KOLOSE 1:12 - BOWOT BOHUA

¹² tutang hawui ngohawot torimakasih ahkan Amai. Kotului Amai orihrih ijo nguan ihkam harus norima inon ijo tonyodia Pohotala ahkan ukup-Oh ang luwang kolahca'ai-Oh ijo boloang.

KOLOSE 1:12 ပူးပေါင်းရင်းမြစ်များ

MATEUS 25:34

Pongohuli Lahca rih nuhtui umba ulun-ulun ang hila koto'ui-Oh, ‘Nokuhohtoi ihkam ijo tomorehkat bain Amai-Ku. Nyolong nokuh Kolahca'an ijo tonyodia ahkan'kam tahkan pahtuk kolunon.

YOHANES 14:6

Yesus mutah, ‘‘AHKU TUH JALAN AHKAN NGOSONO POHOTALA TUTANG NGONDAHPOT POMBOLUM. EAM ARO IHCOBEHTI KA DAHPOT LOMBUT NOKUH AMAI AMAT EAM NOKALOU AHKU.

YOHANES 20:17

‘‘Ara nambit Ahku,’’ hion Yesus umba io, ‘‘tului Ahku jaha tulak nuhkat nokuh Amai. Tahpi tulak iou nokuh konduang-konduang-Ku, tutang momborihta ahkan iro ijo Ahku uhuntuh nuhkat nokuh Amai-Ku tutang Amai'kam, Pohotalak-Ku tutang Pohotalan ihkam.’’

YOHANES 4:23

Tahpi ohkotoh ahkan lombut, molahan jari lombut, ijo umba kowasa Roh Pohotala ulun-ulun ahkan monyembah Amai, kolou Pohotala ijo morong, kolou ijo kononjolik Amai.

KESAH RASUL-RASUL 20:32

Huntuh ahku nyarah ihkam ahkan Pohotala mangat Io ijo monjaga ihkam, tutang mangat ihkam nambit aang kabar pononganasi Pohotala. Pohotala tepun kowasa ahkan ngomba'asoh ihkam, tutang nonga ahkan'mu borehkat-borehkat ijo jari tonahtap-Oh ahkan paring ukup Aiu.

KESAH RASUL-RASUL 26:18

ahkan polenangoh mahtan'ndo, mangat iro soluka tahkan kopindong, tutang nyolong nokuh luwang koloang, mangat iro liwus tahkan kowasan Sehtan, turus konowasa bain Roh Pohotala. Mahka tului porocaya umba-Ku, dusa-dusan iro ahkan tongapun tutang iro ahkan monjadi ukup-ukup Pohotala ijo mihtih.’ ’’

RUMA 11:17

Ihcokobagi tahkan da'an-da'an zaitun – yorih ulun-ulun Yahudi – ius tonohtok. Tutang ang lohkun tohtok rih nutung umba da'an zaitun himba, yorih Konduang-konduang ijo bohkon uhtus Yahudi. Konduang tonutung ang anan, mangat Konduang nginyam karonaang ijo pios, tahkan pombolum rohani ulun-ulun Yahudi.

RUMA 15:27

Honong sanang ahtoi iro monahtap, ahkan nguan orih. Puna komorongoh, iro pahtut dohop konduang-konduang ijo porosbolum, ang Yerusalem rih, tului tahkan ulun-ulun Yahudi rih, ulun-ulun bohkon Yahudi rih ius norima borehkat-borehkat tahkan Pohotala. Jadi, ulun-ulun ijo bohkon Yahudi rih, pahtut ka'a dohop ulun-ulun bohkon Yahudi umba borehkat-borehkat ramuioh.

RUMA 8:17

Nah, amat ihto anairih anak-anak-Oh, mahka ihto ka norima waris-Oh ijo tonahtap bain Pohotala ahkan anak-anak-Oh. Ihto ahkan norima hombo-homboh umba Kristus inon ijo jari tonahtap Pohotala ahkai-Oh, tului amat ihto ngarot umba Kristus, ihto ahkan tonohoromat ka'a homboh Io.

RUMA 9:23

Pohotala ka'a boniat ngorinah ahkan ihto kosanangkomangat molowi-lowi ijo tonusuh-Oh ahkan ihto ijo ponokasih-Oh. Ihto jari tonahtap-Oh ahkan monorima kosanangkomangat rih.

1 KORINTUS 8:6

Tahpi bagi ihto, Pohotala tihkas ihco. Io Amai ijo na'oi karon aang'co. Ahkai-Oh ihto bolum. Tutang Tuhan tihkas ihco ka'a, iorih Yesus Kristus. Nguha Io karon angihco tona'oi, tutang kotului Io mahka ihto bolum.

1 KORINTUS 9:23

Paring orih rih ahku nguai kotului Kabar Hinut tahkan Pohotala rih, mangat ahku ka'a taput tomorehkatoh.

2 KORINTUS 11:14

Eam helan iro nguan kodorih, tului Sehtan bongoi ka nyoruwa kolou molehkat koloang!

2 KORINTUS 5:5

Ijo monyodiarih ihto ahkan orihrih, anairih Pohotala bongoi, tutang Io nonga Roh-Oh ahkan ihto kolou jaminan.

EPESUS 1:11

Pohotala monguan kokaron aangihco, numbun kojolik-Oh tutang kopuhtusai-Oh bongoi. Tahkan pahtuk Io jari mitih ihto, tului Io jolik mangat ihto monjadi ukup-Oh kotului hihco umba Kristus.

EPESUS 1:18

Ahku nyawot mangat Pohotala nguap tiruk'kam nyiring monjadi boloang; mangat ihkam horahti inon ijo ihkam dahpot harapoh tahkan Pohotala ijo na'ah ihkam. Ka'a mangat ihkam ta'an eaminon botusuh borehkat-borehkat ijo bohinoi ijo tonahtap Pohotala ahkan ukup-Oh,

EPESUS 2:18

Umba poholat Kristus ihto paring – pios ulun Yahudi, oluka ulun bohkon Yahudi – kobain Roh Pohotala ijo ihco, dahpot ngondoni Amai.

EPESUS 3:6

Rahasia rih, iorih tuh: Nguha Kabar Hinut rih, ulun bohkon Yahudi umba nginyam borehkat-borehkat Pohotala, ijo lomoi tonahtap tihkas ahkan ulun Yahudi. Ulun-ulun bohkon Yahudi jari monjadi ramu tahkan behti ijo sama, tutang umba norima inon ijo tonobowot Pohotala nguha Kristus Yesus.

EPESUS 4:6

tutang ihco Pohotala ijo monjadi Amai paring ulun. Iorih Tuhan ang-pinda langit, ijo bogawi nguha paringoh, tutang bokowasa ang luwang paringoh.

EPESUS 5:11

A'ai nguan gawi-gawi ijo eam boguna ijo tonguan kobain ulun-ulun ijo bolum ang kopindong. Tobalikoh, hondakrih ihkam momburang hal-hal mahcam orih. (

EPESUS 5:20

Toturus tutang tohou inon ka ka'a, pios ihkam ngohawot torimakasih ahkan Pohotala, Amai, ngosan aran Yesus Kristus Tuhan ihto.

EPESUS 5:4

Eam ka'a pahtut ahkan'mu ngohawot tuhtui-tuhtui ijo kojilok, ijo kihal, tutang ijo eam pantas. Sobalikoh hondakrih ihkam ngohawot torimakasih ahkan Pohotala.

EPESUS 5:8

Ihkam bongom lomoi anai ang luwang kopindong. Huntuh ihkam jari monjadi ukup Tuhan, jadi ihkam anai ang luwang koloang. Bain kotului rih ihkam harus bolum ang luwang koloang rih.

KOLOSE 2:2

Paringoh tuh ahku nguaioh, mangat ahtoi iro monjadi ba'as tutang iro saling mongasih, nyiring iro lehket hihco. Umba kodorih iro tu'u-tu'u horahti tutang yahkin hawui ngosono rahasia Pohotala, yorih Kristus bongoi.

KOLOSE 3:15

Hondakrih koputusan-koputusan'kam konahtuh bain kobuah ijo tononga bain Kristus, ang luwang ahtoi'kam. Tului Pohotala na'ah ihkam ahkan monjadi ramun ihco bereng mangat ihkam bolum a'ang kobuah tahkan Kristus orih. Hondakrih ihkam botorimakasih.

KOLOSE 3:17

Kokaro inon ijo ihkam nguaioh ata'ai nuhtuioh, harus rih tonguan tutang tonuhtui ngosan aran Tuhan Yesus. Botorimakasih ahkan Pohotala, Amai, ahkan inon ijo tonguan Yesus bagi'kam.

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

IBRANI 12:23

Ihkam umba ihco puhpungpulou ijo rami – puhpungpulou rih ain anak-anak pongoko ain Pohotala, ijo arai-araioh tonoliting ang luwang soruga. Ihkam lombut noharep Pohotala. Hakim paring ukup kolunon. Ihkam noharep roh-roh, karo ulun-ulun hinut, ijo jari nyolung soporuna.

IBRANI 3:1

Konduang-konduang sosama Kristen ijo jari tona'ah ka'a bain Pohotala! Cuba nirukrih timbon-timbon tohou Yesus tuh! Pohotala nyuhu Io khusus, ahkan monjadi Imam Hajo a'ang agama ijo ihto nambit.

IBRANI 3:14

Ihto paring anairih injah ihcohokolahi homboh Kristus, asar ihto johcok laiu nambitoh lehket koyakinan ijo ihto tepui tahkan pahtukoh.

YAKOBUS 3:9

Ihto monggunaoh ahkan ngohawot torimakasih ahkan Tuhan, tutang Amai ihto, tahpi ka'a ahkan nulat sosama ulun, ijo jari tona'oi numbun tapan Pohotala.

1 PETRUS 5:1

Ahku nyawot monohtoani, dolang okon ukup'mu. Ahku nyurat tuh kolou jolahan okon, tutang kolou ulun ijo jari monyaksioh bongoi kongarot Kristus, tutang ijo ahkan umba ka'a konohajooh, amat noin kohajon Kristus tongorinah ahkan ulun. Ahku nyawot hawui paham,

1 YOHANES 1:3

Inon ijo jari ihkai nohtooh, orih ka'a ijo ihkai monyiaroh ahkan ihkam, mangat ihkam homboh ihkai umba ngenang pombolum hihco umba Amai, tutang umba Anak-Oh Yesus Kristus.

PONGORINAH 21:23

Lowu rih eam usah ngorolondang mahtanondou ata'ai bulan, bain kohajon Pohotala ijo ngoloangoh, tutang Anak Tobiri rih anairih ahkan sumbuoh.

PONGORINAH 22:14

Kosanangrih, ulun ijo muhi jubahoh nyiring borasih, nyiring iro dahpothak, kuman bua tahkan pu'un pombolum, tutang nyolong nokuh lowu rih nguha bauntukang lowuoh.

PONGORINAH 22:5

Iro eam ahkan porulu sumbu ata'ai koloang mahtanondou, tului ngolomi eam anai hino, tutang Tuhan Pohotala bongoi ahkan ngoroloang iro. Mahka iro ahkan moretah kolou lahca ahkan turus-jahamoh.