KOLOSE 1:6 - BOWOT BOHUA

⁶ Kabar tahkan Pohotala rih tomborihta nokuh sohopus kolunon, tutang pombolum ulun turus tomborehkat bain kabar rih, sama kolou pombolum'kam tomborehkat, tahkan beteng ihkam ngonih tohou pononganasi Pohotala tutang moro-morong ngumangoh.

KOLOSE 1:6 ပူးပေါင်းရင်းမြစ်များ

MATEUS 24:14

Tutang Kabar Hinut, tohou koloukuwoh Pohotala moretah ahkan tonyiar nokuh hopus kolunon, mangat paring ulun ngonihoh. Uliorih rih ndai punai rih lombut ondoukiamat.”

MATEUS 28:19

Tului orih, tulakrih ahkan kokaron uhtusulun ang sohapus kolunon, ngonjodian iro monjadi murid-murid-Ku. Mopondus iro honong ngohawot aran Amai, tutang Anak, tutang Roh borasih Pohotala.

MARKUS 16:15

Turus Yesus nuhtui umba iro, ‘‘Tulak'kam, nokuh sohapus kolunon, tutang momborihta ohrih Kabar Hinut tahkan Pohotala rih, ahkan paring ukup kolunon.

MARKUS 4:8

Tahpi anai ka'a bonyi ijo toponyi ang tana ijo bosiwuh. Bonyi orih tumbu monjadi hajo, turus mua, anai ijo tolun pulu, anai yo onom pulu, anai ijo solahtus lihpet buaioh.’’

YOHANES 15:16

Eam ihkam ijo mihtih Ahku. Ahku tuh ijo ngopili ihkam, tutang nyuhu ihkam tulak mangat ihkam momua aro – bua-bua ijo eam dahpot rusak. Mahka Amai ahkan nonga ahkan'kam inon ka'a ijo ihkam nyawot umba-Oh, ngosan arak-Ku.

YOHANES 17:19

Bagi gunan iro, Ahku nyorahoh arop kolou ain 'cokobilah Amai, mangat iro ka monjadi 'cokobilah ain Amai nguha kotu'u.

YOHANES 4:23

Tahpi ohkotoh ahkan lombut, molahan jari lombut, ijo umba kowasa Roh Pohotala ulun-ulun ahkan monyembah Amai, kolou Pohotala ijo morong, kolou ijo kononjolik Amai.

KESAH RASUL-RASUL 11:18

Ulirih ngonih auh orih iro eam nosalan io hino. Turus iro monara Pohotala. Iro nuhtui, ‘‘Amat kolouorih ulun-ulun bohkon Yahudi ka tononga kosapet bain Pohotala ahkan hubah tahkan dusa-dusan iro tutang ngenang pombolum ijo sojahti!’’

KESAH RASUL-RASUL 12:24

Mahka auh Pohotala sasar konahan ang umoh-umoh tutang mahi ba'as.

KESAH RASUL-RASUL 16:14

Ihcobehti tahkan louk iro anai podagang benang ungu, araioh Lidia tutang asaroh tahkan Tiatira. Io sita Pohotala mahka Roh Tuhan nggerek ahtoioh, mangat io norima inon ijo Paulus ngajar ahkaioh.

KESAH RASUL-RASUL 26:18

ahkan polenangoh mahtan'ndo, mangat iro soluka tahkan kopindong, tutang nyolong nokuh luwang koloang, mangat iro liwus tahkan kowasan Sehtan, turus konowasa bain Roh Pohotala. Mahka tului porocaya umba-Ku, dusa-dusan iro ahkan tongapun tutang iro ahkan monjadi ukup-ukup Pohotala ijo mihtih.’ ’’

RUMA 1:13

Konduang-konduang! Ahku jolik mangat ihkam kota'an ijo jari aro tikat ahku nohuang masap ihkam, tahpi toturus anai iou holanganoh. Ahku jolik mangat aang louk'kam ka, aangkonuak'ku anai buaoh. Koloukuwoh aangkonuak'ku jari mua ang louk ulun-ulun, ijo bohkon Yahudi, ang unuk-unuk ijo bohkon.

RUMA 15:19

ijo pohayak kohelan-helan tutang hal-hal luar biasa, paringoh rih bain kowasa Roh Pohotala. Kabar Hinut tohou Kristus jari ahku mborihtaoh paringoh ahkan ulun-ulun, nopara tahkan Yerusalem johcok nokuh Ilirikum.

RUMA 15:28

Amat ahku jari ngopah karon-gawik'ku tuh, tutang monyorah ahkan iro ijo ang Yerusalem rih, pononga ijo jari tonipunoh rih, mahka ahku ahkan tulak nokuh lowu Spanyol, nyihing lowun'kam.

RUMA 16:26

Tahpi huntuh, ang poretah Pohotala ijo abadi, rancana rih jari tongorinah tutang tomborihta ahkan paring uhtus ulun nguha kokaron surat bola nabi, mangat iro paringoh porocaya tutang bokehtep umba Pohotala.

2 KORINTUS 10:14

Jadi, kotihka ihkai masap'kam tutang ngomin Kabar Hinut tohou Kristus ahkan'kam, ihkai tu'u-tu'uoh eam nokalou tahkan tihkas-tihkas daerah gawin 'kai.

2 KORINTUS 6:1

Tului ihkai bogawi hombo-homboh umba Pohotala, mahka ihkai nyawot hawui tu'u-tu'u, a'ai ihkam mohonou kopios ahtoi Pohotala rih.

EPESUS 3:2

Botatu ihkam jari ngonih ijo Pohotala, tului kohinut ahtoi-Oh ius nonga ahkak'ku gawi tuh demi gunan'kam.

EPESUS 4:21

Ihkam ius ngonih tohou Io! Tutang kolou murid-murid-Oh, ihkam jari tonongajar ka'a tohou sipat-sipat Pohotala ijo anai aang Io!

EPESUS 4:23

Kohondakrih ahtoi tutang tiruk'kam tobahua koparingoh.

EPESUS 5:9

Kobain tahkan koloang rih, lombut karon mahcam angkonuan ijo hinut, bujur tutang tehtek aang topahjah Pohotala.

PILIPI 1:11

Pombolum'kam ahkan momurai umba karogawi ijo tu'u-tu'u pios, ijo baya dahpot tomutik bain Yesus Kristus bongoi; mahka Pohotala ahkan tonohajo tutang tohonara-nara.

PILIPI 4:17

Orih eam rimai ahku baya jolik norima pononga. Ijo ahku jolikoh iorih, mangat ahku duon nohto bua-bua ijo mondahang koutung'kam.

KOLOSE 1:10

Honong kolouorih ihkam dahpot bolum numbun konohuang Pohotala, tutang turus monyanang ahtoi-Oh, nyiring a'ang kokaro ang'co ihkam dahpot mohasilrih hal-hal ijo pios. Tutang pongotaan ihkam, tohou Pohotala ka ahkan botambah ka'a.

KOLOSE 1:23

Tahpi kopunai ihkam harus tohtap te'et porocaya tutang tombok tehen aang koporocayan'kam. Ara nyiring ihkam molohkak koharap ijo jari tononga ahkan'kam, kotihka ihkam norima Kabar Hinut tahkan Pohotala. Kabar rih jari tomborihta ahkan nyinong ulun ang hopus kolunon. Tutang ahkan orihrih ka'a ahku Paulus jari monjadi pohalu.

1 TESALONIKA 1:5

Kotului ihkai monyiar Kabar Hinut ahkan'kam, eam hapan tuhtui-tuhtui iou, tahpi ka'a umba kowasa tutang umba Roh Pohotala. Tutang ihkai yahkin sino ahkan komorong tahkan Kabar Hinut rih. Ihkam ta'an koloukuwoh ihkai bolum ahkan kogunan'kam, kotihka ihkai anai ang tohun-tohun ihkam.

1 TESALONIKA 2:13

Anai hino ihco hal bohkon, ijo napa ihkai toturus norimakasih ahkan Pohotala. Hal rih iorih, ijo ang ohkot ihkai monyapai borihta tahkan Pohotala ahkan'kam, ihkam ngonih tutang norima borihta rih, eam kolou borihta tahkan ulun, tahpi kolou borihta ijo moro-morong tahkan Pohotala. Iorih ijo rahat bogawi a'ang arop'kam ijo porocaya umba Kristus.

2 TESALONIKA 2:13

Konduang-konduang ijo tonokasih Tuhan! Toturus ihkai harus, ngohawot torimakasih ahkan Pohotala tohou ihkam, tului tahkan pahtuk-Oh Pohotala, jari mitih ihkam ahkan tonyolamat. Hal orih rih nyolung bain inon ijo tonguan Roh Pohotala ang ihkam, ahkan ngonjorian ihkam ukup Pohotala ijo borasih, tutang bain kotului ihkam porocaya umba Kabar ijo morong tahkan Pohotala.

1 PETRUS 5:12

Surat'ku ijo iwak tuh, ahku nyurat ahkan'kam umba pondohop Silas, ijo ahku ngohu io ihcobehti konduang Kristen ijo te'et. Ahku jolik nonga juhungan ahkan'kam tutang moyahkin ihkam, bain inon ijo ahku nyurat tuh, borihta ijo tu'u, tohou pononganasi Pohotala. Hondakrih ihkam nambit segah ang ponongaasi rih.