IBRANI 5:12 - BOWOT BOHUA

¹² Kotu'uioh jari ohkotoh ahkan'kam ahkan monjadi guru, tahpi korinahoh ihkam puna porulu bolajar tahkan ulun bohkon, tohou asas-asas kopahtuk ajaran tahkan Pohotala. Ihkam jaha dahpot norima ukun ijo mahang, ihkam magun pahtut ngorih susu iou.

IBRANI 5:12 ပူးပေါင်းရင်းမြစ်များ

MATEUS 17:17

Yesus mutah, “Eam inon ihkam tuh! Ihkam tu'u-tu'u ulun-ulun ijo nyahpang tutang eam porocaya. Nyiring mira Ahku harus mohcon umba ihkam tutang sabar toharep ihkam? Ngomin anak orih 'kanohtoi!”

MARKUS 9:19

Mahka Yesus nuhtui umba iro, ‘‘Eaminon ihkam tuh! Ihkam tu'u-tu'u ulun ijo eam porocaya. Johcok mira Ahku harus mohcon hihco ihkam tutang bosabar nohimo ihkam? Ngomin anak rih nokuh ohtoi!’’

KESAH RASUL-RASUL 7:38

Musehrih ijo ang tohun uhtus Israel ang padang bolambah monjadi poholat ahkan molehkat ijo pander umba io ang Puruk Sinai, umba tahtu ajuh ihto. Iorih ijo norima tahkan Pohotala kabar ijo bolum, ahkan tonosiar ahkan ihto.

RUMA 3:2

Puna iou aro ka'a paedahoh! Pahtu-pahtukoh kotului ahkan ulun Yahudirih Pohotala momorocayaoh auh-auh Pohotala.

1 KORINTUS 14:19

Tahpi, ang luwang puhpung-puhpung ahkan nyembah Tuhan, ahku labih jolik hapan limo tuhtui ijo tou tohorahti ulun, tahkanumba hapan bokuhjan-kuhjan tuhtui a'ang basa ijo helan. Ahku labih jolik kodorih, mangat ahku tou majar ulun.

1 KORINTUS 14:20

Konduang-konduang! Ara niruk kolou anak-inyam. A'ang hal koja'at, hondakrih ihkam tehtep kolou anak-inyam. Tahpi a'ang tiruk hondakrih ihkam monjadi ulun ijo oko.

GALATIA 4:3

Kodorih ka'a umba ihto: Kotahin ihto magun jaha oko, ihto tonojihpon bain roh-roh ijo bokowasa ang kolunon tuh.

PILIPI 3:1

Laiuoh, Konduang-konduang'ku hondakrih ihkam hokojorih kotului ihkam jari hihco umba Tuhan. Ahku eam nanyam bahat ahkan nokoduli inon ijo jari ahku nyuratoh ahkan'kam houn; kotului hal orih pios ahkan kosolamat'kam.

KOLOSE 3:16

Hondakrih ajar-ajar Kristus ijo tuwi borehkat nyorap ahkan luwang ahtoi'kam. Hondakrih ihkam saling majar tutang saling nonga tingak sokopihtar soduondahpot. Monyanyioh rih masmur tutang tara-tara hawui lagu-lagu rohani; monyanyi iou ahkan Pohotala, honong nanyam norimakasih ang luwang ahtoi'kam.

IBRANI 10:32

Ingat rih koloukuwoh koada'an Konduang-konduang ang ohkot ijo nokalou. Ang ohkot rih, ulijari koloang Pohotala nyingah'kam, ihkam aro mongarot; tahpi ihkam tohtap molawan umba kogigih.

IBRANI 5:11

Tohou ponuot Yesus kolou Imam Hajo, anai aro ijo porulu ihkai mborihtarih ahkan'kam, tahpi bohali ahkan monarangoh kotului ihkam borakah sino horahti.

IBRANI 5:13

Ulun ijo magun ngorih susu, rimai io magun ngoa, io jaha anai aro pongalamoh, tohou inon ijo morong tutang inon ijo sala.

IBRANI 6:1

Kotului rih, olai ihto miar nokuh polajaran-polajaran ijo labih ombu tohou kookooh pombolum Kristen, tutang ara tihkas nuneng ajas-ajas pahtuk ajaran agaman ihto. Ara ihto nokoluli hino ajaran dasar, ijo ulun harus tondo nguan hal-hal ijo eam boguna, tutang harus porocaya ahkan Pohotala,

1 PETRUS 2:2

Hondakrih ihkam monjadi kolou ngoa ijo punan konanak toturus haus ahkan susu rohani ijo hinut. Honong kolourih ihkam ahkan bolum tutang tonyolamat.

1 PETRUS 4:11

Ulun ijo monyiar borihta, harusrih monyiar borihta tahkan Pohotala, ulun ijo mohalu ulun bohkon, harusrih mohalu umba koba'as ijo tahkan Pohotala, mangat a'ang kokaro hal, Pohotala dahpot ponohajo nguha Yesus Kristus. Iorih ijo bokowasa tutang harus ponohajo ahkan turus-jahamoh. Amen.