IBRANI 4:2 - BOWOT BOHUA

² Kotului Kabar Hinut rih jari tomborihta ahkan ihto, sama kolou ahkan iro. Tahpi ahkan iro borihta rih eam anai gunaioh. Kotului kotihka iro ngonihoh iro eam porocaya.

IBRANI 4:2 ပူးပေါင်းရင်းမြစ်များ

KESAH RASUL-RASUL 13:46

Tahpi hawui labih bohanyi Paulus doro Barnabas pander torus-tarang. Iro nuhtui, ‘‘Auh Pohotala puna harus tonyapai ahkan ihkam houn. Tahpi tului ihkam eam kani norimaoh, ihkam jari nuhkasoh bongom, ijo ihkam eam pahtut norima pombolum sojahti tutang kototahiu. Tutang huntuh ihkai nohtah ihkam, tutang tulak nokuh uhtus bohkon.

KESAH RASUL-RASUL 3:26

Orih kotuluioh Pohotala ngopili Jihpoi-Oh turus nyuhu Io lombut nokuh ihkam paling houn, mangat Io mborehkat ihkam. Caraoh Io mborehkat ihkam, iorih, hawui nguan Konduang-konduang paring hubah tahkan cara pombolum ijo ja'at.’’

RUMA 2:25

Amat Konduang tehen umba hukum agama Yahudi mahka sunat Konduang anai gunaioh ka'a. Tahpi amat Konduang eam duon tehen umba hal-hal ijo ponoretahoh aang hukum rih, mahka sunat Konduang eam aro gunai samasino.

RUMA 3:3

Tahpi koloukuwoh amat ihco kobagi ulun Yahudi eam tehen? Kuwoh, tului orih Pohotala monjadi eam tehen?

1 KORINTUS 13:3

Oluka paring ijo ahku tepuioh, ahku nyodahkahoh ahkan ulun-ulun porosbolum, tutang ahku nyarah behtik'ku ahkan tomahpong, tahpi ahku eam ngasi ulun-ulun bohkon, mahka paringoh rih eam anai gunaioh samasino.

GALATIA 3:2

Cuba nyorihta ahkak'ku ihco hal tuh; Kuwohrih ihkam jari norima Roh Pohotala tului molalus hukum agama, ata'airih tului ihkam jari ngonih Kabar Hinut tahkan Pohotala, tutang porocaya umba Yesus Kristus?

GALATIA 3:8

Surat Borasih jari nohto labih soun, ijo Pohotala mongonduon ulun-ulun bohkon Yahudi, hokopios hoduli umba Pohotala, amat iro porocaya umba Io. Kabar Hinut rih tonyorihta labih houn ahkan Abraham ang bowotoh tuh, ‘‘Nguha ihko, Pohotala ahkan mborehkat paring ukup kolunon, ang isun tana.’’

GALATIA 4:13

Ihkam puna magun ingat inon ijo kotuluioh ahku ang pahtukoh mborihta Kabar Hinut rih ahkan'kam. Kotuluioh, iorih, tului ahku buah koporos.

1 TESALONIKA 1:5

Kotului ihkai monyiar Kabar Hinut ahkan'kam, eam hapan tuhtui-tuhtui iou, tahpi ka'a umba kowasa tutang umba Roh Pohotala. Tutang ihkai yahkin sino ahkan komorong tahkan Kabar Hinut rih. Ihkam ta'an koloukuwoh ihkai bolum ahkan kogunan'kam, kotihka ihkai anai ang tohun-tohun ihkam.

1 TESALONIKA 2:13

Anai hino ihco hal bohkon, ijo napa ihkai toturus norimakasih ahkan Pohotala. Hal rih iorih, ijo ang ohkot ihkai monyapai borihta tahkan Pohotala ahkan'kam, ihkam ngonih tutang norima borihta rih, eam kolou borihta tahkan ulun, tahpi kolou borihta ijo moro-morong tahkan Pohotala. Iorih ijo rahat bogawi a'ang arop'kam ijo porocaya umba Kristus.

1 TIMOTEUS 4:8

Molatih behti honjiot iou gunaioh, tahpi bolatih ahkan homboruan aro gunai a'ang karo hal, kotului bosuang bowot ahkan pombolum aang uhuntuh tutang uhun ijo ahkan lombut.

IBRANI 11:6

Earo porocaya, eam ihcobehti ka duon ngojorih ahtoi Pohotala. Bain ulun ijo lombut nokuh Pohotala harus porocaya ijo Pohotala tohko, tutang ijo Pohotala nonga balos ahkan ulun ijo ngurah-Oh.

IBRANI 3:12

Konduang-konduang bua-buah, ara nyiring anai ang louk'kam ihcobehti ijo ahtoioh kolorih koja'at, tutang eam porocaya, nyiring io ngulos tutang ngomahcu Pohotala ijo bolum!

IBRANI 4:6

Jadi iro ijo pahtu-pahtuk-Oh ngonih borihta tohou Kabar Hinut rih, eam norima tondobo'o rih, kotului iro eam porocaya. Amat kolouorih jadi tarang, ijo anai ulun-ulun bohkon, ijo tou norima kotondobo'o rih.

YAKOBUS 1:21

Tului rih, dianrih nyinong kopahtuh ijo kojilok tutang ja'at. Torimarih umba randah ahtoi auh ijo tonombolam bain Pohotala ang luwang ahtoi'mu, kotului auh rih anaingina koba'as ahkan nyolamat ihkam.

1 PETRUS 1:12

Ahkan nabi-nabi rih Pohotala momborihta, ijo inon ijo iro nguai eam ahkan gunan iro, molekan bagi'mu; yotuh hal-hal ijo uhuntuh, tuh ihkam ngonih honong korinah, tahkan dolang pomborihta Kabar Hinut tohou Yesus Kristus. Iro monyiar hal-hal rih bagi'mu umba kowasa Roh Pohotala ijo tongirim-Oh tahkan soruga. Mahihino molehkat-molehkat ka jolik ka'a ngota'an kabar ijo iro nyiaroh rih.