KOLOSE 2:12 - BOWOT BOHUA

¹² Kotului ang ohkot ihkam ponopondus, ihkam tonanom homboh Kristus; tutang hawui popondus orih ka'a, ihkam umba tonombolum hoduli hombo-homboh Kristus, kotului ihkam porocaya ahkan kowasan Pohotala ijo jari ngombolum Kristus tahkan popahtoi.

KOLOSE 2:12 ပူးပေါင်းရင်းမြစ်များ

LUKAS 17:5

Rasul-rasul nuhtui umba Tuhan Yesus, ‘‘Tuhan, ngoba'as koporocaya ihkai.’’

KESAH RASUL-RASUL 14:27

Kotihka johcok ang Antiokhia iro mohaum ulun-ulun tahkan ukup rih, turus mborihta paringoh ijo ius konuan bain Pohotala nguha iro. Iro nyorihta ka'a tohou koloukuwoh Pohotala jari nguap jalan mangat ulun-ulun ijo bohkon Yahudi, porocaya umba Yesus.

KESAH RASUL-RASUL 2:24

Tahpi Pohotala ngoponyunoh Io huli tahkan louk ulun-ulun mahtoi. Io tonolon bain popahtoi, tahpi Pohotala moliwus-Oh, tului eam anaiharapan Io konowasa toturus bain popahtoi.

KESAH RASUL-RASUL 2:32

Yesus tuhrih ijo tonombolumoh hoduli tahkan louk ulun mahtoi bain Pohotala. Ihkai paring jari monyaksioh bangon 'kai hal orih.

RUMA 4:24

tahpi ka'a ahkan ihto. Ihto ka'a ahkan tonorima monjadi ulun ijo ngojorih ahtoi Pohotala, kotului ihto porocaya ahkan Pohotala ijo mombolum Yesus Tuhan ihto, tahkan popahtoi.

RUMA 7:4

Kodorih ka'a hal-hal umba ihkam, Konduang-konduang'ku. Toharep hukum agama Yahudi ihkam jari mahtoi, tului ihkam ius ponohihco umba behtin Kristus, tutang monjadi barih Aiu, ijo ius tonombolum hoduli tahkan popahtoi. Io tonombolumoh tahkan popahtoi, ahkan ihto monjadi boguna bagi Pohotala aang pombolum ihto.

1 KORINTUS 12:13

Kodorih ka'a ihto paringoh, pios ulun Yahudi, oluka ulun bohkon Yahudi, jihpon-jihpon oluka ulun morodehka; ihto paringoh jari tomopondus bain Roh ijo sama orih, mangat ihto monjadi ihco ang behtin Kristus rih. Ihto paring ka'a komo Roh ijo ihco rih kotuwioh.

1 KORINTUS 15:20

Tahpi korinahoh Kristus ius tonombolum hoduli tahkan popahtoi. Jituh monjamin ijo ulun-ulun ijo jari mahtoi ahkan tonombolum hoduli.

GALATIA 3:27

Ihkam paringoh jari tonopondus ngosan aran Kristus, jadi ihkam jari norima aang arop'kam sipat-sipat Kristus bongoi.

EPESUS 2:8

Pohotala mongasih ihkam, orih kotuluioh Io kani nyolamat ihkam, kotului ihkam porocaya umba Yesus. Kosolamat ihkam rih, eam tahkan bua usaha'kam bongom. Orih anairih ponongan Pohotala. Jadi, eam aro ihcobehti ka ijo dahpot mopojuhu aropoh tohou hal orih.

EPESUS 3:17

Keleh kotului ihkam porocaya umba Kristus, Kristus mohcon ang luwang ahtoi'kam tutang pombolum'kam hogalang tutang konowasa kobain kasih.

EPESUS 3:7

Pohotala nonga ahkak'ku pononga – iotuh gawi – ahkan mborihta Kabar Hinut rih. Ahku norima pononga rih nguha kowasan Pohotala ijo bogawi ang luwang arop'ku.

EPESUS 4:5

Tihkas anai ihco Tuhan, ihco koporocaya, ihco pompandus,

EPESUS 5:14

Bain paring ijo dahpot tonopahjah hawui torang, anairih koloang. Orih kotuluioh tonuhtui, ‘‘Monyun O ihko ijo ngarok, tutang kuat tahkan popahtoi! Kristus ahkan mopoloang ngosan'kam.’’

PILIPI 1:29

Kotului Pohotala jari nonga pononga ahkan'kam, eam tihkas ahkan porocaya umba Kristus, tahpi ka'a ahkan komo kokarot bagi Kristus.

KOLOSE 1:29

Ahkan monyapai hal rih, ahku bogawi paham. Ahku molawan honong paring koba'asarop ijo tononga Kristus ahkak'ku, tutang ijo bogawi luwang arop'ku hawui kotuwi kowasa.

KOLOSE 2:13

Lomoi, ihkam jari mahtoi socara rohani, tului ihkam jari bodusa, tutang tului ihkam eam tonyunat socara koulun. Tahpi huntuh Pohotala ngombolum ihkam hombo-homboh umba Kristus, Pohotala jari mongapun dusa-dusan ihto,

IBRANI 12:2

Hondakrih topahjah ihto nitu umba Yesus, bain Io ijo mbolum porocayan ihto tutang mohaga tahkan pahtuk nyiring laiu. Yesus tahan ngarot, ang kahju sopolahki! Io eam poduli ijo mahtoi, ang kahju sopolahki rih anairih angihco hal ijo ngomia. Io tihkas ingat ahkan kojorih ijo ahkan tonginyam-Oh pongohuli. Huntuh Io tuot ang sila kotuon pododusan Pohotala tutang moretah hihco umba Io.

IBRANI 6:2

ata'ai ajaran dasar tohou popondus ata'ai tohou ngahtang longo ngosan ulun, ata'ai tohou bolum hoduli limbah mahtoi, ata'ai hukuman ijo kototahiuoh.

1 PETRUS 3:21

Nah, kojodian rih kolou tindung, tahkan pompondus ijo huntuh monyolamat ihkam. Pompondus tuh, eamrih ihco upacara momuhi behti tahkan paring ijo kojilo-jilok, molekan kolou bowot'mu umba Pohotala tahkan ahtoi bua ijo pios. Pompondus rih monyolamat ihkam kotului Yesus Kristus, jari bolum hoduli tahkan popahtoi,