IBRANI 9:14 - BOWOT BOHUA

¹⁴ Orih, amat daha tutang awu rih, duon ngomuhi kopalin ulun-ulun rih, mahihino dahan Kristus! Nguha Roh ijo abadi, Kristus monyorah arop-Oh bongoi ahkan Pohotala, kolou porahpah ijo soporuna. Daha-Oh muhi ahtoi-bua ihto tahkan upacara agama ijo eam boguna, mangat ihto dahpot mohalu Pohotala ijo bolum.

IBRANI 9:14 ပူးပေါင်းရင်းမြစ်များ

MATEUS 12:28

Tahpi Ahku muhko roh ja'at umba kowasa Roh Pohotala. Tutang tului orih, rimai ijo Pohotala jari nopara moretah ang louk ihkam.

MATEUS 16:16

Simon Petrus mutah, “Amai anai Lahca Ponyolamat, Anak Pohotala Ijo Bolum.”

MATEUS 20:28

Sama kolou Anak Ulun rih ka'a; Io lombut eam ahkan tonohalu, tahpi ahkan mohalu, tutang nyorah hasong-Oh ahkan momordehka aro ulun.”

MATEUS 7:11

Oluka ihkam ja'at, ihkam tou ka'a nonga ijo hinut ahkan anak-anak'kam. Mahi hino Amai'kam ang soruga! Io molowi hino ahkan nonga ijo hinut ahkan ulun ijo nyawot umba Io.

LUKAS 12:24

Nohtoanirih bulung-bulung okak! Iro eam ngombulan, tutang ngohtom, eam ka'a tepun gudang ata'ai koraking. Tahpi Pohotala mohaga iro! Ihkam labih borega umba bulung-bulung!

LUKAS 12:28

Uru ang padang bolum ondou tuh, tutang ondou hawon tononyoha lingis. Tahpi Pohotala ngopion uru rih kolouorih kopioioh. Mahihino ihkam! Tahpi ihkam kurang porocaya!

LUKAS 4:18

‘‘Roh Tuhan anai aang Ahku, tului Io jari ngahtang Ahku ahkan mborihtaoh Kabar Hinut ahkan ulun porosbolum. Io nguhtus Ahku ahkan monyiar koliwus bagi ulun tonotawan tutang kopios ahkan ulun ijo bobulen; ahkan momorodehkaoh ulun tohenyek

YOHANES 3:34

Tului ulun ijo sonuhu Pohotala monyiar auh-auh Pohotala, kotului Roh Pohotala jari tononga ahkai-Oh sotuwioh.

KESAH RASUL-RASUL 1:2

johcok ang ondou Io konahtang nokuh soruga. Sounumba Io nuhkat nokuh soruga umba kowasan Roh Pohotala Io nonga potunjuk-potunjuk ahkan rasul-rasul ijo konopili.

KESAH RASUL-RASUL 10:38

Ihkam ngota'an ijo Pohotala jari mitih Yesus ulun Nasaret rih tutang nonga ahkai-Oh roh Pohotala tutang kowasa, Ihkam kota'an ka'a ijo Yesus rih, tulak nokuh umo-umoh ahkan nguan ijo hinut; Io ngopiosoh paring ulun ijo tongowasa sehtan, tului Pohotala jari homboh Io.

KESAH RASUL-RASUL 14:15

‘‘Oi, ombai ihkam nguanang tuh? Ihkai tuh ulun ka'a, kolou Konduang! Ihkai anai ang ohtoi ahkan mborihta Kabar Hinut ahkan'kam, mangat ihkam nohtah hal-hal ijo eam boguna tuh, tutang ngulos nokuh Pohotala ijo bolum ijo jari naoi langit tutang tana tutang tasik tutang paring ijo anai ang luwangoh.

KESAH RASUL-RASUL 15:9

Pohotala eam ngobohkon ihto umba iro, Pohotala morasih ahtoi iro, tului iro porocaya.

RUMA 1:20

Tahkanpahtuk Pohotala na'oi kolunon, sipat-sipat Pohotala ijo eam gihtan, yorih koada'an-Oh kolou Pohotala tutang kowasa-Oh ijo abadi, jari duon toniruk bain ulun, nguha paring ijo jari tona'oioh. Jadi kolunon samasino eam anai alasan ahkan ngomorong aropoh.

RUMA 1:4

tahpi socara ko-Pohotala-Oh Io korinah anairih Anak Pohotala. Orih nyahta umba kobasa ijo luar biasa nguha komonyun Aiu tahkan popahtoi.

RUMA 11:12

Tului uhtus Yahudi bosala tutang eam numbun konohuang Pohotala, mahka uhtus-uhtus bohkon tomorehkat bain Pohotala. Inon hino amat kohihcon uhtus Yahudi umba Pohotala monjadi pios huli; puna labih hajo borehkat ijo ahkan tononga bain Pohotala!

RUMA 11:24

Konduang ijo bohkon asal tahkan uhtus Yahudi, sama kolou da'an tahkan bahtang zaitun himba. Nah, amat Konduang, molawan umba sipat Konduang, duon tonyombung ang bahtang zaitun asli, mahi hino ulun-ulun Yahudi ijo tonindung umba da'an-da'an zaitun asli rih. Puna labih murah hino ahkan Pohotala duon mombuli iro aang pu'un zaitun iro bongoi.

RUMA 6:13

A'airih ka'a Konduang nyorahoh ramun behtin'kam ahkan kowasa dusa, ahkan tohapaoh bagi konohuang-konohuang ijo ja'at. Tahpi nyorahoh rih arop'kam ahkan Pohotala monjadi ulun ijo jari hahtun tahkan popahtoi, nokuh pombolum. Nyorahoh arop'kam pari-paring ahkan Pohotala, mangat hapaioh ahkan nguanoh kohondak Pohotala.

RUMA 6:22

Tahpi huntuh ihkam jari konuwatoh tahkan dusa tutang monjadi jihpon Pohotala. Koutungan'mu iorih ijo Konduang bolum khusus ahkan Pohotala tutang hal orih, momuaoh pombolum sojahti tutang kototahiu.

1 KORINTUS 15:45

Aang Surat Borasih tonyurat koloutuh, ‘‘Ulun ijo pahtukoh iorih Adam, monjadi angbolum ijo bolum,’’ tahpi Adam ijo pokolaiu-Oh anai rih Roh ijo mononga pombolum.

2 KORINTUS 5:21

Kristus eam bodusa, tahpi Pohotala nguan Io ngohtun dusan ihto, mangat ihto hokopios hoduli umba Pohotala, tului hihco umba Kristus.

2 KORINTUS 6:16

Inon kobohkon holat Lohpou Tuhan umba lohpou dewa? Ihto tuh Lohpou Tuhan, iorih Pohotala ijo bolum. Pohotala bongoi nuhtui, ‘‘Ahku ahkan mohcon ang tohun-tohun iro, tutang kani bolum hihco umba iro. Ahku ahkan monjadi Pohotalan'ndo, tutang iro ahkan monjadi Ukup-Ku.

GALATIA 2:19

Tahpi ahku jari mahtoi toharep hukum agama – tomunu bain hukum rih bongoi – mangat ahku dahpot bolum bagi Pohotala. Ahku jari tomahpak umba Kristus.

EPESUS 2:5

nyiring ang ohkot ihto magun mahtoi socara rohani kotului koturung-koturung ihto, Io mombolum ihto hoduli hombo-homboh umba Kristus. Jadi tihkasrih kotului kopiosoh ahtoi Pohotala, ihkam tonyolamat kobaiu-Oh.

EPESUS 5:2

Pombolum'kam kohondakoh bohomboruan bain kasih, kolou Kristus ka ngasih ihto. Io moporahpah arop-Oh ahkan ihto, kolou ihco pononga ijo buanharum tutang monyanang ahtoi Pohotala.

1 TESALONIKA 1:9

Paring ulun rih bopander, tohou koloukuwoh ihkam monorima ihkai, kotihka ihkai lomoi lombut ahkan'kam. Iro mander tohou koloukuwoh ihkam nohtah dewa-dewa, tutang lombut ahkan tihkas-ihcooh Pohotala ijo bolum ahkan tehen umba Io.

1 TIMOTEUS 1:17

Pohotala, Lahca kokaron jaman, pahtut tonohoromat tutang tonotara hototurus, kotului Io ijo kototahiu, ijo eam gihtan, tutang tihkas Tukan! Amen.

1 TIMOTEUS 3:15

mangat amat ahku rakah, ihko jari ta'an koloukuwoh ihto harus bolum kolou bobuhan Pohotala, yotuh ukup Pohotala ijo bolum. Ukup jituh kolou johi tombok tutang nyuku ajaran ijo morong tahkan Pohotala.

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

IBRANI 1:3

Io ijo nyingahoh kohajon Pohotala ijo gilang-gomilang; Io rih gambar ijo ngorinah tahkan behtin Pohotala bongoi. Io ka'a ijo mohaga kotehen angpindalangit tuh umba auh-Oh, ijo paham kowasai. Ulijari Io nongajalantou ulun ahkan tomorodehka tahkan dusa-dusan iro, Io monuot ang pododusan pomoretah ang soruga, samasama umba Pohotala, Pongowasa ijo palingdiang.

IBRANI 10:10

Yesus Kristus jari nguan inon ijo tongohondak Pohotala tutang nyorah arop-Oh monjadi porahpah. Umba ponyorahan rih, ijo konuai-Oh tihkas sino iou ahkan turus-jahamoh, ihto paring tonomuhi tahkan dusa.

IBRANI 10:12

Sobalikoh Kristus, monyorah baya sino porahpah ahkan pongapun dusa, tutang porahpah rih nyolung ahkan turus-jahamoh. Ulijari monyorahoh porahpah rih, Yesus tuot ang sila kotoun Pohotala tutang moretah sama-sama umba Io.

IBRANI 10:2

Jakaauh ulun-ulun ijo nyembah Pohotala rih moro-morong jari tomorasih tahkan dusa, iro eam hino ahkan anaingina nanyam bodusa, tutang porahpah eam ahkan tonosorah hino.

IBRANI 10:22

Bain orih, olairih ihto ngondoni Pohotala umba ahtoi ijo tulus tutang koporocaya ijo segah; umba ahtoi ijo jari borasih tahkan pokomo ijo sala, tutang umba behti ijo jari ponorasih umba danum ijo kotining.

IBRANI 11:21

Kotului porocaya, mahka sounumba Yakub palus, io nonga borehkatoh ahkan anak-anak Yusep – honong nyandar ang kuhung sukahoh tutang nyembah Pohotala.

IBRANI 13:12

Orihrih kotuluioh Yesus ka'a mahtoi ang luar bauntukang lowu ahkan muhi ukup-Oh tahkan dusa umba daha-Oh bongoi.

IBRANI 3:12

Konduang-konduang bua-buah, ara nyiring anai ang louk'kam ihcobehti ijo ahtoioh kolorih koja'at, tutang eam porocaya, nyiring io ngulos tutang ngomahcu Pohotala ijo bolum!

IBRANI 6:1

Kotului rih, olai ihto miar nokuh polajaran-polajaran ijo labih ombu tohou kookooh pombolum Kristen, tutang ara tihkas nuneng ajas-ajas pahtuk ajaran agaman ihto. Ara ihto nokoluli hino ajaran dasar, ijo ulun harus tondo nguan hal-hal ijo eam boguna, tutang harus porocaya ahkan Pohotala,

IBRANI 7:16

Io tonotuot monjadi imam, eam hogalang aturan-aturan ulun molekan hogalang pombolumoh ijo bokowasa tutang ijo eam anai laiuoh.

IBRANI 7:27

Io eam kolou imam-imam hajo ijo bohkon, ijo nyinong ondou harus monyorah pononga kotului dusa-dusan iro bongoi lomoi, punai tului dusa-dusan ukup. Yesus nyorah porahpah tihkas sino tikat ahkan turus-jahamoh, ohkot Io monyorah arop-Oh bongoi monjadi porahpah.

IBRANI 9:12

Kristus nyolong Ruang Palingborasih ang luwang kemah rih tihkas sino iou turus-jahamoh. Ang ohkot rih Io eam ngomin dahan kambing dalung ata'ai dahan anak sahpi ahkan tonosorahoh; Io ngomin daha Aiu bongoi, tutang umba orih Io momorodehka ihto ahkan turus-jahamoh.

IBRANI 9:26

Tului amat kolourih, orih rimai: Io jari dulangduli ngarot, tahkan kolunon tuh tona'oi. Tahpi korinahoh, huntuh aang jaman laiu tuh, Io lombut sinotikat iou ahkan mongapit dusa hawui monyorah arop-Oh bongoi.

IBRANI 9:7

Ijo nyolong nokuh hila paling luwang tahkan kemah rih, tihkas imam hajo iou. Io molalus rih baya sinotikat ihco toun. Orih tonguaioh, hawui ngomin daha ahkan tonyorahoh, ahkan Pohotala, tului aropoh bongoi, tutang tului dusa-dusa ijo tonguan eam sadar bain ukup-Oh.

IBRANI 9:9

Jituh gambar jaman huntuh; rimai ijo ponyorah-ponyorah tutang porahpah-porahpah ohcin ijo tonyorah ahkan Pohotala, eam duon monyoporunaoh ahtoi bua ulun ijo ngomin ponyorahai.

1 PETRUS 1:19

molekan angihco, ijo paham borega; iorih behtin Kristus bongoi, ijo monjadi kolou tobiri ijo toporahpah ahkan Pohotala, eam aro cahcat ata'ai celaoh.

1 PETRUS 2:22

Io eam pu'u nguan dusa, tutang eam pu'u ihcobehti ka'a, ngonih Io ngohawot alik.

1 PETRUS 2:24

Kristus bongoi ngohtun dusa-dusan ihto aang arop-Oh ngosan kahju sopolahki, mangat ihto morodehka tahkan kowasan dusa, tutang bolum numbun konohuang Pohotala. Himang-himang Kristusrih ijo ngopios ihkam.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

1 PETRUS 4:2

Kobain orih, hondakrih ihkam bolum toturusoh ang kolunon tuh, numbun konohuang Pohotala, tutang eam numbun kojolik kolunon.

1 YOHANES 1:7

Tahpi amat ihto bolum ang luwang koloang, koloukuwoh Pohotala anai ang luwang koloang, mahka ihto bolum heret, rukun ihco sama ijobohkon, tutang dahan Yesus, Anak-Oh muhi ihto tahkan kokaro dusa.

1 YOHANES 3:5

Ihkam ta'an, ijo Kristus lombut ahkan muhi dusa-dusan kolunon, tutang ijo eam aro dusa aang arop-Oh.

PONGORINAH 1:5

tutang tahkan Yesus Kristus, saksi ijo bokehtep. Io ijo sula-sulak tonombolum hoduli tahkan popahtoi, tutang Io rih pongowasa ngosan lahca-lahcan kolunon. Yesus mongasi ihto, tutang umba popahtoi Io momordehka ihto tahkan dusa-dusan ihto,