IBRANI 7:18 - BOWOT BOHUA

¹⁸ Jadi, uhuntuh poroturan ijo soun jari tonyarooh, tului eam ba'as, tutang eam boguna.

IBRANI 7:18 ပူးပေါင်းရင်းမြစ်များ

RUMA 3:31

Kuwohrih tuh rimai, ijo tului ihto porocaya umba Yesus Kristus, turus ihto dian hukum agama ulun Yahudi? Samasino eam kodorih! Malah justru koporocayan ihto orih, ihto moregaoh hukum rih.

RUMA 8:3

Inon ijo eam duon konuan bain hukum agama, kotului ihto ulun bolomu, orih jari konuanoh bain Pohotala. Pohotala ijo mongalah kowasa dusa luwang tobiat ulun, hawui ngirimrih Anak-Oh bongoi, ijo lombut aang koada'ai sama umba kolunon ijo bodusa, ahkan ngudap dusa.

GALATIA 3:15

Konduang-konduang! Piosrih ahku hapa sutu tahkan ponyombang nyinong-ondou. Amat ulun nguan ihco ihkatan bowot, tutang bowot rih jari tonosah, mahka eam aro ihcobehti ka duon mbalangoh bowot rih ata'ai ndahang angihco ka ahkaioh.

GALATIA 3:17

Ijo kani ahku nyorihtaoh ang ohtoi, iorih tuh; bowot Pohotala jari konuan tutang tonosyah labih houn. Hukum Agama ijo tononga 430 toun pongohino, eam duon mombatal ponosahoh hawui ngudap bowot Pohotala rih.

GALATIA 3:21

Kuwohrih orih, rimaioh ijo hukum agama bolawan umba bowot Pohotala? Punai iou eam! Tului amat hukum agama tononga, ahkan monyorah pombolum ahkan kolunon, mahka ulun duon hokopios umba Pohotala nguha hukum agama.

GALATIA 4:21

Konduang-konduang ijo kani bolum ang pinda kowasan hukum-hukum agama, cuba ngonih ahku! Ahku ahkan nyorihta ahkan'kam inon ijo kotu'uioh tonyurat a'ang Surat Hukum Museh.

GALATIA 4:9

Tahpi uhuntuh ihkam ngosono Pohotala, ata'ai labih kona hino, Pohotala ngosono ihkam. Nah, ombai ihkam kani buli hino ahkan roh-roh kolunon tuh, ijo bolomu tutang porosbolum? Ombai ihkam kani nohojihpon hino bain roh-roh rih?

1 TIMOTEUS 4:8

Molatih behti honjiot iou gunaioh, tahpi bolatih ahkan homboruan aro gunai a'ang karo hal, kotului bosuang bowot ahkan pombolum aang uhuntuh tutang uhun ijo ahkan lombut.

IBRANI 13:9

Ara mohonau kokaro mahcam ajaran ijo helan-helan monyosat ihkam. Ahtoi ihto harus tonomba'as bain kohinut ahtoi Pohotala, orihrih ijo pios; ara bain poroturan-poroturan tohou ukun. Ulun-ulun ijo lomoi monte'et poroturan-poroturan rih eam ngondahpot paedahoh.

IBRANI 7:19

Hukum agama Yahudi, eam dahpot nguan angihco ka menjadi soporuna. Orih kotuluioh ihto uhuntuh tononga ihco koharap ijo labih hinut; honong rih ihto duon ngondoni Pohotala.