IBRANI 4:12 - BOWOT BOHUA

¹² Auh Pohotala anairih auh ijo bolum tutang ba'as; labih bonyihi tahkan padang bonyihi hososila. Auh rih nusuk nyiring nokuh tihkas holat homboruan tutang roh; johcok nokuh tihkas holat sambung-sambung tutang tulang utok, nyiring ngota'an kotimbon-timbonoh tiruk tutang niat ahtoi kolunon.

IBRANI 4:12 ပူးပေါင်းရင်းမြစ်များ

LUKAS 8:11

‘‘Tuhrih rimai porobasa rih: Bonyi rih iorih auh Pohotala.

YOHANES 12:48

Ulun ijo nulak Ahku tutang eam ngonih auh-Ku, jari anairih ijo mosaraoh. Auh ijo Ahku nyiaroh, orihrih ijo ahkan mosaraoh ang Ondou Kiamat.

YOHANES 6:51

Ahkurih luhte ijo nosuluh tahkan soruga – luhte ijo nonga pombolum. Ulun ijo kuman luhte tuh ahkan bolum kototahiuoh. Luhte ijo ahkan Ahku nongaoh, ahkan pombolum ulun ang kolunon, anai rih usi-Ku.’’

KESAH RASUL-RASUL 2:37

Kotihka ulun-ulun rih ngonih hal orih, ahtoi'ndo paham bolisah. Turus iro ngisok umba Petrus tutang rasul-rasul ijo bohkon. ‘‘Konduang-konduang, ihkai harus nguan inon?’’

KESAH RASUL-RASUL 4:31

Ulijadi iro tondo bodo'a, unuk iro mohcon rih tonyuhkuh iro paringoh konowasa bain Roh Pohotala tutang nopara nuhtui homboh bohanyi tu'u mborihta tohou Kabar Hinut tahkan Pohotala.

KESAH RASUL-RASUL 5:33

Kotihka okon-okon Majelis Agama ngonih auh orih, iro sangit samasino tutang iro hopahkat ahkan munu rasul-rasul rih.

KESAH RASUL-RASUL 7:38

Musehrih ijo ang tohun uhtus Israel ang padang bolambah monjadi poholat ahkan molehkat ijo pander umba io ang Puruk Sinai, umba tahtu ajuh ihto. Iorih ijo norima tahkan Pohotala kabar ijo bolum, ahkan tonosiar ahkan ihto.

RUMA 1:16

Ahku porocaya samasino ahkan Kabar Hinut rih, tului kabar rih anairih kowasan Pohotala ahkan monyolamat paring ulun ijo porocaya; pahtuk pahtukoh ulun Yahudi, tutang uhtus bohkon ka'a.

1 KORINTUS 1:24

Tahpi bagi ulun-ulun ijo jari tona'ah bain Pohotala – pios io ulun Yahudi, kanika ulun bohkon Yahudi – borihta rih kolou caraoh Pohotala ngorinah kowasa tutang kopihtar-Oh.

2 KORINTUS 2:17

Ihkai eam kolou aro ulun mohapan borihta tahkan Pohotala monjadi ramun dagang iou. Tihtun-tihtun ihkai anai borasih, tului ihkai tonyuhu bain Pohotala. Tutang Pohotala bongoi nopahjah, ijo ihkai monyiaroh borihta orih, kolou pohalu-pohalu Kristus.

2 KORINTUS 4:2

Ihkai eam hapa cara-cara kopindong ijo ngomia. Ihkai eam kani bogawi honong lihcik, ata'ai ngobulak-balik tihtunauh Pohotala. Ihkai mohalu Pohotala umba ahtoi ijo borasih numbun kohondak-Oh. Tului orih, ihkai harapoh paring ulun monilai ihkai honong pios ang luwang ahtoi buaoh.

EPESUS 5:13

Paring angihco ijo tonyingah luwang koloang, ahkan tonopahjah honong korinah.

EPESUS 5:26

Kristus nguanohrih, mangat Io duon moporasih ukup rih, umba ajar-Oh tutang nguha danum popondus, mangat pongohuli Io dahpot monyarah-Oh ahkan Pohotala.

EPESUS 6:17

Ominrih kosolamatan orih monjadi koluhkup baja, tutang tuhtui Pohotala kolou padang tahkan Roh Pohotala.

1 TESALONIKA 2:13

Anai hino ihco hal bohkon, ijo napa ihkai toturus norimakasih ahkan Pohotala. Hal rih iorih, ijo ang ohkot ihkai monyapai borihta tahkan Pohotala ahkan'kam, ihkam ngonih tutang norima borihta rih, eam kolou borihta tahkan ulun, tahpi kolou borihta ijo moro-morong tahkan Pohotala. Iorih ijo rahat bogawi a'ang arop'kam ijo porocaya umba Kristus.

1 TESALONIKA 5:23

Keleh Pohotala bongoi ijo nonga ahkan ihto kosanang, ngonjorian ihkam ulun ijo tu'u-tu'u bolum khusus ahkan Pohotala. Keleh Pohotala monjaga arop'kam poringoh, pios roh, homboruan, oluka behtin'kam, nyiring eam anai cahcatoh ang ohkot Tuhan ihto Yesus Kristus lombut hoduli.

IBRANI 13:7

Ara nolingou umba okon-okon'kam ijo monyorihta pohtoh Pohotala ahkan'kam. Nohtoani rih koloukuwoh iro bolum, tutang koloukuwoh iro mahtoi, tutang nyuturih koporocaya iro.

IBRANI 6:5

Iro kota'an tahkan pongalaman iro, ijo auh Pohotala rih hinut, iro jari nginyam pononga-pononga ijo tuwi kowasa tahkan jaman ijo ahkan lombut.

YAKOBUS 1:18

Ngosan konohuang-Oh bongoi, Io ngojorian ihto anak-anak-Oh nguha auh-Oh ijo morong. Io monguanohrih, mangat ihto ngondahpot unuk ijo mbahtang ang louk paring angbolum ijo tona'oi-Oh.

1 PETRUS 1:23

Kotului nguha auh Pohotala ijo bolum tutang ijo abadi ihkam ius tonojadioh kolunon bohua, ijo eamoh konanak tahkan kolunon, molekan tahkan Amai ijo abadi.

PONGORINAH 1:16

Longoi kotuui-Oh nambit pihtu potion, tutang tahkan nyamai-Oh soluka 'cokobilap padang bonyihi ijo konyihi hososila. Baui-Oh ngorolondang kolou mahtanondou nohtang ang tohun ondou koloang.

PONGORINAH 19:15

Tahkan nyamai-Oh soluka 'cokobilap padang ijo bonyihi, tutang umba padang orih, Io ahkan pokalahoh uhtus-uhtus, tutang Io ahkan moretah iro, umba sukah bosi. Io ahkan mohapit anggur, ang luwang pokahkas pohapit anggur kosangit Pohotala Ijo Mahakowasa.

PONGORINAH 19:21

Tutang kawan kolahi, iro tomunu umba padang ijo soluka tahkan nyaman ponunggang kuda puhti rih. Mahka bulung-bulung ka lombut tutang kuman honong lingih usin iro ijo tomunu orih.

PONGORINAH 2:16

Tului orih hubah tahkan dusa-dusan'mu! Amat eam, honjulu hino Ahku ahkan lombut nokuh ihkam tutang ngolahi ulun-ulun rih umba padang ijo anai ang nyamak-Ku.

PONGORINAH 2:23

Dolang muridoh ahkan Ahku munu ka'a mangat paring ukup borondong ijo Ahku rih Io ijo nosot tiruk tutang ahtoi kolunon. Ihkam ahkan Ahku malos numbun gawin ihkam nyino-nyinong.

PONGORINAH 20:4

Turus ahku nohto pododusan-pododusan, tutang ulun-ulun ijo tuot, ang pododusan-pododusan rih tononga kowasa ahkan mutusoh mohukum. Ahku nohto ka'a homboruan-homboruan, ulun-ulun ijo jari tonohtok kuhungoh tului iro nonga kosaksian tohou Yesus, tutang mborihta pohtoh Pohotala. Ulun-ulun rih eam nyembah ohcin, ata'ai ka kopahtungoh. Iroka eam pu'u norima tanda ohcin rih, aang likou ata'ai aang longon iro. Mahka iro bolum hoduli, tutang moretah kolou lahca homboh Kristus kotahin sokujan toun.