IBRANI 7:16 - BOWOT BOHUA

¹⁶ Io tonotuot monjadi imam, eam hogalang aturan-aturan ulun molekan hogalang pombolumoh ijo bokowasa tutang ijo eam anai laiuoh.

IBRANI 7:16 ပူးပေါင်းရင်းမြစ်များ

RUMA 7:14

Ihto kota'an ijo hukum agama Yahudi, asar tahkan Roh Pohotala, tahpi ahku tuh ulun bolomu. Ahku jari ponodagang monjadi jihpon dusa.

GALATIA 4:3

Kodorih ka'a umba ihto: Kotahin ihto magun jaha oko, ihto tonojihpon bain roh-roh ijo bokowasa ang kolunon tuh.

GALATIA 4:9

Tahpi uhuntuh ihkam ngosono Pohotala, ata'ai labih kona hino, Pohotala ngosono ihkam. Nah, ombai ihkam kani buli hino ahkan roh-roh kolunon tuh, ijo bolomu tutang porosbolum? Ombai ihkam kani nohojihpon hino bain roh-roh rih?

KOLOSE 2:14

tutang ngobalang surat-surat uhtang toharep ihto, ijo toturus mongancam ihto, umba sarat-sarat ijo bahat. Hawui nyopolahki surat rih ang kahju sopolahki, Pohotala ngudap paring dawa toharep ihto.

KOLOSE 2:20

Ihkam ius mahtoi hombo-homboh Kristus, tutang jari tomorodehka tahkan roh-roh ijo bokowasa ang pindalangit tuh. Nah, ombai ihkam bolum kolou ulun ijo magun konowasa bain kolunon tuh? Ombai ihkam tunduk umba poroturan-poroturan koloutuh?

IBRANI 10:1

Hukum agama Yahudi baya nonga gambaran ijo kawu-kawus, tutang hal-hal ijo hinut ijo ahkan lombut, tutang eam gambar ijo kotu'uioh tahkan hal-hal orih. Eam mustitou hukum orih dahpot nyoporuna ulun ijo lombut nyembah Pohotala tutang ngomin ponyorahan, oluka nyinong toun toturus tonyorah porahpah-porahpah ijo sama.

IBRANI 7:15

Hal ijo tomander tuh monjadi labih jelas hino, honong lombutoh ihcobehti imam bohkon ijo kolou Melkisedek.

IBRANI 7:17

Kotului ang luwang Surat Borasih tonuhtui, ‘‘Ihko tuh anairih imam turus-jahamoh, kolou Imam Melkisedek.’’

IBRANI 7:21

Tahpi Yesus tonotuot monjadi imam hapa tulut, ohkot Pohotala nuhtui umba Io, ‘‘Tuhan ius bonulut tutang Io eam ahkan ngubah tirukahtoi-Oh. ‘Ihko anai rih imam turus-jahamoh.’ ’’

IBRANI 7:28

Hukum agama Yahudi, potuot ulun ijo eam soporuna monjadi imam hajo. Tahpi pongohino tahkan aturan rih, Pohotala napa bowot honong tulut, ijo Io potuot kolou Imam Hajo, Anak ijo ius monjadi Ponyolamat ijo soporuna ahkan turus-jahamoh.

IBRANI 7:3

Tohou Melkisedek tuh eam anai kotorangan ang umoh ka, ijo io anai amai ata'ai inai ata'ai tahtu ajuh; eam anai ka'a kotorangan tohou konanakoh ata'aika popahtoioh. Io sama kolou Anak Pohotala; io rih anairih imam ijo kototahiu.

IBRANI 9:14

Orih, amat daha tutang awu rih, duon ngomuhi kopalin ulun-ulun rih, mahihino dahan Kristus! Nguha Roh ijo abadi, Kristus monyorah arop-Oh bongoi ahkan Pohotala, kolou porahpah ijo soporuna. Daha-Oh muhi ahtoi-bua ihto tahkan upacara agama ijo eam boguna, mangat ihto dahpot mohalu Pohotala ijo bolum.

PONGORINAH 1:18

Ahku rih Io ijo bolum! Ahku jari matoi, tahpi topahjahrih, Ahku bolum ahkan turus-jahamoh. Ahku bokowasa ngosan popahtoi, tutang ngosan kolunon ulun mahtoi.