IBRANI 9:19 - BOWOT BOHUA

¹⁹ Sula-sulak Museh nonga paring poretah hukum Pohotala ahkan uhtus Israel. Pongohuli rih Museh ngomin dahan anak sahpi tutang dahan kambing dalung, turus moloukoh umba danum, pongohino nyahkioh aang Buhku Hukum-hukum tahkan Pohotala, tutang aang paring uhtus Israel, hawui hapa pahting hisop tutang bulun tobiri warna bohandang oko.

IBRANI 9:19 ပူးပေါင်းရင်းမြစ်များ

MATEUS 27:28

Iro nguap hahtin Yesus, tutang makehpan ahkai jubah ungu.

MARKUS 15:17

Turus iro mokehpan jubah ungu aang Yesus tutang napa ahkur tahkan akah-akah duhi, pongohino kehpai ang kuhung Yesus.

MARKUS 15:20

Uli iro ngonjea Yesus, iro nguhkoi jubah ungu rih turus mokehpan huli pokahjan aiu bongoi. Pongohino rih Io omin'ndo bolua lowu ahkan tomahpak.

YOHANES 19:2

Sorodadu-sorodadu nguan ihco ahkur lahca tahkan akah duhi turus nokehpai ang ngosan kuhung Yesus. Uliorih iro mokahjan Io jubah kolawu,

YOHANES 19:5

Mahka Yesus soluka hawui hapa ahkur akah duhi tutang jubah kolawu. Pilatus nuhtui umba iro, ‘‘Nohto ulun rih.’’

IBRANI 1:1

Aang jaman lomoi aro tikat Pohotala hopander umba tahtu ajuh ihto nguha nabi-nabi tutang hapa mahca-mahcam cara.

IBRANI 10:22

Bain orih, olairih ihto ngondoni Pohotala umba ahtoi ijo tulus tutang koporocaya ijo segah; umba ahtoi ijo jari borasih tahkan pokomo ijo sala, tutang umba behti ijo jari ponorasih umba danum ijo kotining.

IBRANI 10:4

bain puna dahan sahpi tutang dahan kambing dalungoh rih eam duon muhi dusa.

IBRANI 12:24

Ihkam lombut noharep Yesus, Poholat ahkan bowot ijo bohua rih; ihkam noharep daha ponalit, ijo monjamin hal-hal ijo labih hinut, tahkanumba ijo tojamin bain dahan Abel.

IBRANI 9:12

Kristus nyolong Ruang Palingborasih ang luwang kemah rih tihkas sino iou turus-jahamoh. Ang ohkot rih Io eam ngomin dahan kambing dalung ata'ai dahan anak sahpi ahkan tonosorahoh; Io ngomin daha Aiu bongoi, tutang umba orih Io momorodehka ihto ahkan turus-jahamoh.

IBRANI 9:13

Daha tahkan kambing tutang sahpi dalung hawui awu tahkan pononga anak sahpi, hapa ahkan nyahki ulun-ulun ijo pali, numbun poroturan agama, mangat iro monjadi borasih.

IBRANI 9:18

Tului rih bowot ijo pahtuk ka harus tonosahrih umba daha.