1 Hondakrih ihkam bokehtep hosita ihco sama 'jobohkon kolou ulun-ulun Kristen ijo hokonduang.
Tuhrih poretah-Ku ahkan'kam: Hokasihrih sama arop'kam.’’
Kotihka jari johcok Ondou Pentakosta, paring ulun ijo porocaya hopuhpung ang ihco unuk.
Paring ulun ijo porocaya rih bolum hihcoahtoi hihcohomboruanoh. Eam aro ihcobehti ka tahkan iro ngohu ijo inon, ijo io tepuioh, anai aiuoh bongoi. Paring aang'co ijo anai aang iro, paring iro hapaoh sama-sama.
Konduang jari tona'ah, ahkan monjadi ulun ijo morodehka. Tahpi ara hapa komorodehka orih ahkan hototurus nguan inon iou ijo ihkam jolik nguai. Sobalikoh ihkam saling mongasih tutang saling mohalu.
Sobalikoh, amat ulun-ulun toniting bain Roh Pohotala, buaoh iorih: Iro saling hokasih, iro jorih, iro ngina koteneng ahtoi, iro sabar tutang hobudi, iro pios toharep ulun bohkon, iro te'et.
Kobain amat ihto ius hihco umba Kristus Yesus, hal numbun ata'ai eam numbun poroturan sunat, eam monjadi soal hino. Ijo boguna tihkasrih porocaya umba Kristus, tutang orih korinah aang kasih ihto umba ulun bohkon.
Bousaha tu'u-tu'u ahkan bolum honong kobuah, mangat kohihco ijo tona'oi bain Roh Pohotala tohtap tonojaga.
Pombolum'kam kohondakoh bohomboruan bain kasih, kolou Kristus ka ngasih ihto. Io moporahpah arop-Oh ahkan ihto, kolou ihco pononga ijo buanharum tutang monyanang ahtoi Pohotala.
Konduang-konduang, ihkai toturus pahtut ngohawot torimakasih ahkan Pohotala kotului ihkam. Tutang puna kopahtutoh ihkai nguan kodorih, kotului ihkam mahi-mahi porocaya umba Kristus tutang ihkam mahi ngasi ihco umba ijobohkon.
Tutang hondakrih ihto saling nohtoani, mangat saling hotonga hojuhung ahkan ngasi sosama tutang nguan hal-hal ijo hinut.
Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.
Moregarih paring ulun, ngasirih konduang-konduang'mu sama Kristen. Mihkohrih umba Pohotala, tutang horomatrih umba Kaisar.
Kolopuhtaioh iorih; hondakrih Konduang-konduang soiyoh sotutui tutang hihco-nanyam. Hondakrih ihkam saling ngasi-sayangoh kolou ulun-ulun ijo hokonduang. Tutang hondakrih ihkam saling hobalos-ngasihan rih, tutang sikap randah ahtoi.
Labih tahkanumba kokaro-karooh, hondakrih ihkam tu'u-tu'u mongasi ihco umba ijobohkon, kotului hawui saling masi ihkam ahkan bosodia ka'a ahkan saling mongapun.
Tutang bolum numbun konohuang Pohotala harus ka'a tonyukup umba kasihsayang'kam umba konduang-konduang ihcokoporocaya. Koturus-Oh hondakrih kasihsayang ahkan konduang-konduang ihcokoporocaya, ndahang umba ngasi toharep paring ulun.
Ijo Io moretahoh ahkan ihto; iorih, ihto harus porocaya ahkan Anak-Oh, yorih Yesus Kristus, tutang ihto harus saling ngasi kolou ijo jari ponoretah Kristus ahkan ihto.
Amat ihcobehti nuhtui, ‘‘Ahku ngasih Pohotala,’’ tahpi io eam mongasih konduangoh, ulun rih bobalik. Kotului ulun ijo eam mongasih konduangoh ijo gihtaioh, eam harapan tou mongasih Pohotala ijo eam tonohto baiuoh.
Tahpi tuh kobahat-Ku toharep'kam: Ihkam eam hino mongasi Ahku kolou pahtuk.