IBRANI 13:13 - BOWOT BOHUA

¹³ Tului rih, olai ihto tulak nokuh Io ijo ang luar puloukemah tutang umba tonohina homboh Io.

IBRANI 13:13 ပူးပေါင်းရင်းမြစ်များ

MATEUS 16:24

Pongohuli Yesus nuhtui umba murid-murid-Oh, “Ulun ijo kani nutut Ahku, harus nolingou kogunan aropoh bongoi, ngohtun sopolahkioh, tutang turus nutut Ahku.

MATEUS 27:32

Aang beteng jalan iro hosombang umba ihcobehti tahkan Kirene bogare Simon. Iro nyuhu Simon rih ngohtun sopolahkin Yesus.

MATEUS 5:11

Kosanangsolamat ahkan ihkam amat tonosalan, tonoporos tutang tongonja'at tului Ahku.

LUKAS 6:22

Kosanangoh ihkam, amat konohiri ulun, tonulak, tonohina tutang tonopitnah bain tului Anak Ulun!

LUKAS 9:23

Pongohino Yesus nuhtui umba paring ulun ijo anai ang anan, ‘‘Ulun ijo kani nutut Ahku, harus nolingou kogunanahkaioh bongoi, ngohtun sopolahkioh nyinong ondou, tutang turus nutut Ahku.

KESAH RASUL-RASUL 5:41

Rasul-rasul nohtah Majelis Agama rih tutang hawui kojorih tului Pohotala jari ngohu iro harus ahkan dahpot hinaan kotului Yesus.

2 KORINTUS 12:10

Jadi, ahku jorih umba kolomu-kolomu'ku rih. Ahku ka'a jorih amat bain kotului Kristus ahku tonopitnah, ahku buah kohapit, toduru-duru tutang ahku nyuru kosusah. Tului amat ahku bolomu, mahka ang ohkot orih rih, justru ahku ba'as.

IBRANI 11:26

Museh komo, ijo mahcu labih borega, ahkan norima tongohina demi Lahca Ponyolamat, ijo tonobowot Pohotala rih, tahkanumba ngondahpot karo ponahtou, tana Misir, tului Museh moharap upah ang ondou pongohuli.

IBRANI 12:2

Hondakrih topahjah ihto nitu umba Yesus, bain Io ijo mbolum porocayan ihto tutang mohaga tahkan pahtuk nyiring laiu. Yesus tahan ngarot, ang kahju sopolahki! Io eam poduli ijo mahtoi, ang kahju sopolahki rih anairih angihco hal ijo ngomia. Io tihkas ingat ahkan kojorih ijo ahkan tonginyam-Oh pongohuli. Huntuh Io tuot ang sila kotuon pododusan Pohotala tutang moretah hihco umba Io.

IBRANI 12:3

Cuba nirukrih, koloukuwoh koporosoh Yesus noharep ulun-ulun bodusa, ijo molawan-Oh hawui kolourih sangit! Bain rih ara kuik ahtoi tutang putus asa.

IBRANI 12:4

Kotului a'ang kolawan'kam umba dusa, ihkam jaha pu'u hokolawan nyiring harus nusuh daha.

1 PETRUS 4:4

Huntuh ulun ijo eam kosono Tuhan, helan, ijo ihkam eam umba bolum kolou iro, nginyam dusa eam aro tihkas. Orihrih kotuluioh iro mohina ihkam.