KOLOSE 1:10 - BOWOT BOHUA

¹⁰ Honong kolouorih ihkam dahpot bolum numbun konohuang Pohotala, tutang turus monyanang ahtoi-Oh, nyiring a'ang kokaro ang'co ihkam dahpot mohasilrih hal-hal ijo pios. Tutang pongotaan ihkam, tohou Pohotala ka ahkan botambah ka'a.

KOLOSE 1:10 ပူးပေါင်းရင်းမြစ်များ

YOHANES 15:16

Eam ihkam ijo mihtih Ahku. Ahku tuh ijo ngopili ihkam, tutang nyuhu ihkam tulak mangat ihkam momua aro – bua-bua ijo eam dahpot rusak. Mahka Amai ahkan nonga ahkan'kam inon ka'a ijo ihkam nyawot umba-Oh, ngosan arak-Ku.

YOHANES 15:8

Amat ihkam mua aro, Amai-Ku konohajo; tutang honong kodorih ihkam tu'u-tu'u monjadi murid-Ku.

YOHANES 17:3

Tuhrih pombolum ijo sojahti tutang turus-jaham; mangat ulun ngosono Amai, puna ihco-ihcooh Pohotala ijo morong, tutang ngosono Yesus Kristus ijo sonuhu bain Amai.

RUMA 1:13

Konduang-konduang! Ahku jolik mangat ihkam kota'an ijo jari aro tikat ahku nohuang masap ihkam, tahpi toturus anai iou holanganoh. Ahku jolik mangat aang louk'kam ka, aangkonuak'ku anai buaoh. Koloukuwoh aangkonuak'ku jari mua ang louk ulun-ulun, ijo bohkon Yahudi, ang unuk-unuk ijo bohkon.

RUMA 4:12

Abraham ka'a amai rohani ahkan ulun-ulun ijo nuhtut poroturan sunat. Io amai rohani iro, eam baya tului iro nuhtut poroturan sunat, tahpi ka'a tului iro bolum honong porocaya umba Pohotala, sama kolou Abraham aang ohkot io jaha nuhtut poroturan sunat.

RUMA 6:4

Umba pompondus orih, ihto tonanom umba Kristus tutang umba mahtoi homboh Io, mangat koloukuwohoh Kristus tonombolum tahkan popahtoi bain kowasan Amai ijo tonohoromat, kodorih ka ihto duon molalus ihco pombolum ijo bohua.

2 KORINTUS 2:14

Torimakasih ahkan Pohotala! Io toturus niting ihkai ahkan umba aang pawai komanang Kristus, tului ihkai bolum hihco umba Io. Pohotala mohapa ihkai, mangat borihta tohou Kristus tosiar kolou buan harum ijo semerbak koumo-umoh.

2 KORINTUS 4:6

Pohotala ijo nuhtui, ‘‘Kohondakoh tahkan luwang kopindong lombut koloang,’’ Pohotala orihrih ka'a ijo polombut koloang rih ang luwang ahtoi ihto, mangat tirukihtung ihto monjadi boloang tutang duon ngosono korolondang Pohotala ijo monyingah aang boun Kristus.

2 KORINTUS 5:9

Kotului orih ihkai bousaha tu'u-tu'u ahkan nyanang ahtoi-Oh, pios ohkot ihkai magun anai ang luwang lohpou ihkai ang ohtoi, ata'ai ka ang anan.

2 KORINTUS 9:8

Pohotala bokowasa nonga ahkan ihkam borehkat ijo molowi murai, mangat ihkam toturus anaingina inon ijo ihkam poruluoh; malahan ihkam ahkan labih aro ahkan nguan angpios tutang boamal.

EPESUS 1:17

Ahku nyawot mangat Pohotala, Tuhan ihto Yesus Kristus, Amai ijo tonohoromat nonga Roh-Oh ahkan'kam. Roh orih ahkan monjadian ihkam pitar, tutang ahkan mongorinah Pohotala ahkan'kam, nyiring ihkam ngosono Io.

EPESUS 2:10

Ihto anairih tona'oi Pohotala, tutang nguha Kristus Yesus, Pohotala napa ihto, mangat ihto nguan hal-hal ijo hinut ijo jari tonahtap baiu-Oh ahkan ihto.

EPESUS 4:1

Bain orih ahku – ihcobehti tonahan, ijo tonahan kotului mohalu Tuhan – nyawot hawui paham umba'kam; bolum sorurui umba ponuot'mu, kolou ulun ijo ius tona'ah bain Pohotala.

EPESUS 4:13

Honong kodorih ihto paringoh monjadi ihco, bain koporocaya ijo sama, tutang kohorahti ijo sama tohou Anak Pohotala. Tutang ihto monjadi ulun-ulun ijo dewasa, ijo mahi tahi mahi botambah kosoporuna kolou Kristus.

EPESUS 5:10

Ngurahjalan ngosono, inon ijo ngojorih ahtoi Tuhan.

EPESUS 5:15

Tului orih nohtoanioh pio-pios cara pombolum'mu. A'ai bolum kolou ulun-ulun uong; bolum iou kolou ulun-ulun pihtar.

EPESUS 5:2

Pombolum'kam kohondakoh bohomboruan bain kasih, kolou Kristus ka ngasih ihto. Io moporahpah arop-Oh ahkan ihto, kolou ihco pononga ijo buanharum tutang monyanang ahtoi Pohotala.

PILIPI 1:11

Pombolum'kam ahkan momurai umba karogawi ijo tu'u-tu'u pios, ijo baya dahpot tomutik bain Yesus Kristus bongoi; mahka Pohotala ahkan tonohajo tutang tohonara-nara.

PILIPI 1:27

Nah, ijo boguna huntuh iorih, ijo ihkam bolum sorurui umba inon ijo tonutut bain Kabar Hinut tohou Kristus rih. Honong kodorih, inonrih ahku dahpot hosombang umba ihkam ata'ai eam, ahku ahkan ngonih ijo ihkam ba'as angkohihco tutang kolahi sama-sama ahkan baya ihco maksud tutang ihco kojolik; yorih ahkan kepercayaan ijo sorurui umba Kabar Hinut tahkan Pohotala rih.

PILIPI 4:18

Ahku jari norima paringoh – malah molowi tahkanmba sukup! Paring pononga ijo ihkam ngirim ahkak'ku, jari ahku torima tahkan Epafroditus. Huntuh ahku anai ngina paring ijo ahku poruluoh. Pononga-pononga tahkan ihkam rih, anairih kolou buanharum ijo tonyorah ahkan Pohotala tutang ijo tonorima bain Pohotala honong sanang ahtoi.

KOLOSE 2:19

nyiring eam hino monambit aang Kristus, ijo monjadi kopala A'ang pinda totiring Kristus sohopus behtiu tonohaga tutang tonohihco bain sahpan-sahpanoh, hawui bolum numbun konohuang Pohotala.

KOLOSE 2:6

Konduang-konduang jari norima Kristus Yesus monjadi Tuhan. Bain orih hondakrih ihkam bolum hihco umba Io,

KOLOSE 3:20

Anak-inyam! Anairih koharus ihkam kolou ulun Kristen ahkan toturus te'et umba amai inai, tului orihrih ijo ngojorih ahtoi Pohotala.

KOLOSE 4:5

Ang luwang kohihco ihkam umba ulun-ulun ijo eam porocaya, hondakrih ihkam bolum pihtar tutang nguna nyinong kosapetan umba sopios-piosoh.

1 TESALONIKA 2:12

Ihkai ningak ihkam, ihkai nonga juhung ahkan ihkam, tutang ihkai hojojuan mangat ihkam bolum kodorih kolou, nyiring monyanang ahtoi Pohotala. Tului Pohotala ius na'ah ihkam, monjadi warga Kolunon Bohua ain Pohotala tutang nginyam karon-kohajoi-Oh.

1 TESALONIKA 4:1

Laiuoh Konduang-konduang, ihkai jari nonga sutu ahkan'kam, tohou koloukuwoh ihkam harus bolum ahkan ngojorih ahtoi Pohotala. Kopuna ihkam jari bolum kolourih. Tahpi huntuh ngosan kowasan Tuhan Yesus, ihkai nyawot honong paham umba'kam, tutang nyuhu ihkam mangat paham bousaha hino a'ang hal orih!

2 TIMOTEUS 2:4

Ihcobehti sorodadu ijo rahat botugas eam ahkan nderohoh aropoh, umba urusan-urusanoh bongoi, kotului io jolik ngojorih ahtoi pokolimaoh.

TITUS 3:1

Mopingatrih anak-anak ukup'mu, mangat iro tunduk umba okon-okon tutang pongowasa nogara, hawui te'et tutang bosodia nguan nyinong hal ijo hinut.

TITUS 3:14

Ulun-ulun iro harus bolajar nguan hal-hal ijo pios, mangat duon nyukup koporoluan-koporoluan ijo paham baguna, a'ai nyiring iro bolum eam gunai.

IBRANI 11:5

Kotului porocaya, mahka Henoh eam mahtoi, molekan tongahtang tutang tonomin ahkan Pohotala. Eam ihcobehti ka duon nyombang io, tului io jari tongahtang bain Pohotala. Luwang Surat Borasih tonyurat, ijo sounumba Henoh tongahtang io ngojorih ahtoi Pohotala.

IBRANI 13:16

Ara nolingou, nguan ang pios, tutang saling hodohop, tului jituh porahpah-porahpah, ijo ngojorih ahtoi Pohotala.

IBRANI 13:21

Keleh Pohotala tohasak kosanang orih monyuhkup ihkam umba kokaron ijo hinut ijo ihkam poruluoh ahkan nguan kohondak-Oh. Keleh hawui nguha Yesus Kristus, Pohotala bogawi ang luwang ihto, inon ijo tongojolik-Oh. Hondakrih Kristus tomohoromat turus-jahamoh. Amen.

2 PETRUS 1:8

Paringoh rih anairih sipat-sipat ijo ihkam poroluoh. Amat sipat-sipat orih anai a'ang ihkam hawui momurai, ihkam ahkan monjadi giat tutang bohasir, tutang kosono Yesus Kristus Tuhan ihto honong labih pios hino.

2 PETRUS 3:18

Hondakrih ihkam mahi-mahi anai nginyam pononganasin Yesus Kristus, Tuhan tutang Lahca Ponyolamat ihto, tutang hondakrih ihkam ka'a mahi-mahi kosono Io. Tararih Io, tahkan huntuh tutang nyiring turus-jahamoh! Amen. Horomat ihkai, Petrus

1 YOHANES 3:22

Tutang inon ijo ihto nyawot tahkanumba-Oh, ihto norimaoh, tului ihto te'et umba poretah-poretah-Oh, tutang nguan inon ijo ngojorih ahtoi-Oh.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.

3 YOHANES 1:6

Iro jari momborihtaoh rih, ahkan ukup ang unuk ihkai, tohou sitan'kam. Dohop iro, mangat dahpot noturus ponyalan iro tutang honong kolourih ngojorih ahtoi Pohotala,