IBRANI 2:8 - BOWOT BOHUA

⁸ honong ngojorian io pongowasa isun kokaro angihco.’’ Nah, amat tonuhtui ijo Pohotala nguan kolunon, ‘‘pongowasa isun kokaro angihco,’’ orih rimai, ijo eam anai angihco ka, ijo eam ang pinda kuwasan kolunon. Oluka kodorih, ihto eam nohto huntuh ulun bokowasa ngosan karo angihco.

IBRANI 2:8 ပူးပေါင်းရင်းမြစ်များ

MATEUS 28:18

Yesus ngondoni iro tutang nuhtui, “Paring kowasa ang soruga tutang ang ngosan tana jari tonyorah ahkak-Ku.

YOHANES 13:3

Yesus ta'an ijo Amai jari nonga paring kowasa ahkai-Oh. Io ta'an ka'a ijo Io lombut tahkan Pohotala tutang ahkan buli nokuh Pohotala.

YOHANES 3:35

Amai sita Anak-Oh, tutang jari nyarah paring ahkai kowasa-Oh.

1 KORINTUS 15:27

Aang Surat Borasih tonyurat koloutuh, ‘‘Pohotala jari nguan kokaron, angihco ngominda ahkai-Oh.’’ Botarang ijo, 'jo konohuang umba, ‘‘kokaron aang'co,’’ rih eam taput Pohotala bongoi, ijo nguan paring angihco rih, ngominda ahkan Kristus.

IBRANI 1:13

Pohotala eam pu'u nuhtui koloutuh ahkan ihcobehti molehkat ka, ‘‘Tuotrih angsila kotouk-Ku nyiring musuh-musuh'mu Ahku ngominda umba ihko.’’

IBRANI 1:2

Tahpi ang jaman laiou tuh, Io nuhtui umba ihto nguha Anak-Oh. Nguha Anak-Oh Pohotala naoi aangpindalangit tuh. Tutang Pohotala ius nahtap ijo Anak-Oh tuhrih ka'a ijo bohak tepun kokaro aangihco.

IBRANI 2:5

Molehkat-molehkat eam dahpot kowasa tahkan Pohotala ahkan moretah kolunon bohua ijo ahkan lombut, yorih kolunon ijo rahat ihto manderoh tuh.

1 PETRUS 3:22

tutang jari nuhkat nokuh soruga. Huntuh Io bokowasa hihco umba Pohotala, tutang moretah paring molehkat, paring pongowasa honong paring koba'as.

PONGORINAH 1:18

Ahku rih Io ijo bolum! Ahku jari matoi, tahpi topahjahrih, Ahku bolum ahkan turus-jahamoh. Ahku bokowasa ngosan popahtoi, tutang ngosan kolunon ulun mahtoi.

PONGORINAH 1:5

tutang tahkan Yesus Kristus, saksi ijo bokehtep. Io ijo sula-sulak tonombolum hoduli tahkan popahtoi, tutang Io rih pongowasa ngosan lahca-lahcan kolunon. Yesus mongasi ihto, tutang umba popahtoi Io momordehka ihto tahkan dusa-dusan ihto,