KOLOSE 1:23 - BOWOT BOHUA

²³ Tahpi kopunai ihkam harus tohtap te'et porocaya tutang tombok tehen aang koporocayan'kam. Ara nyiring ihkam molohkak koharap ijo jari tononga ahkan'kam, kotihka ihkam norima Kabar Hinut tahkan Pohotala. Kabar rih jari tomborihta ahkan nyinong ulun ang hopus kolunon. Tutang ahkan orihrih ka'a ahku Paulus jari monjadi pohalu.

KOLOSE 1:23 ပူးပေါင်းရင်းမြစ်များ

MARKUS 16:15

Turus Yesus nuhtui umba iro, ‘‘Tulak'kam, nokuh sohapus kolunon, tutang momborihta ohrih Kabar Hinut tahkan Pohotala rih, ahkan paring ukup kolunon.

LUKAS 22:32

Tapi Ahku jari bodo'a ahkan'mu, Simon, ahkan koporocaya'mu ara luntur. Tutang amat ihkam jari huli ahkak-Ku ihko harus ngoba'as konduang-konduang'mu.’’

LUKAS 6:48

Io kolou ulun ijo kotihka nombok lohpou, ngali timbo-timbon, turus napa galangoh umba bahtu. Aang ohkot anai danum ba'ah noturung lohpou rih, lohpou orih eam duon hogunde tului jari tonombok ang ngosan galang ijo pios.

YOHANES 15:6

Ulun ijo eam tohtap hihco honong Ahku ahkan ndian kolou da'an, turus jadi koring. Da'an-da'an ijo kolouorih ahkan tonipun tutang tonyakah nokuh baho turus bopahpong.

KESAH RASUL-RASUL 1:17

Yudas anairih anai ihcobehti tahkan ihto, tutang io jari tonopili ka'a ahkan umba bogawi hombo-homboh umba ihto.’’ (

KESAH RASUL-RASUL 1:8

Tahpi ihkam ahkan duon kowasa, amat Roh Pohotala jari lombut ahkan'kam. Tutang ihkam ahkan monjadi saksi-saksi ahkak-Ku ang Yerusalem ang hapus Yudea, ang Samaria tutang nyiring topahkan tana.’’

KESAH RASUL-RASUL 11:23

Tutang kotihka Barnabas johcok ang anan, tutang nohto koloukuwoh Pohotala mborehkat ulun-ulun rih, io jorih samasino. Turus io nyawot mangat iro tu'u-tu'u bokehtep umba Tuhan hawui kotuwi ahtoioh.

KESAH RASUL-RASUL 14:22

Aang lowu-lowu rih iro ngoba'as ahtoi murid-murid Yesus tutang mopingat murid-murid rih porocaya ahkan Yesus, ‘‘Ihto harus aro ngarot houn, punan ihto nginyam kosanangoh Ang Kolunon Bohua Pohotala,’’ kodorih rasul-rasul rih majar murid-murid Yesus ang lowu-lowu rih.

KESAH RASUL-RASUL 2:5

Aang ohkot orih ulun Yahudi tahkan mahca-mahcam lowu ang hapus kolunon, mohcon ang Yerusalem. Iro anairih ulun-ulun ijo bokehtep umba Pohotala.

KESAH RASUL-RASUL 20:24

Tahpi ahku eam poduli umba pombolum'ku tuh, asar ahku duon ngohpah gawi-gawi ijo tomorocaya bain Tuhan Yesus ahkak'ku, tutang asar ahku te'et nyiring ang lain pombolum'ku ahkan mborihta Kabar Hinut rih tohou pononganasi Pohotala.

KESAH RASUL-RASUL 26:16

Kuatiou tutang tombok! Ahku ngorinahoh arop ahkan'kam, hawui konohuang ahkan potuot ihko monjadi pohalu-Ku. Ihko harus monjadi pomborihta Kabar Hinut ahkan ulun bohkon, inon ijo ihko nohtooh ondou tuh tohou Ahku, tutang tohou inon ijo Ahku ahkan ngorinahoh ahkan'kam noin, aang ohkot ijo ahkan lombut.

KESAH RASUL-RASUL 4:12

Tihkas nguha Yesus iou ulun duon solamat. Tului ang sohapus Kolunon, ang louk ulun eam aro ihcobehti bohkon ka ijo ngonduon kowasa tahkan Pohotala ahkan monyolamat ihto.’’

RUMA 10:18

Tahpi ahku ngisok: Kuwoh puna iro jaha ngonih borihta rih? Musti jari! Tului luwang Surat Borasih tonyurat koloutuh, ‘‘Auh iro jari ngua-nguak ang sohapus kolunon, tuhtui-tuhtui'ndo jari johcok nokuh topahkan kolunon.’’

RUMA 15:16

Io ius ngojorian ahku monjadi pohalu Kristus Yesus ahkan sonuhu, ahkan nokuh uhtus-uhtus ijo bohkon Yahudi. Tutang ahku molalusoh kolou imam, ijo mborihta Kabar Hinut tahkan Pohotala, mangat ulun-ulun ijo bohkon Yahudi, monjadi ihco ponyorahan ahkan Pohotala, ijo dahpot tonorima baiou-Oh. Keleh Roh Pohotala napa iro monjadi ihco ponyorahan ijo khusus bagi Pohotala.

RUMA 2:7

Pohotala nongaoh pombolum sojati tutang kototahiou ahkan iro ijo te'et nguan kopios ahkan dahpotoh ijo hinutbolega, ijo tomohoromat tutang ijo tohtapkototahiu.

RUMA 5:5

Koporocaya ijo kolouorih rih eam ahkan poki'aoh ihto, tului ahtoi ihto ius sonuang bain Pohotala umba Asiu-Oh. Pohotala nguan orih rih honong nguha Roh-Oh, ijo jari tononga-Oh ahkan ihto.

1 KORINTUS 15:58

Bain kotului rih, Konduang-konduang ijo tongasih, hondakrih ihkam ba'as tutang tehen. Bogawirih turus ahkan Tuhan honong tu'u-tu'u, bain ihkam ngota'an ijo paring ijo ihkam nguaioh ahkan Tuhan, eam ahkan ngohus!

1 KORINTUS 3:5

Kotu'ui iai Apolos rih? Tutang iai Paulus rih? Ihkai tihkas dolang pohalu Pohotala, ijo ius niting ihkam ahkan porocaya umba Kristus. Ihkai baya molalus gawi ijo tonyuhu Tuhan ahkan ihkai nyinong behti.

2 KORINTUS 10:1

Uhuntuh ahku, Paulus, kani nyurung aang'co ahkan'kam. Ahku tuh, numbun hion ulun, bolomu-lembai amat hotoharep umba ihkam, tahpi bohanyi amat hokomahcu. Nah, kotului kolomukolembai tutang kopios ahtoi Kristus!

2 KORINTUS 11:23

Pohalu-pohalu Kristuskah iro? Naingoh kolou ahku ius nihou ahkal, tahpi ahku puna pohalu ijo puna labih morong tahkan iro paringoh! Ahku bogawi labih karas, ahku labih bojoin ponosolong ang luwang sipir, ahku labih aro tonyiksa tutang bojoin nyiring mahtoi.

2 KORINTUS 3:6

Io iou ijo nguan ihkai nyanggup monjadi pohalu ahkan ihco bowot ijo bohua, bowot ijo bogatung tahkan Roh Pohotala, bohkon tahkan hukum ijo tonyurat. Tului ijo tonyurat orihrih ngomin popahtoi, rahatoh ijo Roh Pohotala rih nonga pombolum.

2 KORINTUS 4:1

Ihkai nguan gawi tuh, tului kosayang ahtoi Pohotala. Orih kotuluioh ihkai eam puhtus asa.

2 KORINTUS 6:1

Tului ihkai bogawi hombo-homboh umba Pohotala, mahka ihkai nyawot hawui tu'u-tu'u, a'ai ihkam mohonou kopios ahtoi Pohotala rih.

GALATIA 4:11

Ahku kowatir, ara-ara koheka koujuh'ku, ahkan ihkam nyia-nyia iou.

GALATIA 5:5

Tahpi bagi ihkai, ihkai bokoharap, ijo honong pondohop Roh Pohotala tutang hogalang koporocayan ihkai umba Kristus, Pohotala touduonrih ahkan ihkai hokopios umba Io.

GALATIA 5:7

Lomoi ihkam hokolahi honong pios! Huntuh ombai ihkam eam te'et hino umba konohuang Pohotala? Iai jari mbujuk ihkam?

GALATIA 6:9

Kotului rih, ara ihto monjadi peda nguan hal-hal ijo pios; bain amat ihto eam tondo nguan hal-hal rih, sino jaha ihto ahkan ngohtom buaoh.

EPESUS 1:18

Ahku nyawot mangat Pohotala nguap tiruk'kam nyiring monjadi boloang; mangat ihkam horahti inon ijo ihkam dahpot harapoh tahkan Pohotala ijo na'ah ihkam. Ka'a mangat ihkam ta'an eaminon botusuh borehkat-borehkat ijo bohinoi ijo tonahtap Pohotala ahkan ukup-Oh,

EPESUS 2:21

Iorih ijo nyusun sohopus pangun orih monjadi Lohpou Pohotala ijo khusus ahkan Tuhan.

EPESUS 3:17

Keleh kotului ihkam porocaya umba Kristus, Kristus mohcon ang luwang ahtoi'kam tutang pombolum'kam hogalang tutang konowasa kobain kasih.

EPESUS 4:16

Ang pinda totiring-Oh paring ramun behtiu rih tosusun rahpi, tutang saling hotutung bain sambung-sahpanoh nyinong-nyinong. Tutang amat nyino-nyinong ramunbehtiu rih bogawi kolou ijo koharusoh, mahka sohopus behtiu rih ahkan tumbu monjadi dewasa tutang ba'as nguha kasih.

KOLOSE 1:25

Pohotala nyuhu ahku monjadi pohalu ukup-Oh, ahkan kogunan'kam. Ahku harus monyapai borihta tahkan Pohotala, koparingoh;

KOLOSE 2:7

tutang muhat ang a'ang Io. Kohondakrih ihkam nombok pombolum'kam umba Kristus kolou galangoh. Kohondakrih ihkam mahi porocaya umba Kristus, numbun inon ijo jari tongajar ahkan'kam. Tutang hondakrih ahtoi'kam nopusak-pusak hawui ngohawot torimakasih.

1 TESALONIKA 3:3

Honong kodorih eam ihcobehti ka, tahkan ihkam ijo undur aropoh tului karot-karot ihto tuh. Ihkam bongon kota'an ijo karot-karot rih nyolong luwang rancana Pohotala ahkan ihto.

1 TESALONIKA 3:5

Orihrih kotuluioh ahku nyuhu Timoteus, tului ahku jolik sasino ta'an koloukuwoh komiar'kam a'ang porocaya umba Kristus. Ahku mihkoh Sehtan bohasir nihkos ihkam nyiring paring koheka kouyuh ihkai monjadi ngahus.

1 TESALONIKA 5:8

Tahpi ihto tuh, ulun-ulun ijo barih aang hondou ijo boloang; tului rih tiruk ihto harus boloang. Ihto harus tehtep porocaya umba Tuhan tutang ngasi ulun-ulun bohkon hawoi bokoharap honong yakin, ijo Pohotala ahkan monyolamat ihto. Orihrih sonjata ijo ngolindung ihto a'ang kolahi molawan kopindong.

2 TESALONIKA 2:16

Keleh Tuhan ihto Yesus Kristus bongoi, tutang Pohotala, Amai ihto, nonga ampung tutang koba'as ang ahtoi'kam, mangat ihkam duon bogawi tutang mborihta inon ijo pios. Tului Pohotala ngasi ihto, tutang tului kohinut ahtoi-Oh, Io napa ihto tohtap tabah hawui bokoharap umba ijo hinut.

1 TIMOTEUS 1:12

Ahku ngohawot torimakasih ahkan Kristus Yesus Tuhan ihto. Io jari nonga koba'as ahkak'ku ahkan mohalu Io, tutang Io ijo ngohu ahku layak ahkan gawi orih,

1 TIMOTEUS 2:7

Tutang orihrih kotuluioh, ahku tonyuhu tulak nokuh ulun-ulun bohkon Yahudi mangat mborihta ahkan iro borihta tohou koporocaya ijo morong. Ijo ahku monyiaroh tuh anairih morong, ahku eam ngobalik.

1 TIMOTEUS 3:16

Eam ihcobehti ka dahpot molawan, eaminon kohajoioh rahasia agaman ihto, Io ngorinah arop a'ang tapan kolunan, tutang tongorinah morong bain Roh Pohotala, hawui gihtan bain dolang molehkat. Borihtaoh uras konahan ang tohun uhtus-uhtus, tutang Io toporocaya ang hopus kolunon tutang konahtang nokuh soruga.

TITUS 3:7

Mangat bain pononganasi Yesus, ihto hokopios hoduli umba Pohotala tutang ihto dahpot pombolum ijo sojahti tutang kototahiu ijo ihto mohara-harap-Oh.

IBRANI 10:38

Tutang ukup-Ku ijo morong ahkan porocaya tutang bolum; tahpi amat anai ang louk iro ijo undur, mahka Ahku eam ahkan sanang umbaoh.’’

IBRANI 3:14

Ihto paring anairih injah ihcohokolahi homboh Kristus, asar ihto johcok laiu nambitoh lehket koyakinan ijo ihto tepui tahkan pahtukoh.

IBRANI 3:6

Tahpi Kristus bokehtep kolou Anak, ijo botanggung-jawab ngosan Lohpou Pohotala. Tutang ihto tuhrih Lohpou Pohotala, amat ihto tahtap bosomangat tutang tahtap yakin ahkan ngondahpot inon ijo ihto harapoh.

IBRANI 4:14

Orih rih kotuluioh ihto harus botambit tehen aang pongahkuan koporocayan ihto. Kotului ihto anaitepun Imam Hajo ijo hajo, ijo jari nyolong johcok nokuh husuk Pohotala – Iorih Yesus Anak Pohotala.

IBRANI 6:19

Koharap ihto rih, kolou sauh ijo tokelem paham timbon tutang monjadi ponambit ijo segah tutang sanang ahkan pombolum ihto. Koharap rih morutat dindingbenang, Ruang Ijo Mahaborasih ang Lohpou Tuhan ang soruga.

1 PETRUS 1:3

Olailah ihto norimakasih umba Pohotala, Amai, Tuhan ihto Yesus Kristus! Io paham mongasih ihto, orih kotuluioh Io nonga ahkan ihto pombolum ijo bohua, hawui mombolum hoduli Yesus Kristus tahkan popahtoi. Tuh mononga'kan ihto harapan ijo segah.

1 PETRUS 1:5

Paringoh rih anairih ahkan'mu, tului ihkam porocaya umba Pohotala. Mahka ihkam tonojaga umba kowasan Pohotala, mangat ihkam monorima kosolamatan ijo sodia tongorinah aang lain jaman noin.

1 YOHANES 2:27

Tahpi tohou ihkam bongon, Kristus jari nusuh Roh-Oh aang'kam. Tutang kotahin Roh-Oh anai aang ihkam, eam usah ulun bohkon hino majar ihkam. Bain Roh-Oh majar ihkam tohou kokaro aangihco; tutang inon ijo tongajar-Oh rih morong, eam alik, Bain orih hondakrih ihkam te'et, ahkan inon ijo tongajar bain Roh rih, tutang hondakrih ihkam tahtap bolum hihco umba Kristus.

PONGORINAH 2:10

Ara mihkoh umba karot ijo eam tahi hino ihkam harus nyuruoh. Ingat, Sehtan ahkan moposolong ihcokobagi tahkan ihkam, koluwang sipir ahkan mouji ihkam. Ihkam ahkan mongarot sopulu ondou kotahiuoh. Hondakrih ihkam bokehtep umba Ahku nyiring mahtoi, mahka Ahku ahkan nonga ahkan'mu pombolum sojahti tutang kototahiu kolou hadiah komanang.