IBRANI 13:16 - BOWOT BOHUA

¹⁶ Ara nolingou, nguan ang pios, tutang saling hodohop, tului jituh porahpah-porahpah, ijo ngojorih ahtoi Pohotala.

IBRANI 13:16 ပူးပေါင်းရင်းမြစ်များ

LUKAS 18:22

Ngonih orih, Yesus nuhtui, ‘‘Magun anai ihco hal, ijo harus ihko nguaioh: Modagangrih paring ramun'kam, nongarih duitoh ahkan ulun porosbolum, tutang ihko ahkan duon ponahtou ang soruga. Uliorih lombut ngahasu Ahku.’’

KESAH RASUL-RASUL 10:38

Ihkam ngota'an ijo Pohotala jari mitih Yesus ulun Nasaret rih tutang nonga ahkai-Oh roh Pohotala tutang kowasa, Ihkam kota'an ka'a ijo Yesus rih, tulak nokuh umo-umoh ahkan nguan ijo hinut; Io ngopiosoh paring ulun ijo tongowasa sehtan, tului Pohotala jari homboh Io.

KESAH RASUL-RASUL 9:36

Ang Yope anai ihcobehti ulunbawi bogare Tabita. Io ihcobehti ulun ijo porocaya umba Tuhan Yesus. (Araioh aang bahasa Yunani, iorih Dorkas, ijo rimaioh uhcang.) Io toturus ih nguan hal-hal ijo pios, tutang ndohop ulun porosbolum.

RUMA 12:13

Hodohoprih nyukupoh kotahpas ulun-ulun Kristen bohkon tutang nyambangrih Konduang-konduang 'cokoharap ijo eam Konduang ngosonooh, honong sanang ahtoi ang luwang lohpou'kam.

GALATIA 6:10

Jadi, kotahin anai kosapet bagi ihto, hondakrih ihto nguan ang pios ahkan paring ulun, mombahtang sino ahkan konduang-konduang ihto ijo hihco koporocaya.

GALATIA 6:6

Ulun ijo norima ajar Kristus, hondakoh hobagi umba guruoh, paring ijo pios, ijo jari anai aang io.

EPESUS 4:28

Ulun ijo biasa nahkou harus tondo nahkou. Sobalik io harus bogawi mangat ngonduon bolanjaoh honong bujur tutang duon dohop ulun ijo bokotahpas.

PILIPI 4:14

Tahpi ihkam jari dohop ahku ang luwang kosusah'ku tutang inon ijo ihkam nguai rih puna pios.

PILIPI 4:18

Ahku jari norima paringoh – malah molowi tahkanmba sukup! Paring pononga ijo ihkam ngirim ahkak'ku, jari ahku torima tahkan Epafroditus. Huntuh ahku anai ngina paring ijo ahku poruluoh. Pononga-pononga tahkan ihkam rih, anairih kolou buanharum ijo tonyorah ahkan Pohotala tutang ijo tonorima bain Pohotala honong sanang ahtoi.

1 TESALONIKA 5:15

Jagarih mangat ara anai ijo malos koja'at umba koja'at. Bousaharih toturus ahkan nguan ang pios, ihcobehti ahkan ijo bohkon tutang ahkan paring ulun.

2 TESALONIKA 3:13

Tahpi ihkam ara peda nguan kopios.

1 TIMOTEUS 6:18

Nyawotrih ahkan iro, mangat nunjuk kopios, ahkan aro nguan hal-hal ijo pios, murah ahtoi, tutang rajin mononga.

PILEMON 1:6

Ahku bodo'a keleh pongonduang ihto, kolou ulun-ulun porocaya, ahkan momua kohorahti, ijo labih hajo, ngosan kokaron borehkat ijo ius ihto nginaoh kotului hihco umba Kristus.

IBRANI 6:10

Pohotala eamoh Pohotala ijo eam adil. Io eam nolingou, inon ijo ihkam nguairih bagi-Oh, tutang asi ijo ihkam nunjukrih ahkai-Oh, angohkot ihkam dohop konduang-konduang samakoporocaya, ijo houn tutang uhuntuh.

3 YOHANES 1:11

Konduang ijo tonokasih ara nyutu inon ijo ja'at. Nyutu iou inon ijo hinut. Ulun ijo nguan kopios anairih ain Pohotala. Tutang ulun ijo nguan koja'at jaha ngosono Pohotala.