IBRANI 2:9 - BOWOT BOHUA

⁹ Tahpi ihto jari nohto Yesus bokowasa! Io tonguan honjiot, labih pinda tahkan molehkat, ahkan ohkot ijo iwak, mangat ngosan kopios ahtoi Pohotala, Io dahpot mahtoi ahkan paring ukup kolunon. Ihto nohto Io uhuntuh, tononga ponuot ijo isung tutang torohoromat, kotului Io jari ngarot nyiring mahtoi.

IBRANI 2:9 ပူးပေါင်းရင်းမြစ်များ

MATEUS 16:28

Kota'anrih! Tahkan louk ihkam ang ohtoi anai ijo eam mahtoi, hounumba nohto Anak Ulun lombut kolou Lahca.”

MATEUS 6:28

Ombai ihkam mihkoh tohou hatin'kam? Notuneng dolak-dolak bahkung ijo bolum ang padang. Dolak-dolak orih eam bogawi tutang eam natanghatiu;

MARKUS 9:1

‘‘Kota'anrih!’’ hion Yesus, ‘‘tahkan louk ihkam ang ohtoi anai ijo eam ahkan mahtoi, sounumba nohto Pohotala moretah honong kowasa!’’

LUKAS 9:27

Ngota'an beweu: tahkan louk ihkam ang ohtoi anai ijo eam ahkan mahtoi, amat jaham io nohto Pohotala moretah.’’

YOHANES 1:29

Anghawun ondouoh Yohanes nohto Yesus lombut ahkaioh. Turus Yohanes nuhtui, ‘‘Nohto, orihrih Anak Tobirin Pohotala ijo ngapit dusan kolunon.

YOHANES 10:17

Amai mongasih Ahku, kotului Ahku nyarah hasong-Ku, mangat norimaoh hoduli.

YOHANES 12:32

Tahpi Ahku tuh, amat Ahku jari tonongahtang ang ngosan tana, Ahku ahkan nguhut paring ulun Ahkak-Ku.’’

YOHANES 3:16

Kotului Pohotala kodorih ngasih ulun ang kolunon tuh, nyiring Io nonga Anak-Oh ijo tukan, mangat nyino-nyinong ulun ijo porocaya umba Io eam binasa, molehkan norima pombolum sojahti tutang kototahiu.

YOHANES 8:51

Kotu'ui morong auh-Ku tuh, ulun ijo numbun auh-Ku kototahiu io eam ahkan mahtoi.’’

YOHANES 8:52

Turus ulun-ulun Yahudi rih, nuhtui umba Yesus, ‘‘Huntuh ihkai ta'an Ihko tu'u-tu'u sonorupang sehtan! Abraham bongoi jari mahtoi, kodorih ka'a paring nabi-nabi. Tahpi Ihko nuhtui, ‘Ulun ijo numbun auh-Ku, kototahiuoh eam ahkan mahtoi.’

KESAH RASUL-RASUL 2:33

Io hogahtang nokuh ponuotoh ijo isung tutang ahkai tononga kowasa bain Pohotala, turus norima Roh Pohotala ijo jari tonobowot bain Amai. Tutang ijo ihkam huntuh, tuh ngonih tutang nohto anairih, Roh rih ijo Io nusuhoh ahkan ihkai.

KESAH RASUL-RASUL 3:13

Pohotala ijo tonyembah bain Abraham, Isaak, Yakub, orih Pohotala tahtu ajuh ihto. Pohotala rih jari mohoromat Jihpoi-Oh iorih Yesus. Yesus orih ijo ihkam nyarah ahkan pihak pongowasa, tutang ihkam nuduh io ang toharep Pilatus, aang ohkot Pilatus kani moliwus Io.

RUMA 5:18

Jadi, koloukuwoh kototurung ihco behti ngonjorian sohapus ukup kolunon tonohukum; kodorih ka'a gawin ihco behti ijo nuhtut kohondak Pohotala, mongonjorian paring ulun konoliwus tahkan kosala'an, tutang tononga pombolum.

RUMA 5:8

Tahpi Pohotala ngorinah Asiu-Oh ahkan ihto kotihka Kristus mahtoi ahkan ihto, aang ohkot ihto magun ulun bodusa.

RUMA 8:3

Inon ijo eam duon konuan bain hukum agama, kotului ihto ulun bolomu, orih jari konuanoh bain Pohotala. Pohotala ijo mongalah kowasa dusa luwang tobiat ulun, hawui ngirimrih Anak-Oh bongoi, ijo lombut aang koada'ai sama umba kolunon ijo bodusa, ahkan ngudap dusa.

RUMA 8:32

Anak-Oh bongoi eam tonyayang-Oh, molekan tonosorah-Oh ahkan kogunan ihto paring, lehan Io eam ahkan nonga ahkan ihto paring-aang ijo bohkonoh?

2 KORINTUS 5:15

Kristus mahtoi ahkan paring ulun, mangat paring ulun ijo bolum, eam hino bolum ahkai bongoi, molekan ahkan Kristus ijo jari mahtoi tutang tonombolum hoduli demi kogunan iro.

2 KORINTUS 5:21

Kristus eam bodusa, tahpi Pohotala nguan Io ngohtun dusan ihto, mangat ihto hokopios hoduli umba Pohotala, tului hihco umba Kristus.

GALATIA 4:4

Tahpi ang ohkotoh ijo kona, Pohotala nyuhu Anak-Oh nokuh kolunon. Anak-Oh rih tonganak bain ihcobehti bawi, tutang bolum ang pinda kowasan hukum agama.

1 TIMOTEUS 2:6

Io ihcobehti kolunon, ijo jari monyarah arop-Oh ahkan momordehka paring ulun, tahkan kahut dusa-dusan iro. Umba orih Pohotala ngorinah aang ohkot ijo metuk, ijo Io jolik mangat paring ulun tonyolamatrih.

IBRANI 1:9

Ihko jolik ahkan koadilan, tutang bosingi umba ijocurang. Orihrih kotuluioh Pohotala, Pohotalan-Mu, ngopili Ihko tutang nonga ahkan-Mu kohoromatan ijo mopolombut jorihjirah molowi injah-injah-Mu.’’

IBRANI 10:5

Orihrih kotuluioh ang ohkot Kristus nyolong nokuh kolunon, Io nuhtui umba Pohotala, ‘‘Ihko eam nohuang porahpah tutang ponyorahan; sombalikoh, Ihko jari monyodia behti bagi-Ku.

IBRANI 11:5

Kotului porocaya, mahka Henoh eam mahtoi, molekan tongahtang tutang tonomin ahkan Pohotala. Eam ihcobehti ka duon nyombang io, tului io jari tongahtang bain Pohotala. Luwang Surat Borasih tonyurat, ijo sounumba Henoh tongahtang io ngojorih ahtoi Pohotala.

IBRANI 12:2

Hondakrih topahjah ihto nitu umba Yesus, bain Io ijo mbolum porocayan ihto tutang mohaga tahkan pahtuk nyiring laiu. Yesus tahan ngarot, ang kahju sopolahki! Io eam poduli ijo mahtoi, ang kahju sopolahki rih anairih angihco hal ijo ngomia. Io tihkas ingat ahkan kojorih ijo ahkan tonginyam-Oh pongohuli. Huntuh Io tuot ang sila kotuon pododusan Pohotala tutang moretah hihco umba Io.

IBRANI 2:7

Ahkan ohkot ijo honjiot ihko ngojorian Io honjiot labih pinda tahkanumba molehkat. Ihko nongaoh ahkaioh, ponuot ijo isung tutang tonohoromat,

IBRANI 7:25

Bain kotului rih ahkan turus-jahamoh, Yesus dahpot nyolamat, ulun-ulun ijo lombut, nokuh Pohotala nguha Io, kotului Io bolum turus-jahamoh, ahkan monyapai sawot ahkan Pohotala, bagi ulun-ulun rih.

IBRANI 8:3

Nyinong imam hajo tonuot ahkan nyorah porahpah ata'ai ponyorahan ahkan Pohotala. Kolourih ka'a Imam Hajo ihto; Io harus tepun angihco ahkan tonosorahoh.

1 PETRUS 1:21

Nguha Iorih ihkam porocaya ahkan Pohotala, ijo jari ngombolum Io hoduli tahkan popahtoi, tutang mopohajooh. Jadi, Pohotalarih ijo ihkam porocayaoh tutang ahkan Pohotalarih ka'a ihkam ngina koharapan.

1 YOHANES 2:2

Honong poholat Yesus Kristus orih rih, dusa-dusan ihto tonapunoh. Tutang eamoh dusa-dusan ihto iou, molekan dusan paring ukup kolunon ka'a.

PONGORINAH 19:12

Mahta-Oh kolou konyelak baho, tutang ang kuhung-Oh Io hapa aro ahkur. Ang behtiu-Oh tosurat ihco aran, tutang tihkas Io bongoi ijo ngota'an aran rih.

PONGORINAH 5:9

Iro monyanyi ihco lagu ijo bohua: ‘‘Ihko pahtut ngomin surat rih tutang musit segel-segeloh. Tului Ihko jari tomunu, tutang honong popahtoi-Mu, ulun tahkan kokaro lihting, bohasa, nogara tutang uhtus jari tonomoli bain'mu ahkan Pohotala.