KOLOSE 1:29 - BOWOT BOHUA

²⁹ Ahkan monyapai hal rih, ahku bogawi paham. Ahku molawan honong paring koba'asarop ijo tononga Kristus ahkak'ku, tutang ijo bogawi luwang arop'ku hawui kotuwi kowasa.

KOLOSE 1:29 ပူးပေါင်းရင်းမြစ်များ

LUKAS 13:24

‘‘Bousaharih ahkan nyolong nyuru bauntukang ijo sihki. Tului, ingat! Aro ulun ngurah jalan nyolong, tahpi eam tou.

RUMA 15:20

Cihta-cihta ahtoi'ku iorih mborihta Kabar Hinut tahkan Pohotala ang karon-unuk ang amoh ulun jaha ngonih tohou Kristus. Tului ahku eam kani nombok ang konuak'ku isun galang ijo konina bain ulun bohkon.

RUMA 15:30

Aangaran Tuhan ihto Yesus Kristus, tutang aang asiu ijo tononga bain Roh Pohotala, ahku nyawot honong paham umba ihkam. Keleh ihkam umba bodo'a tu'u-tu'u, hombo-homboh ahku ahkan Pohotala, ahkak'ku.

1 KORINTUS 12:11

Paringoh rih, konuan bain kowasan Roh ijo ihco rih ka'a; nyino-nyinong ulun tononga pononga ijo kobongoi, numbun konohuang Roh rih bongoi.

1 KORINTUS 12:6

Anai bomahca-mahcam cara nguan gawin Tuhan, tahpi ijo nonga koba'as, ahkan orih ahkan nyinong ulun anai rih Pohotala ijo ihco ka'a.

1 KORINTUS 15:10

Tahpi tului asin Pohotala ahku monjadi kolou ahku ijo uhuntuh. Tutang eam porocuma Pohotala ngapun ahku. Justru ijo bogawi labih karas tahkan paring rasul ijo bohkonoh. Tahpi orih kotu'uioh, bohkon usaha aik'ku, orih usaha Pohotala ijo ngasi ahku, tutang ijo bogawi hombo-homboh ahku.

2 KORINTUS 11:23

Pohalu-pohalu Kristuskah iro? Naingoh kolou ahku ius nihou ahkal, tahpi ahku puna pohalu ijo puna labih morong tahkan iro paringoh! Ahku bogawi labih karas, ahku labih bojoin ponosolong ang luwang sipir, ahku labih aro tonyiksa tutang bojoin nyiring mahtoi.

2 KORINTUS 13:3

Mahka ihkam ahkan nyombang paring bukti ijo ihkam jorikoh ijo Kristus moro-morong bopander nguha ahku. Amat Kristus botindak toharep ihkam, Io eam botindak bolomu-lembai, sobalikoh Io ngorinah kowasai-Oh ang louk ihkam.

2 KORINTUS 5:9

Kotului orih ihkai bousaha tu'u-tu'u ahkan nyanang ahtoi-Oh, pios ohkot ihkai magun anai ang luwang lohpou ihkai ang ohtoi, ata'ai ka ang anan.

2 KORINTUS 6:5

ihkai tonyiksa, tonyihpir, tutang tongorubut; ihkai bogawi paham, bojoin eam tiruh, tutang bojoin hino eam anai ukun.

EPESUS 1:19

tutang eaminon kohebatoh Pohotala bogawi homboh kotuwi kowasa ang luwang ihto ijo porocaya. Kowasan Pohotala rih, sama kolou kowasa luar biasa,

EPESUS 3:20

Umba kowasan Pohotala ijo giat bogawi ang luwang arop ihto. Pohotala dahpot nguan mahcu labih aro, tahkan inon ijo dahpot ihto nyawot ata'ai nirukoh.

EPESUS 3:7

Pohotala nonga ahkak'ku pononga – iotuh gawi – ahkan mborihta Kabar Hinut rih. Ahku norima pononga rih nguha kowasan Pohotala ijo bogawi ang luwang arop'ku.

PILIPI 1:27

Nah, ijo boguna huntuh iorih, ijo ihkam bolum sorurui umba inon ijo tonutut bain Kabar Hinut tohou Kristus rih. Honong kodorih, inonrih ahku dahpot hosombang umba ihkam ata'ai eam, ahku ahkan ngonih ijo ihkam ba'as angkohihco tutang kolahi sama-sama ahkan baya ihco maksud tutang ihco kojolik; yorih ahkan kepercayaan ijo sorurui umba Kabar Hinut tahkan Pohotala rih.

PILIPI 1:30

Huntuh ihkam ka'a homboh umba ahku a'ang kolahi ijo sama iorih ijo ihkam pu'u nohto ahku ngalahioh lomoi, tutang ijo magun ahku tohtap ngalahioh johcok huntuh, kolou ijo ihkam huntuh ius ngonih.

PILIPI 2:13

kotului Pohotala bongoi, ijo bogawi ang luwang arop'kam, ahkan nguan ihkam rela tutang sanggup nyanang ahtoi Pohotala.

KOLOSE 2:1

Ahku jolik ihkam mongota'an koloukuwoh kohebatoh ahku ngokolahi ahkan'kam, tutang ahkan iro ijo ang Laodekia, hawui paring ijo eam ngosono ahku socara porobadi.

KOLOSE 2:12

Kotului ang ohkot ihkam ponopondus, ihkam tonanom homboh Kristus; tutang hawui popondus orih ka'a, ihkam umba tonombolum hoduli hombo-homboh Kristus, kotului ihkam porocaya ahkan kowasan Pohotala ijo jari ngombolum Kristus tahkan popahtoi.

KOLOSE 4:12

Tahbe tahkan Epafras. Io ka'a tahkan barih'kam. Io jihpon Kristus Yesus ijo toturus bodo'a hawui tehen ahkan ihkam. Io nyawot honong paham ahkan Pohotala, mangat koyahkin'kam monjadi ba'as tutang ihkam moro-morong kolou ulun oko, mangat ihkam hawui soporuna bokehtep umba konohuang Pohotala.

1 TESALONIKA 2:9

Tontu ihkam magun ingat, koloukuwoh kokarasoh ihkai bousaha tutang hokolawan. Hondou ngolomi ihkai bogawi, mangat ihkai eam nyusah ihcobehti ka tahkan ihkam, 'co-ohkot ihkai mborihta Kabar Hinut ijo tahkan Pohotala rih ahkan'kam.

2 TESALONIKA 3:8

Ihkai eam kuman ukun ulun tutang honong eam molioh. Sobalikoh, hondou ngolomi ihkai bogawi hapa longon 'kai, mangat ihkai eam nyusah iai ka ka'a tahkan louk ihkam.

2 TIMOTEUS 2:10

Orihrih kotuluioh ahku tabah ngohtun paringoh rih, bain boguna ahkan ulun-ulun, ijo jari tomitih bain Pohotala, mangat iro ka ngondahpot kosolamatan ijo tononga nguha Kristus Yesus, tutang ijo tonohomboh umba kohajoi ijo abadi.

IBRANI 12:4

Kotului a'ang kolawan'kam umba dusa, ihkam jaha pu'u hokolawan nyiring harus nusuh daha.

IBRANI 13:21

Keleh Pohotala tohasak kosanang orih monyuhkup ihkam umba kokaron ijo hinut ijo ihkam poruluoh ahkan nguan kohondak-Oh. Keleh hawui nguha Yesus Kristus, Pohotala bogawi ang luwang ihto, inon ijo tongojolik-Oh. Hondakrih Kristus tomohoromat turus-jahamoh. Amen.

PONGORINAH 2:3

Ihkam sabar, tutang ihkam ngarot tului Ahku, tutang ihkam eam puhtus asa.