IBRANI 6:18 - BOWOT BOHUA

¹⁸ Duo hal orih eam dahpot boubah, Pohotala eam harapan ngobalik tohou bowot tutang tulut-Oh. Tului orih, ihto ijo jari bokolindung aang Pohotala, tononga juhungan ba'as, ahkan nambit tehen aang koharap ijo tohampar ang husuk ihto.

IBRANI 6:18 ပူးပေါင်းရင်းမြစ်များ

MATEUS 24:35

Langit tutang tana ahkan dilap, tahpi karoauh-Ku mohcon turus-jaham.”

MATEUS 3:7

Aro ka'a ulun Parisi tutang Saduki lombut nokuh Yohanes ahkan tonopondus. Tahpi ohkot io nohto iro lombut, io nuhtui umba iro, “Ihkam ulun ja'at! Iai ijo nuhtui, ijo ihkam duon boliwus tahkan hukum Pohotala ijo ahkan lombut?

LUKAS 2:25

Aang ohkot rih ang Yerusalem anai ihcobehti bogare Simeon io ulun hinut ijo mihkoh umba Pohotala tutang rahat ngindoi wayahoh Pohotala nyolamat Israel. Roh Pohotala hihco io,

RUMA 15:5

Keleh Pohotala, ijo nonga kosabar tutang apung ahkan ulun, dohop ihkam ahkan bolum hihcoahtoi numbun sutu Kristus Yesus.

RUMA 3:25

Pohotala noparahpah Yesus Kristus, mangat honong popahtoi-Oh rih ulun tongorimahoh ius boliwus tahkan kosalaioh, amat iro porocaya umba Io. Pohotala nguan angkodorih ahkan ngorinah koadilan-Oh. Tului ang wayah ijo houn Pohotala ius nyolenankosabar ngindoi, toharep dusa-dusan ulun. Nyiring Io eam mohukum iro.

RUMA 3:4

Puna eam! Tului tarangrih Pohotala toturus morong, oluka nyinong ulun ngobalik. Luwang Surat Borasih, tonyurat, ‘‘Konohuang-Oh ihko bobukti morong a'ang inon ijo ihko ngohawotoh tutang ihko manang aang ohkot ihko ponosara.’’

RUMA 5:5

Koporocaya ijo kolouorih rih eam ahkan poki'aoh ihto, tului ahtoi ihto ius sonuang bain Pohotala umba Asiu-Oh. Pohotala nguan orih rih honong nguha Roh-Oh, ijo jari tononga-Oh ahkan ihto.

PILIPI 2:1

Ihkam ba'as, kotului ihkam hihco umba Kristus. Tutang ihkam tonoapung kotului Kristus ijo ngasi ihkam! Ihkam toniting Roh Pohotala, tutang ihkam ka'a saling hosita tutang saling hobalos kasih ihco umba ijo bohkon.

KOLOSE 1:23

Tahpi kopunai ihkam harus tohtap te'et porocaya tutang tombok tehen aang koporocayan'kam. Ara nyiring ihkam molohkak koharap ijo jari tononga ahkan'kam, kotihka ihkam norima Kabar Hinut tahkan Pohotala. Kabar rih jari tomborihta ahkan nyinong ulun ang hopus kolunon. Tutang ahkan orihrih ka'a ahku Paulus jari monjadi pohalu.

KOLOSE 1:27

Ahkan ukup Aiu rih, Pohotala kani ngorinahoh eaminon kopiosoh tutang kohajooh rahasia-Oh rih bagi sohopus ukup kolunon. Rahasia orihrih, iorih: Kristus anai luwang arop'kam, ijorimai ihkam ahkan hawui nginyam kohajon Pohotala.

KOLOSE 1:5

Ihkam porocaya tutang ihkam pongasih, tului ihkam harap ahkan inon ijo tonyodia ang soruga bain Pohotala ahkan'kam. Ihkam ius ngonih tohou hal orih kotihka Kabar Hinut ijo morong tonyapai ahkan'kam.

1 TESALONIKA 1:10

Iro mander ka'a, tohou koloukuwoh ihkam moharapoh polombut Anak Pohotala tahkan soruga, yorih Yesus, ijo jari tonombolum bain Pohotala tahkan popahtoi. Yesus orihrih ka'a ijo monyolamat ihto tahkan kosingin Pohotala ijo ahkan lombut.

1 TIMOTEUS 1:1

Timoteus, anak'ku ijo sojahti ang luwang Tuhan! Surat tuh tahkan ahku, Paulus, rasul Kristus Yesus ngosan poretah Pohotala, Ponyolamat ihto, tutang ngosan poretah Yesus Kristus koharap ihto. Keleh Pohotala, Amai, tutang Yesus Kristus Tuhan ihto nonga borehkat, pononganasi tutang kosanang ahkan'kam.

1 TIMOTEUS 6:12

Hokolahi tu'u-tu'u ahkan bolum kolou ulun Kristen, mangat ihko nyomba'an hodiah pombolum sojahti tutang kototahiu. Kotului ahkan orihrih Pohotala na'ah ihko, ang kotihka ihko ngahku ang toharep aro ulun, ijo ihko porocaya umba Kristus.

2 TIMOTEUS 2:13

Amat ihto eam te'et, Io tohtap te'et, tului eam dahpot Io hokolawan umba arop-Oh bongoi.’’

TITUS 1:2

Ajaran rih hogalang koharap, ijo ihto ahkan norima pombolum sojahti, tutang kototahiu. Pohotala jari mbowotoh pombolum rih hounumba pahtuk jaman – tutang Pohotala eam pu'u bobalik.

IBRANI 11:7

Kotului porocaya, mahka Noah tonyorihta bain Pohotala tohou hal-hal ijo ahkan nyolung pongohino, ijo eam dahpot tonohto baiuoh. Noah mone'et Pohotala, nyiring io napa ihco bonama ijo pongohino korinah monyolamat aropoh homboh ukupjolahaioh. Honong kolourih kolunon tonohukum, rahat rih Noah bongoi kotului porocayaoh, tongorinah bain Pohotala kolou ulun ijo kopios.

IBRANI 3:11

Ahku bosingi tutang monulut, ‘Iro eam ahkan nyolong nokuh tana rih ahkan dahpot nondobo'o homboh Ahku.’ ’’

IBRANI 3:6

Tahpi Kristus bokehtep kolou Anak, ijo botanggung-jawab ngosan Lohpou Pohotala. Tutang ihto tuhrih Lohpou Pohotala, amat ihto tahtap bosomangat tutang tahtap yakin ahkan ngondahpot inon ijo ihto harapoh.

IBRANI 6:17

Pohotala kani nuhkasrih ahkan ulun-ulun ijo norima bowot-Oh, ijo Io eam ahkan ngubah rancana-Oh. Orihrih kotuluioh Io ndahang tulut aang bowot-Oh rih.

IBRANI 7:19

Hukum agama Yahudi, eam dahpot nguan angihco ka menjadi soporuna. Orih kotuluioh ihto uhuntuh tononga ihco koharap ijo labih hinut; honong rih ihto duon ngondoni Pohotala.

IBRANI 7:21

Tahpi Yesus tonotuot monjadi imam hapa tulut, ohkot Pohotala nuhtui umba Io, ‘‘Tuhan ius bonulut tutang Io eam ahkan ngubah tirukahtoi-Oh. ‘Ihko anai rih imam turus-jahamoh.’ ’’

1 YOHANES 1:10

Tahpi amat ihto nuhtui ijo ihto eam bodusa, ihto ngohu soahkan-ahkan Pohotala bobalik tutang ihto eam anai auh Pohotala ang ahtoi ihto.

1 YOHANES 5:10

Kotului orih, ulun ijo porocaya ahkan Anak Pohotala jari norima kosaksian rih ang luwang ahtoioh; tahpi ulun ijo eam anai koporocaya umba Pohotala, jari ngohu soahkan-ahkan Pohotala pobalik. Tului io eam porocaya, inon ijo tonuhtui Pohotala tohou Anak-Oh.