IBRANI 13:7 - BOWOT BOHUA

⁷ Ara nolingou umba okon-okon'kam ijo monyorihta pohtoh Pohotala ahkan'kam. Nohtoani rih koloukuwoh iro bolum, tutang koloukuwoh iro mahtoi, tutang nyuturih koporocaya iro.

IBRANI 13:7 ပူးပေါင်းရင်းမြစ်များ

MATEUS 24:45

Hion Yesus hino, “Amat kolourih pohalu ijo umoh rih ijo bokehtep tutang piosbosaraoh? Io rih ijo tongopili bain tuanoh monjadi okon pohalu-pohalu bohkon, mangatoh nonga iro ukun ang ohkotoh.

LUKAS 12:42

Tuhan mutah, ‘‘Iai pohalu ijo te'et tutang pihtar, nyiring potuot bain tuanoh monjadi kopala, ngosan karon-pohalu bohkon ahkan io nonga iro ukun ang ohkotoh?

LUKAS 5:1

Aang ihco ohkot, Yesus tombok ang saran Danou Genesaret. Aro ulun hokosihki-kupuroh ahkan ngonih borihta tahkan Pohotala.

LUKAS 8:11

‘‘Tuhrih rimai porobasa rih: Bonyi rih iorih auh Pohotala.

KESAH RASUL-RASUL 13:46

Tahpi hawui labih bohanyi Paulus doro Barnabas pander torus-tarang. Iro nuhtui, ‘‘Auh Pohotala puna harus tonyapai ahkan ihkam houn. Tahpi tului ihkam eam kani norimaoh, ihkam jari nuhkasoh bongom, ijo ihkam eam pahtut norima pombolum sojahti tutang kototahiu. Tutang huntuh ihkai nohtah ihkam, tutang tulak nokuh uhtus bohkon.

KESAH RASUL-RASUL 14:23

Tutang ang nyino-nyinong ukup, Paulus tutang Barnabas potuot okon-okon ang ukup-ukup rih. Turus hawui bodo'a tutang puasa iro nyarah okon-okon rih ahkan Tuhan ijo iro morocayaoh rih.

KESAH RASUL-RASUL 4:31

Ulijadi iro tondo bodo'a, unuk iro mohcon rih tonyuhkuh iro paringoh konowasa bain Roh Pohotala tutang nopara nuhtui homboh bohanyi tu'u mborihta tohou Kabar Hinut tahkan Pohotala.

RUMA 10:17

Orih kotuluioh ulun-ulun monjadi porocaya, tului iro ngonih borihta, tutang borihta rih konahan, tului anai ulun ijo mborihtaoh tohou Kristus.

1 KORINTUS 10:13

Nyinong tihkos ijo Konduang nyuruoh, jorih tihkos ijo kobahutoh tonyuru ulun. Tahpi Pohotala bokehtep aang bowot-Oh. Io eam ahkan mohonou Konduang tonihkos molowi tahkan kosanggup ihkam. Aang ohkot Konduang nopahas bain tihkos, Io ahkan nonga jalan ahkan'kam, ahkan nyolung ba'as mangat Konduang dahpot botahan.

1 KORINTUS 11:1

Nutut sutu ang ahku, kolou ahku ka nutut sutu ang Kristus.

1 KORINTUS 4:16

Kotului orih ahku nyawot honong paham mangat ihkam, nuhtut sutu ahku.

PILIPI 3:17

Konduang-konduang paring! Numbunrih sutu angahku. Ihkai jari nonga sutu ijo morong, tului rih nohtoanirih pio-pios ulun-ulun ijo nutut sutu ihkai rih.

1 TESALONIKA 1:6

Ihkam nutut sutun ihkai tutang sutun Tuhan. Oluka ihkam paham ngarot, ihkam noharang hawui jorih borihta ijo ihkai mborihtaoh ahkan'kam. Kojorih orih tononga bain Roh Pohotala.

1 TESALONIKA 2:13

Anai hino ihco hal bohkon, ijo napa ihkai toturus norimakasih ahkan Pohotala. Hal rih iorih, ijo ang ohkot ihkai monyapai borihta tahkan Pohotala ahkan'kam, ihkam ngonih tutang norima borihta rih, eam kolou borihta tahkan ulun, tahpi kolou borihta ijo moro-morong tahkan Pohotala. Iorih ijo rahat bogawi a'ang arop'kam ijo porocaya umba Kristus.

2 TESALONIKA 3:7

Ihkam bongom kota'an, ijo ihkam harus numbun sutun ihkai. Ihkai eam noka-nokas, kotihka ihkai anai ang louk ihkam.

2 TESALONIKA 3:9

Ihkai nguan orih, eam tului ihkai earo bohak monutut mangat ihkam dohop ihkai. Tahpi kotului ihkai kani monjadi sutu bagi'kam.

1 TIMOTEUS 3:5

Tului amat ulun eam tou ngahtur lohpou awuoh bongoi koloukuwohrih io tou ngahtur ukup Pohotala?

IBRANI 13:17

Umba rih poretah okon-okon, tutang tunduk umba iro. Kotului iro toturus nohtoani homboruan'kam, tutang iro pahtut nanggung-jawab ahkan Pohotala. Amat ihkam te'et ahkan iro, iro dapot bogawi honong sanang ahtoi; amat eam, mahka iro ahkan bogawi umba poros ahtoi, tutang orih eam nongautung ahkan ihkam.

IBRANI 13:24

Nyiarohrih tahben ihkai ahkan paring okon'kam tutang ahkan paring ukup Pohotala. Torima ka'a tabe tahkan konduang-konduang ang Italia.

IBRANI 6:12

Ihkai eam kani, ihkam monjadi nohkas. Tahpi ihkai jolik, mangat ihkam bolum kolou ulun-ulun, ijo norima inon ijo nobowot Pohotala, tului porocaya umba Io, tutang tului ngindoi honong kosabar.

1 PETRUS 4:11

Ulun ijo monyiar borihta, harusrih monyiar borihta tahkan Pohotala, ulun ijo mohalu ulun bohkon, harusrih mohalu umba koba'as ijo tahkan Pohotala, mangat a'ang kokaro hal, Pohotala dahpot ponohajo nguha Yesus Kristus. Iorih ijo bokowasa tutang harus ponohajo ahkan turus-jahamoh. Amen.

PONGORINAH 1:9

Ahku Yohanes, konduang'mu ijo sonasib umba ihkam a'ang karot, ijo tonyuru nyinong murid Kristus. Ihto tabah angkokarot kolou ukup aiu-Oh. Ahku todian nokuh Pulou Patmos tului ahku monyiar pohtoh tahkan Pohotala, ijo konoba'as bain Yesus nguha kosaksian-Oh.

PONGORINAH 20:4

Turus ahku nohto pododusan-pododusan, tutang ulun-ulun ijo tuot, ang pododusan-pododusan rih tononga kowasa ahkan mutusoh mohukum. Ahku nohto ka'a homboruan-homboruan, ulun-ulun ijo jari tonohtok kuhungoh tului iro nonga kosaksian tohou Yesus, tutang mborihta pohtoh Pohotala. Ulun-ulun rih eam nyembah ohcin, ata'ai ka kopahtungoh. Iroka eam pu'u norima tanda ohcin rih, aang likou ata'ai aang longon iro. Mahka iro bolum hoduli, tutang moretah kolou lahca homboh Kristus kotahin sokujan toun.

PONGORINAH 6:9

Uliorih rih Anak Tobiri rih musit segel ijo kolimo. Mahka ahku nohto ang pinda mesbeh, anai homboruan-homboruan ulun-ulun ijo mahtoi tomunu, bain iro ngondehen pohtoh tahkan Pohotala, nguha kosaksian iro.