KOLOSE 1:13 - BOWOT BOHUA

¹³ Io jari momorodehka ihto tahkan kowasan kopindong, tutang ngahtun ihto nokuh luwang kolahca'an Anak-Oh ijo tonokasih-Oh.

KOLOSE 1:13 ပူးပေါင်းရင်းမြစ်များ

MATEUS 17:5

Pondehan Petrus magun hopander baunondou ijo boloang sino ngapuh'ndo tutang tahkan baunondou rih konahan auh ijo nuhtui, “Tuhrih Anak-Ku ijo Ahku ngasih-Oh, Io nyanang ahtoi-Ku. Ngonih Io!”

MATEUS 25:34

Pongohuli Lahca rih nuhtui umba ulun-ulun ang hila koto'ui-Oh, ‘Nokuhohtoi ihkam ijo tomorehkat bain Amai-Ku. Nyolong nokuh Kolahca'an ijo tonyodia ahkan'kam tahkan pahtuk kolunon.

MATEUS 3:17

Uliorih konahan auh Pohotala nuhtui, “Jituh Anak-Ku ijo Ahku ngasih-Oh. Io ngojorih ahtoi-Ku.”

LUKAS 13:24

‘‘Bousaharih ahkan nyolong nyuru bauntukang ijo sihki. Tului, ingat! Aro ulun ngurah jalan nyolong, tahpi eam tou.

LUKAS 22:53

Nyinong ondou Ahku anai ang louk ihkam ang Lohpou Tuhan, ihkam eam nawan Ahku. Tapi huntuh johcok ohkotoh ihkam nguaioh, kotihka kowasa kopindong nguan gawiu.’’

YOHANES 17:24

Amai, Ahku jolik mangat iro, ijo Amai nongaoh ahkak-Ku, anai hihco Ahku ang unuk Ahku anai, mangat iro nohto kohajon aik-Ku; iorih kohajon ijo Amai nongaoh ahkak-Ku, kotului Amai ngasih Ahku sounumba kolunon tuh tona'oi.

YOHANES 3:35

Amai sita Anak-Oh, tutang jari nyarah paring ahkai kowasa-Oh.

YOHANES 5:24

Tu'u morong auh-auh-Ku tuh: Ulun ijo ngonih auh-auh-Ku, tutang porocaya umba Io ijo nyuhu Ahku, tepun pombolum sojahti tutang kototahiu. Io eam ahkan tonohukum; io jari morodehka tahkan popahtoi tutang dahpot pombolum.

KESAH RASUL-RASUL 26:18

ahkan polenangoh mahtan'ndo, mangat iro soluka tahkan kopindong, tutang nyolong nokuh luwang koloang, mangat iro liwus tahkan kowasan Sehtan, turus konowasa bain Roh Pohotala. Mahka tului porocaya umba-Ku, dusa-dusan iro ahkan tongapun tutang iro ahkan monjadi ukup-ukup Pohotala ijo mihtih.’ ’’

RUMA 14:17

Tului amat Pohotala momoretah pombolum ihcobehti, inon ijo io tou kumai ata'ai ngorihoh, eam hino boguna. Ijo boguna io rih ijo ulun rih numbun konohuang Pohotala, nanyam koteneng ahtoi tutang norima kojorih ijo tonongarih bain Roh Pohotala.

2 KORINTUS 11:14

Eam helan iro nguan kodorih, tului Sehtan bongoi ka nyoruwa kolou molehkat koloang!

2 KORINTUS 4:4

Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

EPESUS 1:6

Tonotararih ahkan Pohotala ijo Hajo, kotului nguha Anak-Oh ijo tongasih Io paham ngasih ihto.

EPESUS 4:18

Tiruk iro jari pindong. Iro eam ngosono pombolum ijo tononga bain Pohotala, tului iro samasino eam anaingina pongotaan ino-inon tohou Pohotala. Iro kodorih, tului mahang kuhungoh.

EPESUS 5:5

Nohtoani pio-pios; ulun ijo hadatdasar kihal, ata'ai eam sanonoh, ata'ai bokuhu, (hadatdasar kodorih sama iou umba nyembah dewa) ulun rih eam tou monjadi anak ukup ijo tomoretah bain Kristus tutang Pohotala.

EPESUS 5:8

Ihkam bongom lomoi anai ang luwang kopindong. Huntuh ihkam jari monjadi ukup Tuhan, jadi ihkam anai ang luwang koloang. Bain kotului rih ihkam harus bolum ang luwang koloang rih.

EPESUS 6:12

Tului ihto hokolahi eamoh molawan kolunon, molekan molawan koba'as kokaro sehtan-sehtan ijo ngowasa jaman ijo ja'at tuh. Ihto molawan koba'as roh-roh ja'at ijo bokowasa ang pinda langit.

1 TESALONIKA 2:12

Ihkai ningak ihkam, ihkai nonga juhung ahkan ihkam, tutang ihkai hojojuan mangat ihkam bolum kodorih kolou, nyiring monyanang ahtoi Pohotala. Tului Pohotala ius na'ah ihkam, monjadi warga Kolunon Bohua ain Pohotala tutang nginyam karon-kohajoi-Oh.

IBRANI 2:14

Bain kotului ulun-ulun ijo Io ngohawot, anak, rih, anairih mahluk kolunon ijo dahpot mahtoi, mahka Yesus bongoi monjadi sama, umba iro, tutang bolum a'ang koada'an ulun. Io nguan kolorih, mangat umba popahtoi-Oh, Io dahpot moluhtek Sehtan ijo mongowasa popahtoi.

1 PETRUS 2:9

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.

2 PETRUS 1:11

Umba kolourih ihkam ahkan tononga hak tuwi ahkan nyolong Kolahca'an ijo kototahiu tahkan Tuhan tutang Lahca Ponyolamat ihto Yesus Kristus.

1 YOHANES 2:8

Oluka kolourih, poretah ijo ahku nyuratoh tuh punai ka'a; tului kotu'uioh dahpot tonohto aang arop Kristus, tutang aang arop ihkam. Tului kopindong mahi-mahi dilap, tutang koloang ijo tu'u jari nopara monyingah.

1 YOHANES 3:14

Ihto ta'an ijo ihto jari soluka tahkan popahtoi, tutang jari hahtun nokuh pombolum. Ihto ta'an rih kotului ihto masi hawui konduang ihto. Ulun ijo eam masi, rimai magun konowasa bain popahtoi.

1 YOHANES 3:8

Tahpi ulun ijo hototurus nguan dusa anairih anak Sehtan, kotului Sehtan bodusa tahkan pahtuk. Ahkan tuhrih Anak Pohotala lombut yorih ahkan polonyuh gawin Sehtan.