KOLOSE 2:15 - BOWOT BOHUA

¹⁵ Aang sopolahki rih, Kristus nguan kokaro roh-roh ijo moretah tutang bokowasa monjadi eam bodaya hino. Iro jadi tutunan ulun aro, ang ohkot Kristus mongiring iro kolou tawanan a'ang pawai komanang-Oh.

KOLOSE 2:15 ပူးပေါင်းရင်းမြစ်များ

MATEUS 12:29

Koloukuwoh ulun dahpot nyolong, nokuh lohpou ulun ijo ba'as, ahkan nyilou ponahtouoh, amat io eam houn manga ulun ba'as rih? Uliorih, punai io duon nyilou ponahtouoh.

LUKAS 10:18

Yesus mutah, ‘‘Ahku nohto sehtan nosuluh tahkan langit kolou kilap.

LUKAS 11:22

Tahpi amat ihcobehti, ijo molowi ba'as monyarang tutang mopokalah io, mahka ulun ijo molowi ba'as rih ahkan ngomin paring sonjata ijo konina bain tehpun lohpou rih, turus hobagi-bagi paring ramui-ramuioh.

YOHANES 16:11

tutang ijo Pohotala jari nopara mohukum, kotului okon kolunon tuh jari tonohukum.

YOHANES 19:30

Yesus ngonyelap danum anggur rih, turus nuhtui, ‘‘JARI SUHKUP!’’ Turus Io nuhkom kuhung-Oh tutang palus.

1 KORINTUS 15:24

Uliorih nyolung kiamat. Aang ohkot rih Kristus ahkan ngominda karon pomoretah, karon kowasa, tutang karon koba'as; turus Io ahkan nyorah kowasa-Oh kolou Lahca, ahkan Pohotala, Amai ihto.

2 KORINTUS 2:14

Torimakasih ahkan Pohotala! Io toturus niting ihkai ahkan umba aang pawai komanang Kristus, tului ihkai bolum hihco umba Io. Pohotala mohapa ihkai, mangat borihta tohou Kristus tosiar kolou buan harum ijo semerbak koumo-umoh.

2 KORINTUS 4:4

Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

EPESUS 3:10

Maksud Pohotala iorih, mangat huntuh, nguha ukup, paring ijo nambit kokuwasa'an ang pindalangit ngota'an kopihtaran Pohotala, a'ang dolang mahcam tapaioh.

EPESUS 4:8

Ang Surat Borasih tonyurat, ‘‘Kotihka Io nuhkat nokuh unuk ijo diang, Io ngomin aro towanan tutang Io nonga karon-pononga ahkan kolunon.’’

EPESUS 6:12

Tului ihto hokolahi eamoh molawan kolunon, molekan molawan koba'as kokaro sehtan-sehtan ijo ngowasa jaman ijo ja'at tuh. Ihto molawan koba'as roh-roh ja'at ijo bokowasa ang pinda langit.

KOLOSE 1:16

Tului nguha Iorih Pohotala monaoioh karo ang'co ang soruga tutang ang ngosan tana, karo ang'co ijo gihtan tutang ijo eam gihtan, nyakum ka'a roh-roh ijo bokowasa tutang ijo moretah. Sohopus aangpindalangit tuh tona'oi nguha Kristus tutang ahkan Kristus.

KOLOSE 2:10

Tutang tului bolum hihco umba Kristus ihkam ka tononga pombolum sotuwioh. Kotului Kristus anai kopala ngosan nyinong roh, ijo bokowasa tutang ijo moretah.

IBRANI 2:14

Bain kotului ulun-ulun ijo Io ngohawot, anak, rih, anairih mahluk kolunon ijo dahpot mahtoi, mahka Yesus bongoi monjadi sama, umba iro, tutang bolum a'ang koada'an ulun. Io nguan kolorih, mangat umba popahtoi-Oh, Io dahpot moluhtek Sehtan ijo mongowasa popahtoi.

PONGORINAH 12:9

Naga ijo hajo dih dian nokuh luar! Iorih lohi oko orih, ijo bogare Sehtan ata'ai Roh Ja'at, ijo ngobalik sohopus kolunon. Io ndian nokuh kolunon hawui kokaro molehkatoh.

PONGORINAH 20:10

Pongohuli Sehtan ijo mobula iro rih, tonyahkah nokuh luwang tasik baho tutang sondawa. Ang anan unukoh ohcin tutang nabi pobula rih tondian labih houn. Iro ahkan tonyiksa hondou ngolomi ahkan turus-jaham.