IBRANI 13:14 - BOWOT BOHUA

¹⁴ Tului ang tana, eam aro unuk mohcon ijo kototahiu ahkan ihto; ihto ngurah unuk mohcon ijo ahkan lombut.

IBRANI 13:14 ပူးပေါင်းရင်းမြစ်များ

1 KORINTUS 7:29

Titunhuang'ku koloutuh, Konduang-konduang: Ihto eam anai aro ohkot hino. Nopara tahkan huntuh, nyinong ulun ijo jari ngoruh, hondakoh bolum koloujahka io eam ngoruh;

2 KORINTUS 4:17

Tutang kosusah ijo eam sopiraoh tuh, ijo ihkai nyuruoh tihkas pondehan, ahkan momua bagin ihkai ihco kosanang, ijo luar biasa tutang abadi. Kosanang orih mahcu labih hajo amat tonindung umba kosusahan rih bongoi.

EPESUS 2:19

Kobain orih, ihkam eam hino barih ulun bohkonuhtus ata'ai ulun luar. Ihkam huntuh anairih sama-sama uhtus ukup ain Pohotala. Ihkam anairih anak-anak jolahan Pohotala.

PILIPI 3:20

Tahpi ihto anai rih waris kolahcan soruga. Tahkan anan ka'a Lahca Ponyolamat ihto, Tuhan Yesus Kristus, ahkan lombut. Iorih ijo ihto ngindo-ngindoi honong rindu.

IBRANI 10:34

tutang ihkam umba ka'a nginyam poros ahtoi ulun ijo ang sipir. Tutang kotihka paring ijo ihkam tepui tonosuwit, ihkam norima orih honong sanang ahtoi, tului ihkam ta'an, ijo ihkam magun tepun angihco ijo paling hinut, ijo ahkan botahan turus-jahamoh.

IBRANI 12:22

Tombalikoh ihkam jari lombut nokuh Puruk Sion tutang Lowun Pohotala ijo bolum, io rih Yerusalem ijo ang soruga umba bokuhjan-kuhjan molehkatoh.

IBRANI 12:27

Hioioh, ‘‘sino hino’’ nunjuk ijo paring kolunon ijo jari tona'oi ahkan moruguh tutang tonyaro, mangat ijo bototah, bayarih ijo eam dahpot konorukuh.

IBRANI 2:5

Molehkat-molehkat eam dahpot kowasa tahkan Pohotala ahkan moretah kolunon bohua ijo ahkan lombut, yorih kolunon ijo rahat ihto manderoh tuh.

IBRANI 4:9

Jadi bagi ukup Pohotala, magun anai bowot, ahkan nondobo'o, kolou Pohotala jari nondobo'o, ang ondou ijo kopihtu rih.

IBRANI 9:11

Tahpi Kristus jari lombut kolou Imam Hajo, tahkan hal-hal ijo hinut ijo jari anai. Kemah Tuhan, ang umoh Io nguan gawiu-Oh kolou Imam Hajo, anairih kemah ijo labih hajo, tutang labih soporuna. Orih eam tonguan bain ulun; rimaioh eam boasar tahkan kolunon ijo tona'oioh tuh.

1 PETRUS 4:7

Kokaro aang'co jari doni koopahoh, tului rih hondakrih ihkam ngowasa arop tutang bosodia, mangat ihkam dahpot bodo'a.

PONGORINAH 3:12

Ulun ijo manang ahkan Ahku ngonjorian kolou johi a'ang Lohpou Borasih Ain Pohotala-Ku, tutang io ahkan mohcon ang unuk rih turus-jahamoh. Aran Pohotalak-Ku, tutang aran lowun Pohotalak-Ku – yorih Yerusalem bohua ijo ahkan nosuluh tahkan soruga, tahkan Pohotalak-Ku – ahkan Ahku nyurat aang behtin ulun rih. Ka'a arak-Ku ijo bohua ahkan Ahku nyuratoh aang aropoh.