IBRANI 5:9 - BOWOT BOHUA

⁹ Mahka uliius Io tomonjadi ponyolamat ijo soporuna, Io monjadi luwangtohasak solamat ijo kototahiu bagi paring ulun ijo te'et umba Io,

IBRANI 5:9 ပူးပေါင်းရင်းမြစ်များ

MATEUS 17:5

Pondehan Petrus magun hopander baunondou ijo boloang sino ngapuh'ndo tutang tahkan baunondou rih konahan auh ijo nuhtui, “Tuhrih Anak-Ku ijo Ahku ngasih-Oh, Io nyanang ahtoi-Ku. Ngonih Io!”

LUKAS 13:32

Yesus mutah, ‘‘Hihkas nuhtui ahkan ulun ijo eam anai gunaioh rih, ‘Ondou tuh tutang hawun Ahku muhko roh ja'at tutang ngopios ulun poros, tahpi ang ondou kotolu, Ahku ahkan ngohpahoh gawik-Ku.’

YOHANES 19:30

Yesus ngonyelap danum anggur rih, turus nuhtui, ‘‘JARI SUHKUP!’’ Turus Io nuhkom kuhung-Oh tutang palus.

KESAH RASUL-RASUL 3:15

Konduang-konduang munu Io, padahar kopunaoh Io rih luwang tohasak pombolum ahkan paring ulun. Tutang Pohotala jari ngombolum Io huli tahkan popahtoi. Ihkai jari monyaksi bongon 'kai hal rih.

KESAH RASUL-RASUL 4:12

Tihkas nguha Yesus iou ulun duon solamat. Tului ang sohapus Kolunon, ang louk ulun eam aro ihcobehti bohkon ka ijo ngonduon kowasa tahkan Pohotala ahkan monyolamat ihto.’’

KESAH RASUL-RASUL 5:32

Ihkai tuh saksi-saksioh tohou paring orih rih – ihkai tutang ka'a Roh Pohotala ijo tononga bain Pohotala ahkan ulun-ulun ijo numbun poretah-Oh.’’

RUMA 1:5

Nguha Io ka'a Pohotala nonga ahkak'ku pononga monjadi rasul, mangat ahku – ahkan mohoromat Kristus – ngogalan ulun-ulun tahkan kokaron uhtus, mangat porocaya tutang te'et.

RUMA 10:16

Tahpi eam paring ulun norima Kabar Hinut rih. Tului Yesaya nuhtui, ‘‘Tuhan, iaikah ijo porocaya umba borihta tahkan ihkai?’’

RUMA 15:18

Ahku bahanyi nuhtui kolouorih tihkas tohou inon ijo jari konuan Kristus nguha ahku, mangat ngonjorian ulun-ulun ijo bohkon Yahudi, te'et ahkan Pohotala. Ahku nguan orih honong tuhtui-tuhtui oluka umba gawik'ku,

RUMA 2:8

Tahpi ulun-ulun ijo kogunan aropoh bongoi tutang eam kani te'et umba Pohotala, molekan nitoi jalan ijo ja'at, ulun-ulun orih ahkan paham kononyingi Pohotala.

RUMA 6:17

Tahpi torimakasih ahkan Pohotala! Tului lomoi ihkam jihpon dusa, tahpi huntuh ihkam honong kotuwi ahtoi heret umba ajar komorong ijo jari tunongaoh ahkan'kam.

2 KORINTUS 10:5

tutang polukang benteng-benteng kojuhu ijo tonombok, ahkan molawan pongotaan tohou Pohotala. Ihkai nawan tiruk ulun-ulun, tutang nguan iro monyorah nokuh Kristus.

PILIPI 2:12

Tului orih, Konduang-konduang ijo tonokasih, kolouumoh ihkam toturus te'et umba ahku, aang ohkot ahku anai ang louk ihkam, mahka labi-labih huntuh ang ohkot hokomahcu, hondakrih ihkam tahtap te'et umba ahku. Ihkam ius tonyolamat bain Pohotala, jadi ngurahjalan turus mangat kosanang'kam monjadi soporuna. Nguan ang orih rih honong horomat tutang ponumbun ahkan Pohotala,

2 TESALONIKA 1:8

tutang honong baho ijo ngonjelak-jelak. Io mosuluh ahkan mohukum ulun-ulun ijo eam poduli Pohotala, tutang ijo eam kani bolum sorurui umba Kabar Hinut tohou Yesus Tuhan ihto.

2 TESALONIKA 2:16

Keleh Tuhan ihto Yesus Kristus bongoi, tutang Pohotala, Amai ihto, nonga ampung tutang koba'as ang ahtoi'kam, mangat ihkam duon bogawi tutang mborihta inon ijo pios. Tului Pohotala ngasi ihto, tutang tului kohinut ahtoi-Oh, Io napa ihto tohtap tabah hawui bokoharap umba ijo hinut.

2 TIMOTEUS 2:10

Orihrih kotuluioh ahku tabah ngohtun paringoh rih, bain boguna ahkan ulun-ulun, ijo jari tomitih bain Pohotala, mangat iro ka ngondahpot kosolamatan ijo tononga nguha Kristus Yesus, tutang ijo tonohomboh umba kohajoi ijo abadi.

IBRANI 1:14

Amat kolourih molehkat-molehkat rih, inon kotu'uioh? Iro anairih roh-roh ijo mohalu Pohotala, tutang ijo sonuhu Pohotala ahkan dohop ulun-ulun ijo ahkan norima kosolamatan.

IBRANI 11:40

kotului Pohotala anai rancana ijo labih pios ahkan ihto. Rancana-Oh, iorih ijo tihkas hihco umba ihto, iro ahkan monjadi soporuna.

IBRANI 11:8

Kotului porocaya, mahka Abraham mone'et Pohotala, kotihka Pohotala na'ah io, tutang nyuhuoh tulak nokuh tanah, ijo Pohotala mbowot ahkaioh. Turus Abraham tulak honong eam ta'an nokuh umoh ahkan ponulak.

IBRANI 12:2

Hondakrih topahjah ihto nitu umba Yesus, bain Io ijo mbolum porocayan ihto tutang mohaga tahkan pahtuk nyiring laiu. Yesus tahan ngarot, ang kahju sopolahki! Io eam poduli ijo mahtoi, ang kahju sopolahki rih anairih angihco hal ijo ngomia. Io tihkas ingat ahkan kojorih ijo ahkan tonginyam-Oh pongohuli. Huntuh Io tuot ang sila kotuon pododusan Pohotala tutang moretah hihco umba Io.

IBRANI 2:10

Puna jari kopahtutoh Pohotala – ijo naoi kokaro angihco ahkan konohuang-Oh bongoi – monapa Yesus ponyolamat ijo soporuna nguha kokarotrih. Honong orih Pohotala dahpot na'ah aro ulun ahkan umba tonohajo homboh Yesus. Tului Io ponguap jalan bagi iro, mangat tou tonyolamat.

IBRANI 2:3

Mahihino umba kosolamatan ijo labih hebat tahkan pohtoh-pohtoh rih! Amat ihto eam anai poduli toharep kosolamatan rih, ihto puna botatu eam ahkan luhput tahkan hukuman. Tului Tuhan bongoirih ijo pahtu-pahtukoh mborihta kosolamatan rih, tutang ulun ijo sula-sulak lomoi ngonihoh, jari mombuktioh komorongoh ahkan ihto.

IBRANI 9:12

Kristus nyolong Ruang Palingborasih ang luwang kemah rih tihkas sino iou turus-jahamoh. Ang ohkot rih Io eam ngomin dahan kambing dalung ata'ai dahan anak sahpi ahkan tonosorahoh; Io ngomin daha Aiu bongoi, tutang umba orih Io momorodehka ihto ahkan turus-jahamoh.

IBRANI 9:15

Orihrih kotuluioh, Kristus monjadi Poholat, ahkan ihco bowot ijo bohua, mangat ulun ijo jari tona'ah bain Pohotala, dahpot norima borehkat-borehkat abadi, ijo jari tonobowot bain Pohotala. Paringoh orih dahpot nyolung, kotului jari anai ijo mahtoi, yorih Kristus; tutang popahtoi-Oh rih morodehka ulun tahkan kosalai-kosalai ijo iro nguaioh ang ohkot bowot ijo pahtuk magun hapan.

IBRANI 9:28

Kolourih ka'a, Kristus sinotikat nyorah arop monjadi porahpah ahkan mongapit dusan aro ulun. Io ahkan lombut hino aang koduo tikatoh, eam hino ahkan ngobuah soal dusa, tahpi ahkan nyolamat ulun-ulun ijo ngindoi polombut-Oh.

1 PETRUS 1:22

Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.

YUDAS 1:21

tutang bolumrih toturus ang pinda kosingou kasih Pohotala kotahin ihkam ngindoi pononganasin Yesus Kristus Tuhan ihto, ijo ahkan nonga ahkan'kam pombolum sojahti tutang kototahiu.