IBRANI 12:25 - BOWOT BOHUA

²⁵ Tului rih bua-buahrih, ara nyiring ihkam eam kani ngonih Io ijo pander rih. Iro ijo eam kani ngonih Io ijo jari lombut nokuh tana, tutang monyiar borihta tahkan Pohotala, eam duon mokila arop. Inonhino ihto tuh, ijo ngonih Io ijo bopander tahkan soruga! Amat ihto eam kani ngonih-Oh, Amoh ahkantou ihto duon luhput!

IBRANI 12:25 ပူးပေါင်းရင်းမြစ်များ

MATEUS 17:5

Pondehan Petrus magun hopander baunondou ijo boloang sino ngapuh'ndo tutang tahkan baunondou rih konahan auh ijo nuhtui, “Tuhrih Anak-Ku ijo Ahku ngasih-Oh, Io nyanang ahtoi-Ku. Ngonih Io!”

MATEUS 8:4

Turus hion Yesus umba io, “Ingat! A'ai nyorihta ahkan ia-iai ka'a. Tahpi tulak nokuh imam, tutang nyawot ang io ahkan kopastianoh ihko jari pios. Uliorih nonga pononga ijo tomoretah Museh, kolou bukti ahkan ulun-ulun ijo ihko tu'u-tu'u jari pios!”

KESAH RASUL-RASUL 7:35

Museh tuh, Museh ijo eam tongahku bain uhtus Israel tutang ijo tonulak hapa auh tuh, ‘Iai ijo potuot ihko monjadi okon tutang hakim ihkai?’ Tahpi kodorih iorih ulun, ijo sonuhu Pohotala monjadi okon tutang ponyolamat, honong pondohop tahkan molehkat ijo lombut ahkai, ang ruwut ijo ngonjelak rih.

1 TESALONIKA 5:15

Jagarih mangat ara anai ijo malos koja'at umba koja'at. Bousaharih toturus ahkan nguan ang pios, ihcobehti ahkan ijo bohkon tutang ahkan paring ulun.

2 TIMOTEUS 4:4

Iro ahkan mangop tolingai toharep ijo morong, tahpi ahkan nguap tolingaioh toharep solihta-solihta kolimoi.

IBRANI 1:1

Aang jaman lomoi aro tikat Pohotala hopander umba tahtu ajuh ihto nguha nabi-nabi tutang hapa mahca-mahcam cara.

IBRANI 11:7

Kotului porocaya, mahka Noah tonyorihta bain Pohotala tohou hal-hal ijo ahkan nyolung pongohino, ijo eam dahpot tonohto baiuoh. Noah mone'et Pohotala, nyiring io napa ihco bonama ijo pongohino korinah monyolamat aropoh homboh ukupjolahaioh. Honong kolourih kolunon tonohukum, rahat rih Noah bongoi kotului porocayaoh, tongorinah bain Pohotala kolou ulun ijo kopios.

IBRANI 12:19

iro noharep auh sorunai, tutang konahan auh tuhtui ijo hebat. Kotihka ulun-ulun Israel ngonih tuhtui rih, iro nyawot hawui paham, mangat auh rih eam pander hino ahkan iro.

IBRANI 3:12

Konduang-konduang bua-buah, ara nyiring anai ang louk'kam ihcobehti ijo ahtoioh kolorih koja'at, tutang eam porocaya, nyiring io ngulos tutang ngomahcu Pohotala ijo bolum!

IBRANI 3:17

Tutang toharep iairih, Pohotala bosingi ohpat pulu toun kotahiuoh? Toharep iro ijo bodusa, ijo bolihang mahtoi ang padang bolambah, kowa?

IBRANI 8:5

Gawi ijo iro nguaioh kolou imam rih, kotu'uioh tihkas ihco gambar tutang kokolingon tahkan inon ijo anai ang soruga. Orih jari tomborihta bain Pohotala ahkan Museh lomoi, kotihka Museh kani nombok Kemah Tuhan. Pohotala nuhtui koloutuh ahkan Museh, ‘‘Ingat! Paringoh tuh harusrih ihkonguai numbun sutu ijo tongorinah ahkan'kam ang ngosan puruk.’’

1 PETRUS 1:22

Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.

PONGORINAH 19:10

Ahku tosuhkutu'ut ang husuk molehkat rih kani nyembahoh, tahpi io nuhtui umba ahku, ‘‘Ara! Ara nyembah ahku, sembah rih Pohotala! Kotului ahku ka jihpon sama kolou ihko, tutang kolou paring konduang'mu, ijo nambit segah ang kosaksian Yesus.’’ Tului kosaksian Yesus orihrih ijo moilham ulun-ulun ijo monujum.

PONGORINAH 22:9

tahpi io nuhtui umba ahku, ‘‘Ara! Ara nyembah ahku! Nyembah iou Pohotala! Kotului ahku ka'a sama kolou ihko, tutang kolou konduang-konduang'mu, nabi-nabi, tutang paring ulun ijo te'et umba pohtoh-pohtoh luwang surat tuh!’’