IBRANI 9:10 - BOWOT BOHUA

¹⁰ Bain upacara-upacara rih, tihkas konahomboh umba ukun, korih, tutang mahca-mahcam upacara muhi. Paringoh tihkas poroturan-poroturan ijogihtan, ijo hapan baya johcok ohkotoh Pohotala nguan pombohua.

IBRANI 9:10 ပူးပေါင်းရင်းမြစ်များ

MARKUS 7:4

Inon ijo tomoli ang pasar eam ahkan'ndo kumai, amat jaha tomuhi labih soun. Tutang aro poroturan bohkon tahkan tahtu ajuh iro, ijo iro nambit tehen; kolou, jahkaoh hadat muhi sakir, pikan tutang pokakas-pokakas tahkan tombaga.

GALATIA 4:9

Tahpi uhuntuh ihkam ngosono Pohotala, ata'ai labih kona hino, Pohotala ngosono ihkam. Nah, ombai ihkam kani buli hino ahkan roh-roh kolunon tuh, ijo bolomu tutang porosbolum? Ombai ihkam kani nohojihpon hino bain roh-roh rih?

EPESUS 1:10

Rancana orih, iorih, mangat kokaron angihco, pios ijo ang soruga, oluka ijo ang tana, monjadi ihco umba Kristus kolou kopala. Tutang hal orihrih ahkan tonongopah bain Pohotala amat ius johcok ohkotoh.

EPESUS 2:15

Hukum agama Yahudi hawui poretah-poretah tutang aturan-aturan-Oh jari tongudap bain Kristus, mangat duo uhtus rih monjadi ihco uhtus kolunon bohua, ijo hihco umba Io. Umba cara orihrih Kristus ngonjorian kobuah.

KOLOSE 2:16

Kobain rih a'airih mohonau ulun nosalan ihkam tohou ukun ata'ai korih, ata'ai tohou ondou-ondou pesta agama, ata'ai pesta-pesta bulan bohua, ata'ai tohou ondou Sabat.

IBRANI 10:22

Bain orih, olairih ihto ngondoni Pohotala umba ahtoi ijo tulus tutang koporocaya ijo segah; umba ahtoi ijo jari borasih tahkan pokomo ijo sala, tutang umba behti ijo jari ponorasih umba danum ijo kotining.

IBRANI 13:9

Ara mohonau kokaro mahcam ajaran ijo helan-helan monyosat ihkam. Ahtoi ihto harus tonomba'as bain kohinut ahtoi Pohotala, orihrih ijo pios; ara bain poroturan-poroturan tohou ukun. Ulun-ulun ijo lomoi monte'et poroturan-poroturan rih eam ngondahpot paedahoh.

IBRANI 2:5

Molehkat-molehkat eam dahpot kowasa tahkan Pohotala ahkan moretah kolunon bohua ijo ahkan lombut, yorih kolunon ijo rahat ihto manderoh tuh.

IBRANI 6:2

ata'ai ajaran dasar tohou popondus ata'ai tohou ngahtang longo ngosan ulun, ata'ai tohou bolum hoduli limbah mahtoi, ata'ai hukuman ijo kototahiuoh.

IBRANI 6:5

Iro kota'an tahkan pongalaman iro, ijo auh Pohotala rih hinut, iro jari nginyam pononga-pononga ijo tuwi kowasa tahkan jaman ijo ahkan lombut.

IBRANI 7:12

Nah, amat ponuot imam-imam boubah, hukum agama Yahudi ka boubah ka'a.

IBRANI 7:16

Io tonotuot monjadi imam, eam hogalang aturan-aturan ulun molekan hogalang pombolumoh ijo bokowasa tutang ijo eam anai laiuoh.

IBRANI 9:1

Bowot ijo pahtuk anaingina poroturan-poroturan sombayang, tutang anaingina ka'a unuk sombayang tapan kolunon.