IBRANI 5:7 - BOWOT BOHUA

⁷ Ang wayah Yesus bolum ang kolunon tuh, Io bodo'a tutang nyawot umba auh kombak tutang tangihoh ahkan Pohotala, ijo sanggup monyolamat Io, tahkan popahtoi. Tutang kotului Io tunduk umba Pohotala honong tuwi horomat, mahka Io tongonahanoh.

IBRANI 5:7 ပူးပေါင်းရင်းမြစ်များ

MATEUS 27:46

Pukul tolu cohit, Yesus ngombak honong auh muhing, “Eli, Eli, lama sabakhtani?” ijo rimai, “O Pohotala-Ku, Pohotala-Ku, ombai Ihko nohtah Ahku?”

MATEUS 27:50

Pongohuli Yesus ngombak hino honong auh muhing, turus mahtot hasong-Oh ijo pongopahoh.

MARKUS 15:34

Tutang ang pukul tolu cohit, Yesus ngombak umba auh ijo muhing, ‘‘Eloi, Eloi, lama sabakhtani?’’ ijo rimai, ‘‘Yoh, Pohotalak-Ku, yoh, Pohotalak-Ku, ombai Ihko nohtah Ahku?’’

MARKUS 15:37

Turus Yesus ngombak hino tutang palus.

LUKAS 23:46

Turus Yesus ngombak umba auh muhing, ‘‘Amai! Nokuh a'ang longon-Mu Ahku monyarah arop-Ku!’’ Uli nuhtui kolourih, Io ka palus.

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

YOHANES 11:35

Turus Yesus nangih.

YOHANES 11:42

Ahku ta'an Ihko toturus ngonih Ahku, tahpi Ahku nuhtui tuh, bagi ulun-ulun ijo anai ang ohtoi; mangat'ndo porocaya ijo Ihko rih ijo nyuhu Ahku.’’

YOHANES 17:1

Uli hopander kolouorih, Yesus nokara nokuh langit tutang nuhtui, ‘‘Amai, huntuh jari johcok ohkotoh. Pohajoohrih Anak-Mu, mangat Anak-Mu ka mopohajo Amai.

RUMA 8:3

Inon ijo eam duon konuan bain hukum agama, kotului ihto ulun bolomu, orih jari konuanoh bain Pohotala. Pohotala ijo mongalah kowasa dusa luwang tobiat ulun, hawui ngirimrih Anak-Oh bongoi, ijo lombut aang koada'ai sama umba kolunon ijo bodusa, ahkan ngudap dusa.

GALATIA 4:4

Tahpi ang ohkotoh ijo kona, Pohotala nyuhu Anak-Oh nokuh kolunon. Anak-Oh rih tonganak bain ihcobehti bawi, tutang bolum ang pinda kowasan hukum agama.

1 TIMOTEUS 3:16

Eam ihcobehti ka dahpot molawan, eaminon kohajoioh rahasia agaman ihto, Io ngorinah arop a'ang tapan kolunan, tutang tongorinah morong bain Roh Pohotala, hawui gihtan bain dolang molehkat. Borihtaoh uras konahan ang tohun uhtus-uhtus, tutang Io toporocaya ang hopus kolunon tutang konahtang nokuh soruga.

IBRANI 10:10

Yesus Kristus jari nguan inon ijo tongohondak Pohotala tutang nyorah arop-Oh monjadi porahpah. Umba ponyorahan rih, ijo konuai-Oh tihkas sino iou ahkan turus-jahamoh, ihto paring tonomuhi tahkan dusa.

IBRANI 10:5

Orihrih kotuluioh ang ohkot Kristus nyolong nokuh kolunon, Io nuhtui umba Pohotala, ‘‘Ihko eam nohuang porahpah tutang ponyorahan; sombalikoh, Ihko jari monyodia behti bagi-Ku.

IBRANI 11:7

Kotului porocaya, mahka Noah tonyorihta bain Pohotala tohou hal-hal ijo ahkan nyolung pongohino, ijo eam dahpot tonohto baiuoh. Noah mone'et Pohotala, nyiring io napa ihco bonama ijo pongohino korinah monyolamat aropoh homboh ukupjolahaioh. Honong kolourih kolunon tonohukum, rahat rih Noah bongoi kotului porocayaoh, tongorinah bain Pohotala kolou ulun ijo kopios.

IBRANI 12:28

Kotului orih, hondakoh ihto ngohawot torimakasih ahkan Pohotala, kotului ihto norima tahkan Io ihco kolahca'an ijo eam dahpot tonoruhkuh. Hondakrih ihto norimakasih tutang sombayang ahkan Pohotala hawui horomat tutang mihkoh, numbun cara ijo tongojolik baiu-Oh bongoi.

IBRANI 13:20

Pohotala ius mombalum Tuhan ihto Yesus Kristus, tahkan popahtoi. Tului popahtoi-Oh rih Io huntuh monjadi Sokahtik Hajo bagi ihto, yorih tobiri-tobiri-Oh. Popahtoi-Oh rih ka'a monsah bowot kototahiu ijo konuan Pohotala umba ihto.

IBRANI 2:14

Bain kotului ulun-ulun ijo Io ngohawot, anak, rih, anairih mahluk kolunon ijo dahpot mahtoi, mahka Yesus bongoi monjadi sama, umba iro, tutang bolum a'ang koada'an ulun. Io nguan kolorih, mangat umba popahtoi-Oh, Io dahpot moluhtek Sehtan ijo mongowasa popahtoi.

1 YOHANES 4:3

Tahpi ulun ijo eam ngahkuoh, hal tuh tohou Yesus, io eam anaingina Roh Pohotala. Ulun rih anaingina roh tahkan musuh Kristus. Konduang jari ngonih ijo roh rih ahkan lombut, tutang huntuh io jari anai ang luwang kolunon tuh.

2 YOHANES 1:7

Aro ponihpu jari bohambur nokuh hopus kolunon. Iro anairih, ulun-ulun ijo eam ngahku, ijo Yesus Kristus lombut nokuh kolunon, kolou ihcobehti ulun. Ulun somahcam orih anairih ponihpu, tutang Musuh Kristus.