IBRANI 13:9 - BOWOT BOHUA

⁹ Ara mohonau kokaro mahcam ajaran ijo helan-helan monyosat ihkam. Ahtoi ihto harus tonomba'as bain kohinut ahtoi Pohotala, orihrih ijo pios; ara bain poroturan-poroturan tohou ukun. Ulun-ulun ijo lomoi monte'et poroturan-poroturan rih eam ngondahpot paedahoh.

IBRANI 13:9 ပူးပေါင်းရင်းမြစ်များ

MATEUS 24:24

Bain ahkan lombut ponyolamat pobula tutang nabi-nabi pobula. Iro ahkan nguan gawi-gawiu ijo luar biasa, tutang tandahelan-tandahelan ahkan mobula, amat touduon, taput uhkup ain Pohotala ka'a.

MATEUS 24:4

Yesus mutah, “Bua-buah, ara nyiring ihkam buah kobalik.

LUKAS 5:38

Anggur ijo bohua harus nyuang ang tolehkung ijo bohua.

KESAH RASUL-RASUL 20:30

Malah tahkan louk Konduang-konduang bongon ka, ahkan lombut ulun-ulun ijo ahkan monyiar borihta ijo eam morong. Iro nguan kodorih ahkan ulun-ulun ijo jari porocaya umba Tuhan Yesus Kristus monjadi lacat tutang nutut iro.

KESAH RASUL-RASUL 20:32

Huntuh ahku nyarah ihkam ahkan Pohotala mangat Io ijo monjaga ihkam, tutang mangat ihkam nambit aang kabar pononganasi Pohotala. Pohotala tepun kowasa ahkan ngomba'asoh ihkam, tutang nonga ahkan'mu borehkat-borehkat ijo jari tonahtap-Oh ahkan paring ukup Aiu.

RUMA 14:17

Tului amat Pohotala momoretah pombolum ihcobehti, inon ijo io tou kumai ata'ai ngorihoh, eam hino boguna. Ijo boguna io rih ijo ulun rih numbun konohuang Pohotala, nanyam koteneng ahtoi tutang norima kojorih ijo tonongarih bain Roh Pohotala.

RUMA 14:2

Anai ulun ijo ngohu ijo io tou kuman inon ka'a. Tahpi anai ulun ijo bolomu koyahkinanoh; io nanyam ijo io tihkas tou kuman ramunumo iou.

RUMA 14:6

Ulun ijo monguna ondou-ondou ijo botatu, ulun rih nguan kodorih, ahkan mohoromat Tuhan. Ulun ijo kuman boranga-rangaioh, nguan kodorih ahkan mohoromat Tuhan, kotului io norimakasih ahkan Pohotala ngosan ukun rih. Kodorih ka'a umba ulun ijo kuman tihkas ukun botatu iou; ulun rih ka'a mohoromat Tuhan tutang norimakasih ahkan Pohotala.

1 KORINTUS 6:13

Anai ka'a ijo nuhtui, ijo ukun anairih ahkan kono'i tutang kono'i tonahtap ahkan ukun. Tahpi koduo-duooh ahkan todian kobain Pohotala. Behtin ulun eam tou tohapa ahkan nguan ijo kihal, tahpi tihkas hapa mohalu Tuhan. Tutang Tuhan ahkan mohaga behti rih.

1 KORINTUS 8:8

Kotu'ui ukun bongon eam nguan kohihco ihto umba Pohotala monjadi labih rapat. Amat ihto kuman ukun rih, ihto eam duon utung ino-inon. Tobalikoh amat ihto eam kumai ukun rih, ihto ka eam rugi ino-inon.

2 KORINTUS 1:21

Pohotala bongoi ijo nguan ihkai, tutang Konduang segah hihco umba Kristus: Iorih ka'a ijo mitih ihto khusus ahkan arop-Oh.

GALATIA 6:1

Konduang-konduang! Amat ihcobehti sombang nguan ihco dusa, hondakoh ihkam ijo bolum numbun Roh Pohotala, niting ulun rih buli nitoi jalan ijo morong. Tahpi ihkam harus nguan orih umba bolomu lembaiahtoi, tutang bojaga a'ai nyiring ihkam bongom taputtonihkos ka'a.

EPESUS 4:14

Mahka ihto eam monjadi anak-inyam hino ijo kuhtang-kitui tutang hanyu-hanyut konomin ko-anan-ko-ohtoi bain rohusan mahca-mahcam ajar tahkan ulun-ulun ijo lihcik. Iro nyosat ulun umba tihpu muslihat iro.

EPESUS 5:6

Ara ihkam tonihpu bain pander-pander ijo buang. Kobain hal-hal atuh, ijo polombut kosangit Pohotala, toharep ulun-ulun ijo eam te'et umba Io.

KOLOSE 2:4

Ahku monyorihtaoh tuh, mangat ihkam a'ai tonihpu bain iaika ka'a ijo baui manih ahkan'kam.

2 TESALONIKA 2:2

A'ai jele-jeleng bingung, ata'ai golisah kotului anai borihta ijo jari johcok ondou-Oh Tuhan Yesus lombut hoduli. Punatou borihta rih pahtukoh tahkan ihco tujum; ata'ai tahkan ihco ajaran; ata'ai toujadi anai ijo nuhtui ijo ihkai pu'u nyurat ijo kodorih ang luwang ihco surat 'kai.

1 TIMOTEUS 6:20

Inon ijo jari tomorocaya ahkan'mu, ngina orih pio-pios. Timoteus! Ngomahcu pander-sorihta ijo eam bogunaioh tutang soal-jawab tohou hal-hal ijo cara koliru, konohawot ‘‘Pongotaan’’.

1 YOHANES 4:1

Konduang-konduang ijo tonyita! Ararih porocaya ahkan paring ulun ijo mongahku arop anaingina Roh, Pohotala, tahpi ngujirih houn iro, ahkan mongota'an, inonrih roh ijo anai aang iro rih asar tahkan Pohotala ata'ai eam. Bain aro nabi polasu jari bokumbang nokuh umo-umoh.

YUDAS 1:12

Aang ohkot ihkam napa pesta ukun, hadat ulun-ulun rih mombusou ang marak ihkam. Tului iro kuman hawui kobongo eam aro mia-mia, tutang tihkas kogunan aropoh bongoi. Iro kolou baunondou ijo tonahpi bain bahiu, tahpi eam mosuluh uhjan. Iro ka'a kolou pu'un ijo eam mohasil bua, oluka musim bua-mamua, pu'un-pu'un ijo jari tojawut uhatoh tutang jari mahtoi samasino.

YUDAS 1:3

Konduang-konduang ijo tonongasih! Ahku tu'u-tu'u bokohondak ngirim surat ahkan'kam, tohou solamat ijo ihto hombo-homboh jari nginyamoh. Tahpi huntuh ahku anyamoh tojuhung ahkan mopingat ihkam umba surat tuh, mangat ihkam turus ngolahi ahkan koporocaya ijo jari sino tikat tononga Pohotala ahkan turus-jahamoh ahkan ukup-Oh.