IBRANI 6:4 - BOWOT BOHUA

⁴ Tului ulun-ulun ijo jari murtad, eam harapan toniting hoduli. Iro lomoi jari anaimohcon ang luwang koloang tahkan Pohotala, tutang jari nginyam ponongan Aiu. Iro jari ka'a umba konowasa bain Roh Pohotala.

IBRANI 6:4 ပူးပေါင်းရင်းမြစ်များ

MATEUS 12:45

Turus io tulak ngomin pihtu roh bohkon ijo labih ja'at tahkan io. Pongohuli iro nyolong koluwang ulun orih, turus mohcon ang anan. Tutang kojoriaioh ulun rih monjadi lobien koja'atoh umba asaroh. Ijorih ka'a ijo ahkan nyolung umba ulun-ulun ja'at jaman tuh.”

MATEUS 5:13

“Ihkam anairih tonyu ahkan kolunon. Amat tonyu jari tawah, tou ka'a konomohit huli? Eam anai gunaioh hino, molekan tongondian tutang tonihcak-nihcak ulun.

YOHANES 15:6

Ulun ijo eam tohtap hihco honong Ahku ahkan ndian kolou da'an, turus jadi koring. Da'an-da'an ijo kolouorih ahkan tonipun tutang tonyakah nokuh baho turus bopahpong.

YOHANES 3:27

Yohanes mutah, ‘‘Kolunon eam duon anaingina ino-inon amat eam tononga Pohotala ahkaioh.

YOHANES 4:10

Yesus mutah, ‘‘Jahkaioh ihko kota'an ponongan Pohotala tutang iai ijo nyawot korih umba ihko, musti ihko bongom ijo nyawot danum umba-Oh, tutang Io ahkan nonga ahkan'kam danum bolum.’’

YOHANES 6:32

Turus Yesus nuhtui umba iro, ‘‘Porocayarih: Eam Museh, molekan Amai-Ku rih ijo nonga ahkan'kam luhte ijo kotu'uioh tahkan soruga.

KESAH RASUL-RASUL 10:45

Ulun-ulun Yahudi ijo porocaya umba Yesus, tutang iro ijo jari homboh Petrus masap Kornelius rih tahkan Yope paringoh helan, nohto Pohotala nongaoh ka'a Roh-Oh ahkan ulun-ulun uhtus bohkon ijo eam Yahudi.

KESAH RASUL-RASUL 11:17

Jari botarang Pohotala nongaoh ka'a ahkan ulun-ulun ijo eam nambit agama Yahudi rih, pononga ijo sama, ijo Io nongaoh ahkan ihto aang ohkot ihto porocaya umba Tuhan Yesus Kristus. Tului orih kuwoh tou ahku ngohana Pohotala!’’

KESAH RASUL-RASUL 15:8

Tutang Pohotala ijo ngosono ahtoi ulun jari ponokarahoh ijo Io norima iro; Pohotala pokarah hal-hal orih hawui nonga ahkan iro Roh Pohotala, sama kolou ijo jari tononga-Oh ahkan ihto ka'a.

KESAH RASUL-RASUL 8:20

Tahpi Petrus mutah, ‘‘Colahkarih ihko tutang duit'mu! Ihko ngohuoh ponongan Pohotala duon ponoli umba duit?

RUMA 1:11

Tului ahku jolik samasino hosombang umba ihkam, mangat ahku duon mbagi umba ihkam, pononga tahkan Roh Pohotala ahkan ngoba'as ihkam.

2 KORINTUS 4:4

Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

2 KORINTUS 4:6

Pohotala ijo nuhtui, ‘‘Kohondakoh tahkan luwang kopindong lombut koloang,’’ Pohotala orihrih ka'a ijo polombut koloang rih ang luwang ahtoi ihto, mangat tirukihtung ihto monjadi boloang tutang duon ngosono korolondang Pohotala ijo monyingah aang boun Kristus.

GALATIA 3:2

Cuba nyorihta ahkak'ku ihco hal tuh; Kuwohrih ihkam jari norima Roh Pohotala tului molalus hukum agama, ata'airih tului ihkam jari ngonih Kabar Hinut tahkan Pohotala, tutang porocaya umba Yesus Kristus?

GALATIA 3:5

Pohotala nonga Roh-Oh ahkan'kam, tutang nguan kohelan-kohelan ang louk ihkam. Inonrih Pohotala nguan orih kotului ihkam numbun hukum Agama, ata'ai kotului ihkam ngonih Kabar Hinut rih tutang porocaya umba Kristus?

EPESUS 1:18

Ahku nyawot mangat Pohotala nguap tiruk'kam nyiring monjadi boloang; mangat ihkam horahti inon ijo ihkam dahpot harapoh tahkan Pohotala ijo na'ah ihkam. Ka'a mangat ihkam ta'an eaminon botusuh borehkat-borehkat ijo bohinoi ijo tonahtap Pohotala ahkan ukup-Oh,

EPESUS 2:8

Pohotala mongasih ihkam, orih kotuluioh Io kani nyolamat ihkam, kotului ihkam porocaya umba Yesus. Kosolamat ihkam rih, eam tahkan bua usaha'kam bongom. Orih anairih ponongan Pohotala. Jadi, eam aro ihcobehti ka ijo dahpot mopojuhu aropoh tohou hal orih.

EPESUS 3:7

Pohotala nonga ahkak'ku pononga – iotuh gawi – ahkan mborihta Kabar Hinut rih. Ahku norima pononga rih nguha kowasan Pohotala ijo bogawi ang luwang arop'ku.

EPESUS 4:7

Ihto nyino-nyinong norima ihco pononga, numbun inon ijo tononga bain Kristus.

1 TIMOTEUS 4:14

Ara ihko langak hapa pononga tahkan Roh Pohotala ijo tononga ahkan'mu, ang ohkot okon-okon ukup ngina longon iro ang ngosan kuhung'mu, tutang nabi-nabi monyiar pohtoh Pohotala tohou arop'mu.

2 TIMOTEUS 2:25

Io harus bolomu lembai majar ulun-ulun ijo rajin hokolawan; mudah-mudahan Pohotala nonga kosapet ahkan ulun-ulun orih ahkan hubah tahkan dusa-dusan iro, tutang ngosono ajaran ijo morong.

2 TIMOTEUS 4:14

Aleksander, tuhkang tombaga rih jari nguan hal-hal ijo ja'at samsino toharep ahku. Tuhan ahkan malos io numbun anggawiuoh.

IBRANI 10:32

Ingat rih koloukuwoh koada'an Konduang-konduang ang ohkot ijo nokalou. Ang ohkot rih, ulijari koloang Pohotala nyingah'kam, ihkam aro mongarot; tahpi ihkam tohtap molawan umba kogigih.

IBRANI 2:4

Ang bambai orih, Pohotala umba ngondehen kosaksian ulun-ulun rih, hawui nahtap karo mahcam tandahelan tutang hal-hal luar biasa honong mbagi-bagioh pononga-pononga tahkan Roh Pohotala numbun konohuang-Oh bongoi.

1 YOHANES 5:16

Amat ihkam nohto anai ihcobehti sosama Kristen, nguan dusa ijo eam ngonjorian ulun rih nihou pombolum sojahti tutang kototahiu, kohondakrih ihkam bodo'a ahkan Pohotala, tutang Pohotala ahkan nonga pombolum rih ahkaioh. Tuh hokokona umba iro, ijo dusaoh eam ngonjorian iro nihou pombolum rih. Tahpi anai dusa ijo ngonjorian ulun nihou pombolum rih. Tohou hal rih ahku eam nuhtui ijo ihkam harus bodo'a umba Pohotala.