KOLOSE 2:11 - BOWOT BOHUA

¹¹ Kotului hihco umba Kristus, ihkam jari tonyunat, eam umba sunat ijo tonguan bain longon ulun, molekan umba sunat ijo konuan bain Kristus, ijo momorodehka ihkam tahkan kowasan tobiat ijo bodusa.

KOLOSE 2:11 ပူးပေါင်းရင်းမြစ်များ

MARKUS 14:58

‘‘Ihkai pu'ungonih ulun tuh nuhtui, ‘Ahku ahkan ngahkas Lohpou Pohotala tuh ijo konuan bain ulun, tutang uli tolu ondou, Ahku ahkan nombok ijo bohkon ijo eam tonapa ulun.’ ’’

LUKAS 2:21

Uli umur jalu ondou, Anak rih tonyunat. Tutang iro ngohawot arai-Oh Yesus, aran ijo tononga molehkat ahkai-Oh hounumba Io tonohi inai-Oh.

KESAH RASUL-RASUL 17:24

Pohotala ijo ngonjorian kolunon tuh hawui kokaro usiouoh, Iorih Tuhan ijo ngosan langit tutang tana. Io eam mohcon ang luwang lohpou-lohpou dewa ijo tonapa bain kolunon.

KESAH RASUL-RASUL 7:48

Olukodorih Pohotala Ijo Mahaisung eam mohcon ang luwang lohpou ihco tonapa ulun; tului ang luwang buhku nabi tonyurat koloutuh,

RUMA 2:29

Tobalikoh ihcobehti Yahudi ijo sojahti anairih ulun ijo ahtoioh bohomboruan Yahudi; tutang sunat ijo sojahti, anairih sunat ang ahtoi ijo tonguan bain Roh Pohotala, eam ijo tonyurat ang buhku ih. Ulun somahcam orih monorima taraoh tahkan Pohotala, eam tahkan ulun.

RUMA 6:6

Ihto kota'an, ijo tobiat ihto ijo holu, kolou ulun jari mahtoi homboh Kristus ang kahju sopolahki, mangat kowasan tobiat ihto ijo bodusa rih tonoluhtek; hawui kodorih ihto eam hino tonojihpon bain dusa.

RUMA 7:24

Nah, koloutuhrih koada'ak'ku; ahku moneet hukum Pohotala umba akal dasar'ku, tahpi honong tobiat kolunok'ku, ahku kalah aang dusa. Pahamrih kocolahkaioh ahku tuh! Iai ijo kani monyolamat ahku tahkan behtik'ku tuh, ijo ngomin ahku nokuh popahtoi? Botorimakasih ahku ahkan Pohotala! Io kani monyolamat ahku nguha Tuhan Yesus Kristus.

2 KORINTUS 5:1

Tului ihkai kota'an ijo amat lohpou – orihrih behti-ijo ihto mohconoh ang kolunon tuh konahkas, Pohotala ahkan nyodia bagi ihto ihco lohpou ang soruga, ijo konuan bain Pohotala bongoi tutang ijo tahan turus-jahamoh.

2 KORINTUS 5:17

Ulun ijo jari hihco umba Kristus, monjadi kolunon bohua samasino. Ijo tahi jari eam aro hino – paringoh jari monjadi bohua.

GALATIA 2:20

Uhuntuh bohkon hino ahku ijo bolum, tahpi Kristus ijo bolum luwang behtik'ku. Pombolum tuh ijo ahku ngumangoh huntuh, anairih pombolum bain porocaya umba Anak Pohotala ijo ngasih ahku, tutang ijo jari nyorah arop-Oh, ahkak'ku.

GALATIA 5:24

Ulun-ulun ijo ius monjadi ain Kristus Yesus, ulun-ulun rih ius munu tobiat kolunoioh hawui kokaron bolai tutang kojolikoh.

EPESUS 4:22

Kotului orih molokakohrih ko-ulun hounumba pola pombolum lomoi, ijo rahat tonorusak bain kojolik-kojolikoh ijo monyosat.

PILIPI 3:3

Podahar ihto ulun-ulun ijo jari norima sunat ijo sojahti, bohkon iro. Ihto nyembah Pohotala hawui toniting Roh Pohotala bongoi, tutang ihto norimakasih kotului ihto bolum hihco umba Kristus Yesus. Ihto eam bokuak umba upacara ijo bosipat 'jogihtan.

KOLOSE 3:5

Kotului rih munuoh rih kojolik-kojolik kolunon ijo monderoh arop'kam, kolou kokihal, hal-hal ijo eam sanonoh, kojolikbolai, konohuang ijo ja'at, tutang kokuhu (tului kokuhu anairih kolou umba nyembah dewa).

IBRANI 9:11

Tahpi Kristus jari lombut kolou Imam Hajo, tahkan hal-hal ijo hinut ijo jari anai. Kemah Tuhan, ang umoh Io nguan gawiu-Oh kolou Imam Hajo, anairih kemah ijo labih hajo, tutang labih soporuna. Orih eam tonguan bain ulun; rimaioh eam boasar tahkan kolunon ijo tona'oioh tuh.

IBRANI 9:24

Kotului Kristus eam nyolong nokuh Ruang Borasih tapan kolunon, ijo baya jadi gambar Ruang Borasih ijo kotu'uioh. Kristus nyolong nokuh soruga bongoi; ang anan Io huntuh noharep Pohotala ahkan kogunan ihto.