KOLOSE 1:28 - BOWOT BOHUA

²⁸ Kristus orihrih ijo ihkai mborihtaoh ahkan nyinong ulun. Ihkai mepingatoh tutang majar iro paringoh umba kokaro kopihtar. Titun ihkai iorih, mangat nyinong ulun dahpot tongitot ahkan Pohotala, kolou ulun ijo oko a'ang hal-hal rohani, kotului jari hihco umba Kristus.

KOLOSE 1:28 ပူးပေါင်းရင်းမြစ်များ

MATEUS 28:20

Mongajaroh iou iro mone'et paring ijo jari Ahku moretah umba'kam. Tutang ingat rih Ahku ahkan hototurus homboh ihkam nyiring lain jaman.”

MATEUS 3:7

Aro ka'a ulun Parisi tutang Saduki lombut nokuh Yohanes ahkan tonopondus. Tahpi ohkot io nohto iro lombut, io nuhtui umba iro, “Ihkam ulun ja'at! Iai ijo nuhtui, ijo ihkam duon boliwus tahkan hukum Pohotala ijo ahkan lombut?

MATEUS 5:48

Amai'kam ijo ang soruga ngasih paring ulun hawoi soporuna. Ihkam harus kodorih ka'a.”

MARKUS 6:34

Kotihka Yesus jahkat tahkan alut, Io nohto ulun aro. Io masi umba iro, tului iro kolou tobiri ijo eam aro ulun nyokahtikoh. Mahka Io ka'a nopara majar aro hal ahkan iro.

LUKAS 21:15

Ahku bongok ahkan nonga bagi'mu auh-auh tutang kopiosbudi bosara orih, nyiring eam ihcobehti ka tahkan musuh-musuh'kam duon ngolawan ata'ai nulak inon ijo ihkam nuhtuioh.

KESAH RASUL-RASUL 10:36

Konduang-konduang jari kota'an usin borihta ijo Pohotala johcokoh ahkan uhtus Israel. Borihta orih, anairih Kabar Hinut tohou kobuah nguha Yesus Kristus, yorih Tuhan paring ulun.

KESAH RASUL-RASUL 11:20

Tahpi tahkan louk ulun-ulun porocaya rih, ijo asar tahkan Siprus tutang Kirene, anai ka'a ulun-ulun ijo tulak nokuh Antiokhia tutang mborihta Kabar Hinut tohou Yesus rih, ahkan ulun-ulun ijo eam nambit agama Yahudi ka'a.

KESAH RASUL-RASUL 13:38

Tului orih Konduang-konduang harusrih ihkam kota'an, ijo nguha Yesus tuh borihta tohou pongapun dusa tonyiarrih ahkan'kam; ihkam harus kota'an, ijo nyinong ulun ijo porocaya umba Io bokuwat tahkan kokaro dusa ijo eam duon ngudapoh nguha poretah-poretah Pohotala ijo nyorihta bain Museh.

KESAH RASUL-RASUL 17:18

Guru-guru aliran Epikuros tutang aliran Stoa hokolawan ka'a umba io. Pira-pira tahkan iro nuhtui, ‘‘Ulun tuh kota'an inon? Pongotaanoh baya honjiot, tahpi aro nyamaioh!’’ Pira-pira ijo bohkon nuhtui, ‘‘Kolouoh io mborihta tohou dewa-dewa uhtus bohkon.’’ Iro nuhtui kolouorih, tului Paulus pander tohou Yesus, tutang tohou bolum hoduli uli mahtoi.

KESAH RASUL-RASUL 17:3

Hogalang ayat-ayat Surat Borasih, io monarang tutang pokarah ijo Lahca Ponyolamat ijo tonobowot bain Pohotala puna mongarot nyiring mahtoi, tahpi Io bolum hoduli tahkan popahtoi. ‘‘Yesus ijo ahku mborihtaoh ahkan'kam rih, Io rih Lahca Ponyolamat ijo tonobowot,’’ hion Paulus.

KESAH RASUL-RASUL 20:31

Tului orih bojaga-jaga! Ingat ijo tolu toun kotahiu hawui aro danum mahtotumbak, hondou homalom ahku eam pu'u tondo majar nyinong ulun tahkan ihkam.

KESAH RASUL-RASUL 3:20

Tuhan ahkan lombut ahkan'kam tutang ihkam nginyam komonyun rohani. Tutang Tuhan ahkan nyuhu Yesus lombut ahkan'kam, tului Io jari tonuhkas bain Pohotala monjadi Lahca Ponyolamat ahkan'mu.

KESAH RASUL-RASUL 5:42

Tutang nyinong ondou iro ang Lohpou Tuhan tutang ang lohpou-lohpou ulun, iro hototurus ngajar tutang mborihta Kabar Hinut tohou Yesus ijo Io Lahca Ponyolamat ijo tonombowot rih.

KESAH RASUL-RASUL 8:35

Mahka Pilipus ka nopara pander; io hapa ayat-ayat rih kolou pahtuk ahkan mborihta Kabar Hinut tohou Yesus ahkan pogawai isung rih.

KESAH RASUL-RASUL 8:5

Pilipus tulak nokuh lowu Samaria tutang mborihtaoh, ahkan ulun-ulun tohou Lahca Ponyolamat, ijo tonobowot Pohotala.

KESAH RASUL-RASUL 9:20

Io turus tulak nokuh karon-lohpou sombayang tutang nopara mborihtaoh ijo Yesus orihrih Anak Pohotala.

RUMA 16:25

Tonotararih ahkan Pohotala! Io bokowasa ngomba'as koporocaya Konduang sorurui umba Kabar Hinut tahkan Pohotala, ijo ahku mborihtaoh tohou Yesus Kristus. Ahku mborihtaoh Kabar orih sorurui umba inon ijo tongorinah bain Pohotala; iorih tohou rancana Pohotala ijo jari boabad-abad kotahiuoh eam tongota'an ulun.

1 KORINTUS 1:23

Tahpi ihto tuh tihkas mborihta Kristus ijo mahtoi ang sopolahki. Borihta rih nyinggung pokomon ulun Yahudi, tutang tongohu tuhtui uong bain ulun-ulun bohkon Yahudi. Tutang ulun bohkon Yahudi ngohu orih ihco kouong.

1 KORINTUS 1:30

Pohotala bongoi ijo napa nyiring Konduang hihco umba Kristus Yesus. Nguha Kristus, ihto monjadi horahti. Tutang nguha Io ka'a Pohotala nguan ihto hokopios hoduli umba arop-Oh, monjadi ihto ukup-Aiu ijo khusus tutang ngoliwus ihto.

1 KORINTUS 12:8

Ahkan ijo ihcobehti, Roh rih nonga kosanggup ahkan bopander hawoi pongaroh. Ahkan ijo bohkon Roh ijo sama rih nonga kosanggup ahkan monarang tohou Pohotala.

1 KORINTUS 15:12

Amat ijo ihkai mborihtaoh rih, iorih Kristus jari tonombolum hoduli tahkan popahtoi, ombai anai tahkan louk'kam ijo nuhtui, ijo ulun mahtoi eam ahkan tonombolum hoduli?

1 KORINTUS 2:15

Ulun ijo anaingina Roh Pohotala duon monilai paring a'angihco, tahpi eam ihcobehti ka, bohak monilai Io.

1 KORINTUS 2:6

Oluka kodorih ang louk ulun-ulun ijo pombolum rohanioh jari botuo, ahku puna pander tohou kopihtar. Tahpi kopihtar tuh bohkon kopihtaran kolunon, ata'ai kopihtaran dolang pongowasaoh jaman tuh, ijo kowasaioh ahkan dilap.

1 KORINTUS 4:14

Ahku nyurat tuh ahkan'kam, eamrih ahkan nguan ihkam jadi ngomia, tahpi ahkan ningak ihkam kolou dolang anak aik'ku bongok.

2 KORINTUS 10:14

Jadi, kotihka ihkai masap'kam tutang ngomin Kabar Hinut tohou Kristus ahkan'kam, ihkai tu'u-tu'uoh eam nokalou tahkan tihkas-tihkas daerah gawin 'kai.

2 KORINTUS 11:2

Ahku rindu umba'kam, kolou Pohotala bongoi ka rindu umba'kam. Ihkam anai kolou ihcobehti anakdara bujang tindih, ihco magun borasih, ijo jari ahku mbowotoh, ahkan tonongawinoh umba ihcobehti bosai, iorih Kristus.

2 KORINTUS 4:5

Borihta ijo ihkai nyiaroh rih, eam borihta tohou ihkai bongon. Borihta rih anai borihta tohou Yesus Kristus; ijo Io anairih Tuhan; tutang ihkai tuhrih jihpon-jihpon'kam kotului Io.

EPESUS 3:8

Ang louk paring ukup Pohotala, ahkurih ijo paling hina. Tahpi Pohotala nonga ahkak'ku pononga tuh, gawi ahkan mborihta ahkan ulun-ulun bohkon Yahudi, Kabar Hinut tohou kotahtou Kristus ijo eam anai koopahoh;

EPESUS 5:27

Honong kolourih Kristus nguan ukup rih tombok hawui ponohajo tutang borasih ang husuk-Oh, earo cahcat ata'ai sala inon ka.

KOLOSE 1:22

Tahpi huntuh, umba popahtoi Anak-Oh, Pohotala napa sambung ihkam umba Io, monjadi pios hoduli. Umba cara orih ihkam dahpot tonomin noharep Pohotala a'ang koada'an borasih, molinyou tutang earo salai.

KOLOSE 2:10

Tutang tului bolum hihco umba Kristus ihkam ka tononga pombolum sotuwioh. Kotului Kristus anai kopala ngosan nyinong roh, ijo bokowasa tutang ijo moretah.

KOLOSE 2:3

Kristusrih ijo monguapoh kokaro kopihtar tutang kohorahtin Pohotala ijo jamanlomoi tosuhuk.

KOLOSE 3:16

Hondakrih ajar-ajar Kristus ijo tuwi borehkat nyorap ahkan luwang ahtoi'kam. Hondakrih ihkam saling majar tutang saling nonga tingak sokopihtar soduondahpot. Monyanyioh rih masmur tutang tara-tara hawui lagu-lagu rohani; monyanyi iou ahkan Pohotala, honong nanyam norimakasih ang luwang ahtoi'kam.

KOLOSE 4:12

Tahbe tahkan Epafras. Io ka'a tahkan barih'kam. Io jihpon Kristus Yesus ijo toturus bodo'a hawui tehen ahkan ihkam. Io nyawot honong paham ahkan Pohotala, mangat koyahkin'kam monjadi ba'as tutang ihkam moro-morong kolou ulun oko, mangat ihkam hawui soporuna bokehtep umba konohuang Pohotala.

1 TESALONIKA 4:6

A'ang hal kolouorih, a'ai ihcobehti ka nguan kosalan umba konduangoh ata'ai ka monihpuoh. Lomoi ihkai jari nonga tingak ijo paham ahkan'kam, ijo Tuhan ahkan mohukum ulun-ulun ijo nguan kosalan-kosalan kolouorih.

1 TIMOTEUS 3:16

Eam ihcobehti ka dahpot molawan, eaminon kohajoioh rahasia agaman ihto, Io ngorinah arop a'ang tapan kolunan, tutang tongorinah morong bain Roh Pohotala, hawui gihtan bain dolang molehkat. Borihtaoh uras konahan ang tohun uhtus-uhtus, tutang Io toporocaya ang hopus kolunon tutang konahtang nokuh soruga.

1 TIMOTEUS 3:2

Ihcobehti pohalu ukup harusrih ulun ijo earo kosalai, tutang tihkas ihco iou oruhoh, ngota'an nahan aropoh, pihtar, tutang tertib, io jolik norima ulun ang luwang lohpouoh, tutang tou majar ulun,

IBRANI 10:14

Jadi umba ihco porahpah, Kristus nyoporuna ulun-ulun, ijo jari tonomuhioh tahkan dusa.

IBRANI 13:21

Keleh Pohotala tohasak kosanang orih monyuhkup ihkam umba kokaron ijo hinut ijo ihkam poruluoh ahkan nguan kohondak-Oh. Keleh hawui nguha Yesus Kristus, Pohotala bogawi ang luwang ihto, inon ijo tongojolik-Oh. Hondakrih Kristus tomohoromat turus-jahamoh. Amen.

2 PETRUS 3:15

Ngohurih kosabar Tuhan ihto kolou kosapet ijo tononga-Oh ahkan'kam, mangat dahpot solamat. Paulus, konduang ihto ijo tonokasih, jari nyurat ijo kolourih ka'a ahkan'kam. Io nyurat rih umba kopihtaran ijo tononga Pohotala ahkaioh.