KOLOSE 1:11 - BOWOT BOHUA

¹¹ Keleh umba kowasa tahkan Pohotala ijo pokohajoi, ihkam tonomba'as, nyiring ihkam duon tahan ngarot kokaro ang'co honong sabar tutang sanang ahtoi,

KOLOSE 1:11 ပူးပေါင်းရင်းမြစ်များ

KESAH RASUL-RASUL 1:8

Tahpi ihkam ahkan duon kowasa, amat Roh Pohotala jari lombut ahkan'kam. Tutang ihkam ahkan monjadi saksi-saksi ahkak-Ku ang Yerusalem ang hapus Yudea, ang Samaria tutang nyiring topahkan tana.’’

KESAH RASUL-RASUL 5:41

Rasul-rasul nohtah Majelis Agama rih tutang hawui kojorih tului Pohotala jari ngohu iro harus ahkan dahpot hinaan kotului Yesus.

RUMA 2:7

Pohotala nongaoh pombolum sojati tutang kototahiou ahkan iro ijo te'et nguan kopios ahkan dahpotoh ijo hinutbolega, ijo tomohoromat tutang ijo tohtapkototahiu.

1 KORINTUS 16:13

Kohondakrih ihkam borondong tutang segah ang pombolum'mu kolou ulun Kristen. Nguanaang hawui bohanyi tutang jadi ba'as.

2 KORINTUS 4:7

Tahpi ponahtou rohani ijo komok orih, ihkai ngomiuoh ang luwang arop ihkai ijo eam borega tuh, ijo tonapa tahkan tana. Honong kodorih korinah bain kohajon kowasa rih mohcon aang Pohotala tutang eam aang ihkai.

EPESUS 3:16

Ahku bodo'a keleh Pohotala ijo tonohoromat jorih ahkan ngomba'as homboruan'mu umba Roh Aiu.

EPESUS 4:2

Hondakrih ihkam turus randah ahtoi, bolomu-lembai, tutang sabar. Ngorinahohrih asin'kam, honong hokodohop ihco umba ijo bohkon.

EPESUS 6:10

Laiuoh ihkam pios monjadi ba'as, umba koba'as ijo ihkam dahpot tahkan kowasa Tuhan, tului ihkam hihco umba Io.

PILIPI 4:13

Umba kowasa ijo tononga Kristus ahkak'ku, ahku anai koba'as ahkan noharep kokaron kolou koada'an.

2 PETRUS 1:6

tutang ang bambai pongotaan, ihkam harus ka'a dahpot mongowasa arop. Tutang bohkonumba dahpot mongowasa arop, hondakrih ihkam ka'a momupuk arop, ahkan tabah noharep kokaron aang'co. Ang bambai tabah noharep kokaron aang'co, ihkam harus ka'a bolum numbun konohuang Pohotala.

YUDAS 1:25

Iorih ihco-ihcooh Pohotala, Ponyolamat ihto nguha Yesus Kristus Tuhan ihto. Iorih Pohotala ijo tonohoromat Hajo, Bokowasa tutang Bopongaroh tahkan jaman houn lomoi nyiring huntuh tutang ahkan turus-jahamoh! Amen.

PONGORINAH 14:12

A'ang hal tuh ukup Pohotala, ijo bokehtep umba poretah-poretah Pohotala, tutang tehen umba Yesus, porulu monjadi tabah.