IBRANI 5:3 - BOWOT BOHUA

³ Tutang kotului io bongoi bolomu, mahka io harus nyorah porahpah, eam bewe tului dusa-dusan ukup, tahpi ka'a kotului dusa-dusanoh bongoi.

IBRANI 5:3 ပူးပေါင်းရင်းမြစ်များ

1 KORINTUS 15:3

Inon ijo ahku mborihtaoh ahkan Konduang-konduang, anairih ijo jari ahku norima ka'a. Ijo boguna, kolou ijo tonyurat a'ang Surat Borasih, ahku nyiaroh ahkan'kam ijo Kristus mahtoi kotului dusa-dusan ihto,

IBRANI 10:12

Sobalikoh Kristus, monyorah baya sino porahpah ahkan pongapun dusa, tutang porahpah rih nyolung ahkan turus-jahamoh. Ulijari monyorahoh porahpah rih, Yesus tuot ang sila kotoun Pohotala tutang moretah sama-sama umba Io.

IBRANI 7:27

Io eam kolou imam-imam hajo ijo bohkon, ijo nyinong ondou harus monyorah pononga kotului dusa-dusan iro bongoi lomoi, punai tului dusa-dusan ukup. Yesus nyorah porahpah tihkas sino tikat ahkan turus-jahamoh, ohkot Io monyorah arop-Oh bongoi monjadi porahpah.

IBRANI 9:7

Ijo nyolong nokuh hila paling luwang tahkan kemah rih, tihkas imam hajo iou. Io molalus rih baya sinotikat ihco toun. Orih tonguaioh, hawui ngomin daha ahkan tonyorahoh, ahkan Pohotala, tului aropoh bongoi, tutang tului dusa-dusa ijo tonguan eam sadar bain ukup-Oh.