IBRANI 6:11 - BOWOT BOHUA

¹¹ Ihkai jolik sino, mangat ihkam nyinong-behti turus bosomangat johcok laiu, nyiring ihkam norima inon ijo ihkam moharap-harapoh rih.

IBRANI 6:11 ပူးပေါင်းရင်းမြစ်များ

MATEUS 24:13

Tahpi ulun ijo tehen johcok laiuoh, ahkan tonyolamat.

LUKAS 1:1

Teofilus ijo randah ahtoi, Aro ulun jari bousaha nyurat tutang monyusun tohou karon-kojodianrih ijo jari nyolung ang tohun ihto.

RUMA 12:8

Ulun ijo tepun pononga nonga somangat ahkan ulun bohkon, harus io tu'u-tu'u nonga somangat, ahkan ulun bohkon. Ulun ijo tepun pononga ahkan moronga umba ulun bohkon, inon ijo anai iotepuioh, harus nguaioh orih honong kolomun ahtoi numbun koharusoh. Ulun ijo tepun pononga ahkan monjadiokon, harus tu'u-tu'u monjadiokon ulun. Ulun ijo tepun pononga ahkan ngorinahoh pongasioh ahkan ulun bohkon pahtut molalusoh honong sanang ahtoi.

RUMA 15:13

Pohotala anairih, unuk ihkam porocaya. Keleh Io nyuang ahtoi'kam hapa kokaron kojorih tutang kasanang, tului ihkam porocaya umba Io, mangat umba kowasa Roh Pohotala ihkam mahi-mahi porocaya ahkan Pohotala.

1 KORINTUS 13:13

Jadi, ahkan wayah tuh, anai tolu hal ijo ihto harus tehtep nguai: porocaya, bokoharap, tutang saling ngasih. Ijo paling boguna tahkan kotolu-tolu ohrih, iorih, pongasih ulun-ulun bohkon.

1 KORINTUS 15:58

Bain kotului rih, Konduang-konduang ijo tongasih, hondakrih ihkam ba'as tutang tehen. Bogawirih turus ahkan Tuhan honong tu'u-tu'u, bain ihkam ngota'an ijo paring ijo ihkam nguaioh ahkan Tuhan, eam ahkan ngohus!

GALATIA 5:5

Tahpi bagi ihkai, ihkai bokoharap, ijo honong pondohop Roh Pohotala tutang hogalang koporocayan ihkai umba Kristus, Pohotala touduonrih ahkan ihkai hokopios umba Io.

GALATIA 6:9

Kotului rih, ara ihto monjadi peda nguan hal-hal ijo pios; bain amat ihto eam tondo nguan hal-hal rih, sino jaha ihto ahkan ngohtom buaoh.

PILIPI 3:15

Ihto paringoh ijo jari oko cara rohani, harusrih bogawi kodorih. Tahpi amat ang marak ihkam anai ijo niruk bohkon, mahka Pohotala ahkan monarangoh ka'a ahkan'kam.

KOLOSE 1:23

Tahpi kopunai ihkam harus tohtap te'et porocaya tutang tombok tehen aang koporocayan'kam. Ara nyiring ihkam molohkak koharap ijo jari tononga ahkan'kam, kotihka ihkam norima Kabar Hinut tahkan Pohotala. Kabar rih jari tomborihta ahkan nyinong ulun ang hopus kolunon. Tutang ahkan orihrih ka'a ahku Paulus jari monjadi pohalu.

KOLOSE 1:5

Ihkam porocaya tutang ihkam pongasih, tului ihkam harap ahkan inon ijo tonyodia ang soruga bain Pohotala ahkan'kam. Ihkam ius ngonih tohou hal orih kotihka Kabar Hinut ijo morong tonyapai ahkan'kam.

KOLOSE 2:2

Paringoh tuh ahku nguaioh, mangat ahtoi iro monjadi ba'as tutang iro saling mongasih, nyiring iro lehket hihco. Umba kodorih iro tu'u-tu'u horahti tutang yahkin hawui ngosono rahasia Pohotala, yorih Kristus bongoi.

1 TESALONIKA 1:5

Kotului ihkai monyiar Kabar Hinut ahkan'kam, eam hapan tuhtui-tuhtui iou, tahpi ka'a umba kowasa tutang umba Roh Pohotala. Tutang ihkai yahkin sino ahkan komorong tahkan Kabar Hinut rih. Ihkam ta'an koloukuwoh ihkai bolum ahkan kogunan'kam, kotihka ihkai anai ang tohun-tohun ihkam.

1 TESALONIKA 4:10

Tutang hal tuh jari ihkam pokarahoh toharep paring konduang 'cokoporocaya ang hopus Makedonia. Tahpi, Konduang-konduang, ihkai nyawot hawui paham mangat pombolum'kam monjadi labih pios hino.

2 TESALONIKA 3:13

Tahpi ihkam ara peda nguan kopios.

IBRANI 10:22

Bain orih, olairih ihto ngondoni Pohotala umba ahtoi ijo tulus tutang koporocaya ijo segah; umba ahtoi ijo jari borasih tahkan pokomo ijo sala, tutang umba behti ijo jari ponorasih umba danum ijo kotining.

IBRANI 3:14

Ihto paring anairih injah ihcohokolahi homboh Kristus, asar ihto johcok laiu nambitoh lehket koyakinan ijo ihto tepui tahkan pahtukoh.

IBRANI 3:6

Tahpi Kristus bokehtep kolou Anak, ijo botanggung-jawab ngosan Lohpou Pohotala. Tutang ihto tuhrih Lohpou Pohotala, amat ihto tahtap bosomangat tutang tahtap yakin ahkan ngondahpot inon ijo ihto harapoh.

1 PETRUS 1:21

Nguha Iorih ihkam porocaya ahkan Pohotala, ijo jari ngombolum Io hoduli tahkan popahtoi, tutang mopohajooh. Jadi, Pohotalarih ijo ihkam porocayaoh tutang ahkan Pohotalarih ka'a ihkam ngina koharapan.

2 PETRUS 1:10

Kotului orih, Konduang-konduang, bousaha iou labih ba'as mangat ta'ah Pohotala tutang pitih-Oh ngosan arop'mu rih monjadi mahi segah. Amat ihkam nguan rih, ihkam eam ahkan murtad.

2 PETRUS 3:14

Kotului orih, Konduang-konduang ijo tonosita, pondehan ihkam ngindoi Ondou rih, bousaha tu'u-tu'u ahkan bolum borasih tutang earo kosalai ang toharep Pohotala. Tutang mohaga kohihco ijo hinut umba Pohotala.

1 YOHANES 3:14

Ihto ta'an ijo ihto jari soluka tahkan popahtoi, tutang jari hahtun nokuh pombolum. Ihto ta'an rih kotului ihto masi hawui konduang ihto. Ulun ijo eam masi, rimai magun konowasa bain popahtoi.

1 YOHANES 3:19

Kolouorih caraoh ihto ta'an ijo ihto angbarih anak-anak Pohotala ijo morong, tutang ahtoi ihto dahpot teneng ang toharep Pohotala.

PONGORINAH 2:26

Iro ijo manang, tutang ijo johcok laiu, turus nguan inon ijo Ahku ngohondakrih, ahkan Ahku nonga kowasa ijo sama kolou Ahku norima tahkan Amai-Ku. Iro akhan norima kowasa tahkanumba Ahku, ahkan moretah uhtus-uhtus umba suhkah bosi, tutang ahkan molonyuh uhtus-uhtus rih kolou kobali tana.