IBRANI 4:11 - BOWOT BOHUA

¹¹ Kotului orih, olairih ihto bousaha tu'u-tu'u ahkan norima nondobo'o ijo nobowot Pohotala rih. Ara nyiring ihcobehti ka tahkan ihto gagal kolou iro lomoi, kotului eam porocaya ahkan Pohotala.

IBRANI 4:11 ပူးပေါင်းရင်းမြစ်များ

MATEUS 11:12

Tahkan Yohanes monyiar borihtaoh johcok ang uhuntuh, ukup ain Pohotala tongolawan bain ulun-ulun ijo bousaha nguwasaoh hapan kokaras.

MATEUS 7:13

“Nyolong nguha bauntukang ijo sihki, tului bauntukang tutang jalan ijo nitu nokuh norahka hajo tutang lumbah, tutang aro ulun ijo nitoioh.

LUKAS 13:24

‘‘Bousaharih ahkan nyolong nyuru bauntukang ijo sihki. Tului, ingat! Aro ulun ngurah jalan nyolong, tahpi eam tou.

LUKAS 16:16

Hukum ijo tononga bain Museh tutang ajaran nabi-nabi tahtap nyolung johcok aang uhun Yohanes Popondus. Tahkan ohkot orih Kabar Hinut tohou koloukuwoh Pohotala moretah kolou Lahca borihtaoh toturusoh. Tutang ulun maksa aropoh ahkan monjadi anak ukup ain Pohotala.

YOHANES 6:27

Ara bogawi mangat dahpot ukun ijo tou opah tutang maram. Bogawirih mangat ngondahpot ukun ijo eam tou maram tutang ijo nonga pombolum sojahti tutang kototahiu. Ukun rih ahkan tononga bain Anak Ulun ahkan'kam, tului Io jari tonotuot bain Pohotala Amai.’’

KESAH RASUL-RASUL 26:19

‘‘Tului orih, Baginda Agripa, ahku turus tehtep te'et umba ponopahjah ijo ius ahku norima tahkan Pohotala rih.

EPESUS 2:2

Ang ohkot rih ihkam nutut tobiat-tobiat kolunon tuh; rimai ihkam te'et umba kowasa ang pinda langit, iorih roh ijo huntuh mongowasa ahtoi, ulun-ulun ijo eam te'et umba Pohotala.

EPESUS 5:6

Ara ihkam tonihpu bain pander-pander ijo buang. Kobain hal-hal atuh, ijo polombut kosangit Pohotala, toharep ulun-ulun ijo eam te'et umba Io.

PILIPI 2:12

Tului orih, Konduang-konduang ijo tonokasih, kolouumoh ihkam toturus te'et umba ahku, aang ohkot ahku anai ang louk ihkam, mahka labi-labih huntuh ang ohkot hokomahcu, hondakrih ihkam tahtap te'et umba ahku. Ihkam ius tonyolamat bain Pohotala, jadi ngurahjalan turus mangat kosanang'kam monjadi soporuna. Nguan ang orih rih honong horomat tutang ponumbun ahkan Pohotala,

KOLOSE 3:6

Hal-hal somahcam orihrih ijo mopolombut kosangit Pohotala toharep ulun-ulun ijo eam mone'etoh.

TITUS 1:16

Iro nuhtui ijo iro kosono Pohotala, padahar gawin iro ngobeleoh. Iro ngojilokoh, tutang iro eam kani te'et; iro anairih ulun-ulun ijo eam dahpot nguan ang'co ijo hinut.

TITUS 3:3

Kotului soun ihto bongon ka'a uong, lahcat tutang eam te'et. Ihto tohojihpon bain mahca-mahcam bolaiusi tutang kojolik; ihto bolum umba niat-niat ja'at, tutang hiri ahtoi, hawui saling hokosingi.

IBRANI 3:12

Konduang-konduang bua-buah, ara nyiring anai ang louk'kam ihcobehti ijo ahtoioh kolorih koja'at, tutang eam porocaya, nyiring io ngulos tutang ngomahcu Pohotala ijo bolum!

IBRANI 3:18

Kotihka Pohotala nulut koloutuh, ‘‘Iro eam ahkan nyolong ahkan tana rih ahkan dahpot nondobo'a homboh Ahku’’ – iai hino ijo konohuangoh bain Pohotala? Ijo konohuangoh yorih ulun-ulun ijo mborontak toharep Pohotala, kowa?

IBRANI 4:6

Jadi iro ijo pahtu-pahtuk-Oh ngonih borihta tohou Kabar Hinut rih, eam norima tondobo'o rih, kotului iro eam porocaya. Amat kolouorih jadi tarang, ijo anai ulun-ulun bohkon, ijo tou norima kotondobo'o rih.

IBRANI 6:11

Ihkai jolik sino, mangat ihkam nyinong-behti turus bosomangat johcok laiu, nyiring ihkam norima inon ijo ihkam moharap-harapoh rih.

2 PETRUS 2:6

Sama ka'a haloh umba lowu Sodom tutang Gomora; Pohotala polumusoh lowu-lowu rih umba baho, mangat monjadi sutu, tohou inon ijo ahkan nyolung, ahkan ulun-ulun ijo ja'at.