IBRANI 9:23 - BOWOT BOHUA

²³ Umba cara kolourih, ramu-ramu ijo monggambar hal-hal ijo ang soruga, porulu tomorasih. Tahpi ahkan hal-hal ijo ang soruga rih bongoi, mongguna porahpah ijo mahcu labih hinut.

IBRANI 9:23 ပူးပေါင်းရင်းမြစ်များ

LUKAS 24:26

Eamkah Lahca Ponyolamat harus komo houn karot rih, punai norima kohajoi-Oh?’’

LUKAS 24:46

Turus Io nuhtui umba iro, ‘‘Ang Surat Borasih tonyurat tohou Lahca Ponyolamat harus ngarot, tutang harus monyun huli tahkan popahtoi aang ondou ijo kotoluoh.

YOHANES 14:3

Uliumba Ahku tulak nahtap unuk ahkan'kam, Ahku hoduli hino tutang ngomin ihkam, mangat ang umoh Ahku anai, ang anan ka'a ihkam anai.

KESAH RASUL-RASUL 23:15

Nah, huntuh Konduang-konduang honong anggota-anggota Majelis Agama, hondakoh ngirim surat ahkan komandan pasukan Ruma rih, ahkan nyawot io ngomin Paulus huli noharep ihkam, jahka kolou-kolouoh ihkam kani moriksa hino porokaraoh honong labih tolihti. Tutang ihkai sodia ahkan munu io, houn io johcok ang ohtoi.’’

KOLOSE 2:17

Paringoh rih tihkas kokolingon iou, tahkan hal-hal ijo ahkan lombut, tahpi korinah tahkan hal-hal rih, iorih Kristus.

IBRANI 10:1

Hukum agama Yahudi baya nonga gambaran ijo kawu-kawus, tutang hal-hal ijo hinut ijo ahkan lombut, tutang eam gambar ijo kotu'uioh tahkan hal-hal orih. Eam mustitou hukum orih dahpot nyoporuna ulun ijo lombut nyembah Pohotala tutang ngomin ponyorahan, oluka nyinong toun toturus tonyorah porahpah-porahpah ijo sama.

IBRANI 10:4

bain puna dahan sahpi tutang dahan kambing dalungoh rih eam duon muhi dusa.

IBRANI 8:5

Gawi ijo iro nguaioh kolou imam rih, kotu'uioh tihkas ihco gambar tutang kokolingon tahkan inon ijo anai ang soruga. Orih jari tomborihta bain Pohotala ahkan Museh lomoi, kotihka Museh kani nombok Kemah Tuhan. Pohotala nuhtui koloutuh ahkan Museh, ‘‘Ingat! Paringoh tuh harusrih ihkonguai numbun sutu ijo tongorinah ahkan'kam ang ngosan puruk.’’

IBRANI 9:14

Orih, amat daha tutang awu rih, duon ngomuhi kopalin ulun-ulun rih, mahihino dahan Kristus! Nguha Roh ijo abadi, Kristus monyorah arop-Oh bongoi ahkan Pohotala, kolou porahpah ijo soporuna. Daha-Oh muhi ahtoi-bua ihto tahkan upacara agama ijo eam boguna, mangat ihto dahpot mohalu Pohotala ijo bolum.

IBRANI 9:24

Kotului Kristus eam nyolong nokuh Ruang Borasih tapan kolunon, ijo baya jadi gambar Ruang Borasih ijo kotu'uioh. Kristus nyolong nokuh soruga bongoi; ang anan Io huntuh noharep Pohotala ahkan kogunan ihto.

PONGORINAH 5:9

Iro monyanyi ihco lagu ijo bohua: ‘‘Ihko pahtut ngomin surat rih tutang musit segel-segeloh. Tului Ihko jari tomunu, tutang honong popahtoi-Mu, ulun tahkan kokaro lihting, bohasa, nogara tutang uhtus jari tonomoli bain'mu ahkan Pohotala.