KOLOSE 1:9 - BOWOT BOHUA

⁹ Orihrih kotuluioh ihkai turus bodo'a ahkan ihkam, tahkan ihkai ngonih tohou ihkam. Ihkai nyawot umba Pohotala mangat Roh Pohotala nonga ahkan'kam kopihtar tutang kohorahti, nyiring ihkam kota'an hawui soporuna inon konohuang Pohotala.

KOLOSE 1:9 ပူးပေါင်းရင်းမြစ်များ

YOHANES 7:17

Ulun ijo kani numbun konohuang Pohotala, ahkan ta'an inon rih ajaran-Ku lombutoh tahkan Pohotala ata'ai tahkan Ahku bongok.

KESAH RASUL-RASUL 12:5

Jadi Petrus tonahan ang sipir; tahpi anak ukup toturus iou bodo'a umba kotu'un ahtoi'ndo ahkan Tuhan nihtu Petrus.

RUMA 12:2

Ara umba sipat-sipat kolunon tuh. Nauhoh Pohotala nguan sipatarop'kam monjadi bohua, mangat ihkam hubah. Honong kodorih ihkam sanggup ngota'an konohuang Pohotala – yorih, inon ijo pios tutang ijo ngojorih ahtoi Pohotala tutang ijo soporuna.

1 KORINTUS 1:5

Kotului ihkam monjadi ain Kristus, mahka pombolum'kam tahtou a'ang dolang hal. Pongotaan'kam tohou dolang angihco puna timbon, tutang ihkam ahpik ngajar pongotaan rih.

EPESUS 1:8

Io nguan orih tului Io paham ngasih ihto, tutang asiu rih tonosorah-Oh ahkan ihto, honong tuwi kopitar tutang kohorahti.

EPESUS 5:10

Ngurahjalan ngosono, inon ijo ngojorih ahtoi Tuhan.

EPESUS 5:17

A'ai uong, tahpi nolihti inon ijo tongohondak Tuhan.

EPESUS 6:6

A'ai nguan angkodorih tihkas ang ohkot ihkam tonopahjah, tihkas ahkan dahpot tara tahkan ulun. Tahpi hondakrih ihkam nguaioh, kolou jihpon Kristus ijo rahat numbun kohondak Pohotala honong kotuwi ahtoi.

PILIPI 1:4

Tutang nyinong tikat ahku bodo'a ahkan Konduang paringoh, ahku bodo'a honong sanang ahtoi.

KOLOSE 1:6

Kabar tahkan Pohotala rih tomborihta nokuh sohopus kolunon, tutang pombolum ulun turus tomborehkat bain kabar rih, sama kolou pombolum'kam tomborehkat, tahkan beteng ihkam ngonih tohou pononganasi Pohotala tutang moro-morong ngumangoh.

KOLOSE 3:16

Hondakrih ajar-ajar Kristus ijo tuwi borehkat nyorap ahkan luwang ahtoi'kam. Hondakrih ihkam saling majar tutang saling nonga tingak sokopihtar soduondahpot. Monyanyioh rih masmur tutang tara-tara hawui lagu-lagu rohani; monyanyi iou ahkan Pohotala, honong nanyam norimakasih ang luwang ahtoi'kam.

KOLOSE 4:12

Tahbe tahkan Epafras. Io ka'a tahkan barih'kam. Io jihpon Kristus Yesus ijo toturus bodo'a hawui tehen ahkan ihkam. Io nyawot honong paham ahkan Pohotala, mangat koyahkin'kam monjadi ba'as tutang ihkam moro-morong kolou ulun oko, mangat ihkam hawui soporuna bokehtep umba konohuang Pohotala.

KOLOSE 4:5

Ang luwang kohihco ihkam umba ulun-ulun ijo eam porocaya, hondakrih ihkam bolum pihtar tutang nguna nyinong kosapetan umba sopios-piosoh.

1 TESALONIKA 5:17

tutang bodo'a hototurus.

2 TESALONIKA 1:11

Orih kotuluioh ihkai toturus bodo'a ahkan'kam. Ihkai bodo'a mangat Pohotala ngonjorian ihkam layak ahkan bolum numbun kohondak-Oh; ahkan orih rih Io na'ah ihkam. Keleh Pohotala umba kowasa-Oh, molalus kojolik-Oh, ahkan nguan kopios. Tutang nyoporuna paring gawi ijo ihkam nguaioh, tului porocaya umba Kristus.

PILEMON 1:4

Nyinong tikat ahku bodo'a ahku ngohawot aran Konduang tutang ngohawot torimakasih ahkan Pohotala.

PILEMON 1:6

Ahku bodo'a keleh pongonduang ihto, kolou ulun-ulun porocaya, ahkan momua kohorahti, ijo labih hajo, ngosan kokaron borehkat ijo ius ihto nginaoh kotului hihco umba Kristus.

IBRANI 10:36

Ihkam harus sabar, mangat ihkam duon nguan kohondak Pohotala, tutang honong kolourih norima inon jo tonobowot-Oh.

IBRANI 13:21

Keleh Pohotala tohasak kosanang orih monyuhkup ihkam umba kokaron ijo hinut ijo ihkam poruluoh ahkan nguan kohondak-Oh. Keleh hawui nguha Yesus Kristus, Pohotala bogawi ang luwang ihto, inon ijo tongojolik-Oh. Hondakrih Kristus tomohoromat turus-jahamoh. Amen.

YAKOBUS 1:5

Amat anai ihcobehti ang louk'kam ijo kurang pihtar, hondakrih io nyawotoh tahkan Pohotala, mahka Pohotala ahkan nonga kopihtaran ahkaioh; kotului ahkan nyinong ulun, Pohotala nonga umba murah ahtoi tutang umba pokomo kasihsayang.

YAKOBUS 3:17

Tahpi ulun ijo anaingina kopihtaran ijo lombut tahkan diang, io sula-sulak samasino borasih, pongohuli jolik hokobuah, bojenta, tutang ponumbun. Io tuwi umba balos kasih tutang mua gawi-gawi ijo pios. Io eam bopihak tutang eam pura-pura.

1 PETRUS 2:15

Kotului Pohotala kani, mangat honong karon-gawin'kam ijo hinut ihkam mangup baun ulun ijo bopander baleh.

1 PETRUS 4:2

Kobain orih, hondakrih ihkam bolum toturusoh ang kolunon tuh, numbun konohuang Pohotala, tutang eam numbun kojolik kolunon.

1 YOHANES 2:17

Kolunon tutang kokaro aang'co ang luwangoh ijo tongojolik bain ulun, rahat dilap. Tahpi ulun ijo numbun konohuang Pohotala, tehtep bolum nyiring turus-jahamoh.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.