IBRANI 12:2 - BOWOT BOHUA

² Hondakrih topahjah ihto nitu umba Yesus, bain Io ijo mbolum porocayan ihto tutang mohaga tahkan pahtuk nyiring laiu. Yesus tahan ngarot, ang kahju sopolahki! Io eam poduli ijo mahtoi, ang kahju sopolahki rih anairih angihco hal ijo ngomia. Io tihkas ingat ahkan kojorih ijo ahkan tonginyam-Oh pongohuli. Huntuh Io tuot ang sila kotuon pododusan Pohotala tutang moretah hihco umba Io.

IBRANI 12:2 ပူးပေါင်းရင်းမြစ်များ

MATEUS 16:21

Nopara tahkan ohkot orih, Yesus nuhtui turus tarang ahkan murid-murid-Oh, ijo Io harus tulak nokuh Yerusalem tutang nyuru aro ngarot tahkan okon-okon, imam-imam kopala, tutang guru-guru agama. Io ahkan buah punu, tahpi ang ondou kotolu Io ahkan bolum hoduli.

MATEUS 20:28

Sama kolou Anak Ulun rih ka'a; Io lombut eam ahkan tonohalu, tahpi ahkan mohalu, tutang nyorah hasong-Oh ahkan momordehka aro ulun.”

MARKUS 14:36

‘‘Amai, yo Amai,’’ hioi-Oh, ‘‘eam anai angihco ka ijo mustahel bagi Amai. Ngahtang kokarot tuh tahkan Ahku. Baya ararih numbun konohuang-Ku, molekan konohuang Amai.’’

MARKUS 15:28

Kotului kolourih nyolung auh surat ang Surat Borasih iorih: ‘‘Io tongohu iro monjadi barih ulun ja'at.’’]

MARKUS 16:19

Limbah Tuhan Yesus hopander umba iro, Io hogahtang ahkan soruga. Ang anan Io moretah hihco umba Pohotala.

MARKUS 9:12

Yesus mutah, ‘‘Elia puna lombut labih soun, ahkan ngomorong karo aangihco. Tahpi koloukuwoh haloh umba Anak Ulun? Inon sabab ang luwang Surat Borasih tonyurat, ijo Io ahkan aro ngarot tutang konohina ulun?

MARKUS 9:24

Toturus amai orih ngociak, ‘‘Tuhan, ahku porocaya tahpi kaporocaya'ku rih tahpas. Dohoprih ahku mangat labih porocaya hino!’’

LUKAS 17:5

Rasul-rasul nuhtui umba Tuhan Yesus, ‘‘Tuhan, ngoba'as koporocaya ihkai.’’

LUKAS 23:11

Horodes tutang kawan-kawan sorodaduoh ngonjea tutang mohina Yesus, turus mokahjan Io hapa pokahjan hajo, uliorih rih ngirim Io buli nokuh Pilatus.

LUKAS 24:26

Eamkah Lahca Ponyolamat harus komo houn karot rih, punai norima kohajoi-Oh?’’

YOHANES 1:29

Anghawun ondouoh Yohanes nohto Yesus lombut ahkaioh. Turus Yohanes nuhtui, ‘‘Nohto, orihrih Anak Tobirin Pohotala ijo ngapit dusan kolunon.

YOHANES 12:24

Tu'u morong auh-Ku tuh: Amat ihcokoluang paroi eam tongombulan ang luwang tana tutang mahtoi, io ahkan tohtap mohcon ihcokoluang. Tahpi amat luang paroi rih mahtoi kolawun io ahkan momua tutang aro paroi.

YOHANES 12:32

Tahpi Ahku tuh, amat Ahku jari tonongahtang ang ngosan tana, Ahku ahkan nguhut paring ulun Ahkak-Ku.’’

YOHANES 13:3

Yesus ta'an ijo Amai jari nonga paring kowasa ahkai-Oh. Io ta'an ka'a ijo Io lombut tahkan Pohotala tutang ahkan buli nokuh Pohotala.

YOHANES 6:40

Puna tuhrih kojolik Amai-Ku: Mangat paring ijo nohto Anak tutang porocaya umba-Oh tepun pombolum sojahti tutang kototahiu, tutang Ahku ngombolumoh huli aang Ondou Kiamat.’’

YOHANES 8:56

Amai'kam Abraham sanang sino ijo io ahkan nohto ondou-Ku. Io jari nohtooh tutang io sanang!’’

KESAH RASUL-RASUL 2:36

Orih kotuluioh paring ulun Israel pahtut kota'an moro-morong ijo Yesus, ijo ihkam mahpakoh rih. Yesus rih ka'a ijo jari tomotuot Pohotala monjadi Tuhan tutang Lahca Ponyolamat!’’

KESAH RASUL-RASUL 3:15

Konduang-konduang munu Io, padahar kopunaoh Io rih luwang tohasak pombolum ahkan paring ulun. Tutang Pohotala jari ngombolum Io huli tahkan popahtoi. Ihkai jari monyaksi bongon 'kai hal rih.

KESAH RASUL-RASUL 5:31

Tutang Pohotala jari nonga ahkai-Oh ponuot tutang kowasa ijo isung monjadi Okon tutang Ponyolamat; mangat uhtus Israel tononga kosapet ahkan hubah tahkan dusa-dusaoh, tutang ngonduon pongapunan.

KESAH RASUL-RASUL 5:41

Rasul-rasul nohtah Majelis Agama rih tutang hawui kojorih tului Pohotala jari ngohu iro harus ahkan dahpot hinaan kotului Yesus.

1 KORINTUS 1:18

Kotului ahkan ulun-ulun ijo nihtu korusak, borihta tohou popahtoi Kristus aang sopolahki, monjadi panderkouong. Tahpi ahkan ihto ijo nitu solamat kobain Pohotala, borihta rih puna tu'u caraoh Pohotala ngorinah kowasai-Oh.

1 KORINTUS 1:23

Tahpi ihto tuh tihkas mborihta Kristus ijo mahtoi ang sopolahki. Borihta rih nyinggung pokomon ulun Yahudi, tutang tongohu tuhtui uong bain ulun-ulun bohkon Yahudi. Tutang ulun bohkon Yahudi ngohu orih ihco kouong.

EPESUS 2:16

Kobain popahtoi-Oh ang sopolahki, Kristus mopohihco duo uhtus rih, tutang ngobuah iro umba Pohotala, nyiring dilaprih komusuh rih.

EPESUS 5:2

Pombolum'kam kohondakoh bohomboruan bain kasih, kolou Kristus ka ngasih ihto. Io moporahpah arop-Oh ahkan ihto, kolou ihco pononga ijo buanharum tutang monyanang ahtoi Pohotala.

PILIPI 1:6

Pohotala bongoi ijo monopara gawi ijo pios rih aang'kam. Tutang ahku yahkin Io ahkan noturus karon gawi orih rih nyiring tondo aang Ondou Kristus Yesus lombut hoduli.

PILIPI 3:20

Tahpi ihto anai rih waris kolahcan soruga. Tahkan anan ka'a Lahca Ponyolamat ihto, Tuhan Yesus Kristus, ahkan lombut. Iorih ijo ihto ngindo-ngindoi honong rindu.

2 TIMOTEUS 4:8

Tutang huntuh hodiah komanang ngindoi ahku. Aang Ondou Kiamat, Tuhan, Hakim ijo adil rih ahkan monyarah hodiah orih ahkak'ku, tului ahku bolum hokopios umba Pohotala. Tutang eam ahku iou ijo ahkan norima hodiah rih, tahpi ka'a paring ulun ijo ngindoi polombut Tuhan hawui paham rindu.

IBRANI 1:13

Pohotala eam pu'u nuhtui koloutuh ahkan ihcobehti molehkat ka, ‘‘Tuotrih angsila kotouk-Ku nyiring musuh-musuh'mu Ahku ngominda umba ihko.’’

IBRANI 1:3

Io ijo nyingahoh kohajon Pohotala ijo gilang-gomilang; Io rih gambar ijo ngorinah tahkan behtin Pohotala bongoi. Io ka'a ijo mohaga kotehen angpindalangit tuh umba auh-Oh, ijo paham kowasai. Ulijari Io nongajalantou ulun ahkan tomorodehka tahkan dusa-dusan iro, Io monuot ang pododusan pomoretah ang soruga, samasama umba Pohotala, Pongowasa ijo palingdiang.

IBRANI 10:14

Jadi umba ihco porahpah, Kristus nyoporuna ulun-ulun, ijo jari tonomuhioh tahkan dusa.

IBRANI 10:33

Anai wayahoh ihkam tongohina tutang tononguanrih honong eam pios ang husuk ulunaro. Anai sosinooh ka'a ihkam ahkan nginyam kokarot umba iro ijo tononguan kolourih,

IBRANI 11:36

Anai ijo tongonjea-jea, tomahcat, nyuhkui umba ratai, tutang anai ijo ponosolong ahkan luwang sipir.

IBRANI 12:3

Cuba nirukrih, koloukuwoh koporosoh Yesus noharep ulun-ulun bodusa, ijo molawan-Oh hawui kolourih sangit! Bain rih ara kuik ahtoi tutang putus asa.

IBRANI 13:13

Tului rih, olai ihto tulak nokuh Io ijo ang luar puloukemah tutang umba tonohina homboh Io.

IBRANI 5:9

Mahka uliius Io tomonjadi ponyolamat ijo soporuna, Io monjadi luwangtohasak solamat ijo kototahiu bagi paring ulun ijo te'et umba Io,

IBRANI 7:19

Hukum agama Yahudi, eam dahpot nguan angihco ka menjadi soporuna. Orih kotuluioh ihto uhuntuh tononga ihco koharap ijo labih hinut; honong rih ihto duon ngondoni Pohotala.

IBRANI 8:1

Pu'un tahkan paring pander tuh, iorih: Ihto anai tepun Imam Hajo ijo kolourih, ijo tuot moretah homboh Pohotala Paling Hajo ang soruga.

IBRANI 9:28

Kolourih ka'a, Kristus sinotikat nyorah arop monjadi porahpah ahkan mongapit dusan aro ulun. Io ahkan lombut hino aang koduo tikatoh, eam hino ahkan ngobuah soal dusa, tahpi ahkan nyolamat ulun-ulun ijo ngindoi polombut-Oh.

YAKOBUS 2:1

Konduang-konduang! Kolou ulun ijo porocaya umba Tuhan Yesus Kristus, Tuhan Ijo Mahahoromat, ara ihkam ngobohkon-bohkon ulun hogalang hal-hal koului.

1 PETRUS 1:11

Iro nyolidik koloukuwoh, tutang mira hal orih ahkan nyolung, ijo konohuangoh bain Roh Kristus ijo anai ang luwang arop iro. Ang ohkot rih, Roh-Oh monujum ahkan iro, tohou karot-karot ijo harus tonyuru bain Kristus tutang tohou kohajoi-Oh ijo ahkan nutut ulimba rih.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

1 PETRUS 3:22

tutang jari nuhkat nokuh soruga. Huntuh Io bokowasa hihco umba Pohotala, tutang moretah paring molehkat, paring pongowasa honong paring koba'as.

YUDAS 1:21

tutang bolumrih toturus ang pinda kosingou kasih Pohotala kotahin ihkam ngindoi pononganasin Yesus Kristus Tuhan ihto, ijo ahkan nonga ahkan'kam pombolum sojahti tutang kototahiu.

PONGORINAH 1:11

Auh rih nuhtui, ‘‘Surat, inon ijo ihko nohtooh, tutang ngirim surat tuh ahkan pihtu ukup ijo pongotuh: Epesus, Simirna, Pergamus, Tiatira, Sardis, Piladelpia, tutang Laodekia.’’

PONGORINAH 1:17

Ohkot ahku nohto-Oh, ahku toposuruk ang baui-Oh kolou ulun mahtoi. Tahpi Io ngina longoi kotaui-Oh aang ahku turus nuhtui, ‘‘Ara mihkoh! Ahku rih Io ijo pahtuk tutang ijo kolaiou.

PONGORINAH 1:8

‘‘Ahku rih ijo pahtuk tutang ijo kolaiu,’’ hion Tuhan Pohotala, ijo anai, ijo jari anai, tutang ijo anai toturusoh, Ijo Mahakowasa.

PONGORINAH 2:8

‘‘Ahkan molehkat ukup ang Simirna, nyurat koloutuh: Tuhrih pohtoh tahkan Io ijo pahtuk tutang ijo laiu ijo jari mahtoi tutang bolum hoduli.