrih Pohotala na'ah ihto nguha Kristus Yesus.

KOLOSE 2:23

Puna topahjahoh, hal rih kopihtar, hawui anjuranoh, mangat ulun nyembah molehkat, ngominda rih arop, tutang nyiksa arop; tahpi paringoh rih eam boguna ahkan ngomburi kojolikbolai kolunon.

KOLOSE 2:4

Ahku monyorihtaoh tuh, mangat ihkam a'ai tonihpu bain iaika ka'a ijo baui manih ahkan'kam.

KOLOSE 2:8

Hondakrih ihkam harus hati-hati a'ai nyiring anai ijo njorat ihkam umba pilsapat-pilsapat kolunon ijo eam boguna, molekan baya nyosatih. Pilsapat-pilsapat orih eam tahkan Kristus molekan tahkan tiruk ulun iou, tutang tahkan roh-roh pongowasa kolunon.

1 TIMOTEUS 1:7

Iro kani monjadi guru-guru agama padahal iro bongoi eam paham auh-auh ijo iro hapai ata'ai hal-hal ijo iro nyorihtarih umba kodorih yahkinoh.

1 TIMOTEUS 4:1

Roh Pohotala honong tegas nuhtui, ijo ang ohkot-ohkot ijo ahkan lombut, 'cokobagi ulun ahkan murtad, ngobele Kristus. Iro ahkan ponumbun umba roh-roh ijo monyosat tutang nutut ajaran-ajaran roh ja'at,

2 PETRUS 2:14

Iro eam peda-peda nguan dusa, tutang kojolik iro iorih nopahjah bawin sundal. Tutang ulun ijo punai porocaya, tutang magun kurang yakin, iro jorat. Ahtoi iro jari pahtuh umba kokuhu. Iro anairih ulun-ulun ijo tonulut!

1 YOHANES 2:26

Ahku nyurat tuh ahkan'kam, tohou ulun-ulun ijo rahat bousaha monihpu ihkam.

PONGORINAH 12:9

Naga ijo hajo dih dian nokuh luar! Iorih lohi oko orih, ijo bogare Sehtan ata'ai Roh Ja'at, ijo ngobalik sohopus kolunon. Io ndian nokuh kolunon hawui kokaro molehkatoh.

PONGORINAH 13:14

Tutang paring ulun ijo bolum ngosantana tongoalikoh, umba tandahelan-tandahelan ijo tou tonguaioh ang husuk ohcin ijo pahtuk orih. Tutang iro paringoh tonyuhuoh nombok ihco kopahtung tahkan ohcin ijo jari bohimang bain padang, tahpi magun bolum.

PONGORINAH 13:8

Ohcin rih ahkan tononyembah bain paring ulun ijo bolum ang ngosan tana, kocoali ulun-ulun ijo araioh jari tonoliting hounumba kolunon tona'oi, ang luwang surat ulun bolum ain Anak Tobiri ijo ius tonyombolih.

PONGORINAH 19:10

Ahku tosuhkutu'ut ang husuk molehkat rih kani nyembahoh, tahpi io nuhtui umba ahku, ‘‘Ara! Ara nyembah ahku, sembah rih Pohotala! Kotului ahku ka jihpon sama kolou ihko, tutang kolou paring konduang'mu, ijo nambit segah ang kosaksian Yesus.’’ Tului kosaksian Yesus orihrih ijo moilham ulun-ulun ijo monujum.

PONGORINAH 3:11

Ahku bojoin lombut! Jagarih pio-pios inon ijo ihkam anaitepuioh, mangat eam ihcobehti ka mosopit hadiah komanang'kam.