KOLOSE 1:3 - BOWOT BOHUA

^3-4 Ihkai jari ngonih ijo ihkam porocaya ahkan Yesus Kristus tutang ihkam mongasihoh paring ukup Pohotala. Orih rih kotuluioh ang ohkot ihkai bodo'a ahkan'kam, ihkai toturus ngohawot torimakasih ahkan Pohotala, Amai Tuhan ihto Yesus Kristus.

KOLOSE 1:3 ပူးပေါင်းရင်းမြစ်များ

RUMA 15:6

Honong ihcoahtoi Konduang paringoh hombo-homboh duon monara Pohotala, Amai Tuhan ihto Yesus Kristus.

1 KORINTUS 1:4

Ahku toturus botorimakasih ahkan Pohotala tohou ihkam, bain ihkam ius norima pononganasi tahkan Pohotala nguha Kristus Yesus.

2 KORINTUS 1:3

Tara ahkan Pohotala, Amai tahkan Tuhan ihto Yesus Kristus. Io Amai ijo paham hinut ahtoioh, tutang Io Pohotala ijo nonga koba'as homboruan ahkan ulun.

EPESUS 1:15

Tului rih, tahkan ahku ngonih ijo ihkam porocaya umba Tuhan Yesus, tutang ihkam ngasih paring ukup Pohotala,

EPESUS 6:18

Nguanohrih paringoh rih sambil bodo'a ahkan nyawot pondohop tahkan Pohotala. Aang nyinong kosapet, bodo'a toturus koloukuwoh Roh Pohotala niting ihkam. Hondakrih ihkam toturus bojaga tutang ara monyorah. Bodo'a toturus ahkan paring ukup Pohotala.

PILIPI 4:6

Ara kowatir tohou inon ka'a. A'ang kokaro hal, bodo'a tutang nyapai sawot'kam ahkan Pohotala. Inon ijo ihkam kani, sumanorih toturus ahkan Pohotala hawui ngohawot torimakasih.

KOLOSE 1:13

Io jari momorodehka ihto tahkan kowasan kopindong, tutang ngahtun ihto nokuh luwang kolahca'an Anak-Oh ijo tonokasih-Oh.

KOLOSE 1:9

Orihrih kotuluioh ihkai turus bodo'a ahkan ihkam, tahkan ihkai ngonih tohou ihkam. Ihkai nyawot umba Pohotala mangat Roh Pohotala nonga ahkan'kam kopihtar tutang kohorahti, nyiring ihkam kota'an hawui soporuna inon konohuang Pohotala.

1 TESALONIKA 1:2

Ihkai toturus norimakasih ahkan Pohotala, tului Konduang paringoh. Nyinong tikat ihkai bodo'a ahkan Pohotala tutang, Amai ihto, ihkai toturus mingat ihkam. Ihkai toturus mondo'akan'kam. Ihkai ngingat koloukuwoh ihkam pokarah a'ang konuan, ijo ihkam porocaya ahkan Kristus, koloukuwoh ihkam ngasi ulun bohkon nyiring mohalu iro. Tutang koloukuwoh ihkam boharap honong tehen ahkan Tuhan ihto Yesus Kristus.

2 TIMOTEUS 1:3

Ahku ngohawot torimakasih ahkan Pohotala, ijo ahku mohaluoh umba ahtoi-bua ijo borasih, kolou ijo konuan tahtu ajuh'ku ijo lomoi. Ahku toturus ngohawot torimakasih ahkan Pohotala, nyinong tikat ahku mingat ihko ang do'a, pios hondou kanika ngolomi.