IBRANI 12:23 - BOWOT BOHUA

²³ Ihkam umba ihco puhpungpulou ijo rami – puhpungpulou rih ain anak-anak pongoko ain Pohotala, ijo arai-araioh tonoliting ang luwang soruga. Ihkam lombut noharep Pohotala. Hakim paring ukup kolunon. Ihkam noharep roh-roh, karo ulun-ulun hinut, ijo jari nyolung soporuna.

IBRANI 12:23 ပူးပေါင်းရင်းမြစ်များ

LUKAS 10:20

Oluka kolourih, ararih jorih tului roh-roh ja'at te'et umba ihkam. Labih hinut ihkam jorih tului aran'kam tonyurat ang soruga.’’

YOHANES 5:27

Io jari nonga ahkan Anak-Oh hak ahkan mosara, tului Io Anak Ulun.

KESAH RASUL-RASUL 20:28

Hondakrih ihkam monjaga arop tutang monjaga ka'a sohopus ukup ijo jari tonosarah Roh Pohotala ahkan'kam ahkan tonojaga. Tului ihkam jari konahtang monjadi ponuneng ukup rih. Pios ihkam jorih monjaga ukup Pohotala rih kolou sokahtik monjaga tobiri-tobirioh. Tului Pohotala jari ngonjorian ukup rih aiu-Oh bongoi, nguha popahtoi Anak-Oh bongoi.

1 KORINTUS 13:12

Inon ijo ihto nohtooh huntuh, tuh anai rih kolou kokolingon ijo kawus ang soramin. Tahpi noin ihto ahkan nohto korinah, hawui tarang. Uhuntuh ahku jaha kota'an paringaangoh, tahpi noin ahku ahkan ngota'an paringaangoh, sama kolou Pohotala ngota'an paringoh, tohou arop'ku.

1 KORINTUS 15:49

Koloukuwoh ihto uhuntuh, anai kolou Adam ijo tonapa tahkan tana, mahka noin ihto ahkan monjadi kolou Io ijo tahkan soruga rih.

1 KORINTUS 15:54

Amat behti ijo dahpot mahtoi tuh jari tonokiri umba behti ijo eam dahpot mahtoi, tutang behti ijo tahkan kolunon tuh, tonokiri umba ijo tahkan soruga, ang ohkot rih punai nyolung inon ijo tonyurat a'ang Surat Borasih, ‘‘Popahtoi ius tonolon; komanang jari sapai!’’

2 KORINTUS 5:8

orih kotuluioh ahtoi ihkai tabah. Ihkai labih jolik bolohkak tahkan behtin ihkai tuh, mangat jeleng mohcon umba Tuhan.

EPESUS 1:22

Pohotala mopopinda paringoh ahkan pinda kowasan Kristus, tutang nonga Kristus ahkan ukup, kolou kopala tahkan kokaron aangihco.

PILIPI 4:3

Ahkan jolahak'ku ijo tehen, ahku nyawot ka'a mangat Konduang dohop koduo ulunbawi rih. Iro jari nguan gawiu paham umba ahku ahkan mborihta Kabar Hinut tahkan Pohotala, sama kolou Klemen tutang paring iro bohkon ijo bogawi hombo-homboh ahku. Aran-aran iro anai tonyurat luwang Buhku Ulun Bolum.

KOLOSE 1:12

tutang hawui ngohawot torimakasih ahkan Amai. Kotului Amai orihrih ijo nguan ihkam harus norima inon ijo tonyodia Pohotala ahkan ukup-Oh ang luwang kolahca'ai-Oh ijo boloang.

KOLOSE 1:24

Huntuh ahku sanang mongarot ahkan kogunan ihkam. Tului umba kongarot behtik'ku, ahku nyuhkup inon ijo magun harus tongarot bain Kristus ahkan ukup-Oh yorih behtiu-Oh.

1 TIMOTEUS 3:5

Tului amat ulun eam tou ngahtur lohpou awuoh bongoi koloukuwohrih io tou ngahtur ukup Pohotala?

IBRANI 11:4

Kotului porocaya Abel monyorah ahkan Pohotala porahpah ijo paling hinut tahkanumba porahpah Kain. Tului porocayaoh rih, Abel tonorima bain Pohotala, kolou ulun ijo hinut, kotului korinah rih ijo Pohotala norima ponongaoh. Abel ius palus, tahpi tului porocaya rih mahka io magun bopander nyiring huntuh.

IBRANI 11:40

kotului Pohotala anai rancana ijo labih pios ahkan ihto. Rancana-Oh, iorih ijo tihkas hihco umba ihto, iro ahkan monjadi soporuna.

IBRANI 2:12

Yesus pander umba Pohotala, ‘‘Ahku ahkan mborihtaoh ahkan konduang-konduang-Ku tohou Ihko. Ahku ahkan monara Ihko ang a'ang puhpung iro.’’

IBRANI 9:27

Pohotala jari nuhkas ijo ulun mahtoi sinotikat iou tutang iro uli rih tomosara bain Pohotala.

YAKOBUS 1:18

Ngosan konohuang-Oh bongoi, Io ngojorian ihto anak-anak-Oh nguha auh-Oh ijo morong. Io monguanohrih, mangat ihto ngondahpot unuk ijo mbahtang ang louk paring angbolum ijo tona'oi-Oh.

1 PETRUS 2:23

Ang ohkot Io konocahci mahki, Io eam malos umba cahci mahki. Ang ohkot Io ngarot, Io eam mangancam; Io baya monyorah porokara-Oh ahkan Pohotala, Hakim ijo adil rih.

PONGORINAH 13:8

Ohcin rih ahkan tononyembah bain paring ulun ijo bolum ang ngosan tana, kocoali ulun-ulun ijo araioh jari tonoliting hounumba kolunon tona'oi, ang luwang surat ulun bolum ain Anak Tobiri ijo ius tonyombolih.

PONGORINAH 14:4

Iro rih ulun-ulun ijo tahtap brasih kolou anakdara, tului eam nguan kohihco umba ulunbawi. Iro nutut Anak Tobiri rih, nokuh umoh iou Io tulak. Tahkan louk sohopus ukup ulun, irorih ijo jari tomorodehka kolou ponyorahan pahtukoh ahkan Pohotala tutang ahkan Anak Tobiri.

PONGORINAH 20:15

Ulun-ulun ijo eam tosurat araioh ang luwang Surat Ulun Bolum, io ndian nokuh luwang tasik baho rih.

PONGORINAH 6:11

Iro nyino-nyinong, tononga ihco kolambar jubah ijo puhti. Turus iro sonuhu ngerenghasong eamtahi hino, johcok jari sukup jumbalah, sobat-sobat sokolahi tutang konduang-konduang iro, ijo ahkan tomunu kolou iro.

PONGORINAH 6:9

Uliorih rih Anak Tobiri rih musit segel ijo kolimo. Mahka ahku nohto ang pinda mesbeh, anai homboruan-homboruan ulun-ulun ijo mahtoi tomunu, bain iro ngondehen pohtoh tahkan Pohotala, nguha kosaksian iro.