IBRANI 6:5 - BOWOT BOHUA

⁵ Iro kota'an tahkan pongalaman iro, ijo auh Pohotala rih hinut, iro jari nginyam pononga-pononga ijo tuwi kowasa tahkan jaman ijo ahkan lombut.

IBRANI 6:5 ပူးပေါင်းရင်းမြစ်များ

MATEUS 12:32

Amatanai ulun ngohawot aangco ngolawan Anak Ulun, io duon tonapunoh, tahpi amat io mohina Roh Pohotala, io eam duon tonapun, pios huntuh, oluka ang ahirat!”

MARKUS 6:20

Tului Horodes nyuhu ulun monjaga Yohanes bua-buah ahkan kosolamatan Yohanes ang sipir, tului io mihkoh umba Yohanes. Io kota'an Yohanes ihcobehti ulun morong ijo sonuhu bain Pohotala. Tutang puna, amat Yohanes nuhtui, Horodes jorih ka'a ngonihoh, oluka io toturus golisah samasino kotuluioh.

LUKAS 8:13

Bonyi ijo tonuhkan ang unuk ijo bobahtuliang, nindung ulun ijo aang ohkot ngonih Kabar Hinut rih, norimaoh hawui sanang ahtoi. Tahpi Kabar Hinut rih eam muhat timbon ang ahtoi'ndo. Iro porocaya honjulu iou, tutang ang ohkot tihkas lombut, iro murtad.

EPESUS 6:17

Ominrih kosolamatan orih monjadi koluhkup baja, tutang tuhtui Pohotala kolou padang tahkan Roh Pohotala.

IBRANI 11:3

Tului koporocaya, mahka ihto horahti ijo pindalangit tuh tona'oioh bain auh Pohotala; jadi, inon ijo duon tonohto, nyolung tahkan inon ijo eam dahpot tonohto.

IBRANI 2:5

Molehkat-molehkat eam dahpot kowasa tahkan Pohotala ahkan moretah kolunon bohua ijo ahkan lombut, yorih kolunon ijo rahat ihto manderoh tuh.

IBRANI 4:12

Auh Pohotala anairih auh ijo bolum tutang ba'as; labih bonyihi tahkan padang bonyihi hososila. Auh rih nusuk nyiring nokuh tihkas holat homboruan tutang roh; johcok nokuh tihkas holat sambung-sambung tutang tulang utok, nyiring ngota'an kotimbon-timbonoh tiruk tutang niat ahtoi kolunon.

1 PETRUS 1:25

tahpi auh Tuhan tehen ahkan turus-jaham.’’ Auh orih Kabar Hinut ijo ius tonosiar ahkan'mu.

1 PETRUS 2:3

Ang luwang Surat Borasih tonyurat koloutuh, ‘‘Ihko jari nginyam bongom eaminon kopiosoh Tuhan.’’

2 PETRUS 2:20

Ulun ijo ngosono Tuhan tutang Ponyolamat ihto Yesus Kristus, jari morodehka tahkan kowasan-kowasan kolunon ijo nyowui ulun. Tahpi amat pongohino io tojorat huli, nyiring tonokalah bain kowasa-kowasa rih, mahka akibat ulun rih ang laiuoh, labih ja'at tahkan io hounumbaoh.