IBRANI 12:15 - BOWOT BOHUA

¹⁵ Bojagarih, ara nyiring anai ihcobehti ka ijo soluka tahkan barih kopios ahtoi Pohotala, mangat ara anai ijo monjadi kolou kombulan bosowui ang tohun-tohun ihkam nyiring polombut kosusah tutang korusak aro ulun bain sowuioh.

IBRANI 12:15 ပူးပေါင်းရင်းမြစ်များ

LUKAS 22:32

Tapi Ahku jari bodo'a ahkan'mu, Simon, ahkan koporocaya'mu ara luntur. Tutang amat ihkam jari huli ahkak-Ku ihko harus ngoba'as konduang-konduang'mu.’’

1 KORINTUS 10:12

Ulun ijo ngohu aropoh tombok ba'as, konohuangoh bua-buah; a'ai nyiring io bolukang.

1 KORINTUS 13:8

Eam pu'u ahkan anai wayah, ang umoh ulun eam porulu saling hopongasih. Uhuntuh, tuh anai ulun ijo ahpik nyiar borihta tahkan Pohotala, tahpi noin io ahkan tondo nyiar borihta rih. Uhuntuh anai ijo ahpik bopander a'ang bomahcam basa ijo helan, tahpi noin io ahkan tondo bopander aang basa-basa rih. Huntuh anai ulun ijo ngota'an aro hal, tahpi noin inon ijo iro ngota'ai rih ahkan tonolingou.

1 KORINTUS 15:33

Ara konaalik! Kopahkat ijo ja'at, morusak hadat ijo pios.

1 KORINTUS 5:6

Eam pahtut ihkam komo bojuhu. Mihkohoh, ihkam jari kosono porobasa tuh, ‘‘Ragi ijo honjiot nguan hopus-golahpung kamir!’’

2 KORINTUS 13:5

Cuba ihkam moriksa arop bongon, inonkah ihkam tu'u-tu'u bolum hogalang porocaya umba Kristus! Musti ihkam borondong ijo Kristus Yesus anai ang luwang ihkam! – bohkon haloh amat puna ihkam eam tu'u-tu'u porocaya.

2 KORINTUS 6:1

Tului ihkai bogawi hombo-homboh umba Pohotala, mahka ihkai nyawot hawui tu'u-tu'u, a'ai ihkam mohonou kopios ahtoi Pohotala rih.

GALATIA 2:13

Konduang-konduang ulun Yahudi ijo bohkon ka'a, umba pura-pura kolou Petrus, nyiring Barnabas ka topongaroh ahkan sihkap kolou iro.

GALATIA 5:4

Amat ihkam ngurahjalan hokopios umba Pohotala, nguha hukum agama orih rimai kohihco'kam umba Kristus jari pahtot. Honong kodorih ihkam bolum ang ruar barih tonganasin Pohotala.

EPESUS 5:3

Ihkam anairih ukup ain Pohotala. Kobainrih gawi-gawi ijo kihal, tutang ijo eam sanonoh, ata'ai ka kokuhurih ijo eam pahtut anai, ang tohun-tohun'kam. Ara nyiring ulun bohkon anaingina alasan ahkan nuhtui ijo ihkam nguan hal-hal kolourih.

KOLOSE 3:5

Kotului rih munuoh rih kojolik-kojolik kolunon ijo monderoh arop'kam, kolou kokihal, hal-hal ijo eam sanonoh, kojolikbolai, konohuang ijo ja'at, tutang kokuhu (tului kokuhu anairih kolou umba nyembah dewa).

TITUS 1:15

Kokaron ang'co, anairih borasih ahkan ulun-ulun ijo borasih. Tahpi bagi ulun-ulun ijo tirukoh ja'at tutang ijo eam porocaya, eam anai ang'co ka ijo borasih, tului tiruk tutang ahtoi-bua iro jari ja'at!

IBRANI 3:12

Konduang-konduang bua-buah, ara nyiring anai ang louk'kam ihcobehti ijo ahtoioh kolorih koja'at, tutang eam porocaya, nyiring io ngulos tutang ngomahcu Pohotala ijo bolum!

IBRANI 4:1

Nah, bowot Pohotala magun tohapan, tutang ihto ahkan tononga nondobo'o ijo tonobowot-Oh. Jadi, hondakrih ihto bojaga, mangat ara anai ihcobehti ka tahkan louk ihkam, ijo korinah eam komo nondobo'o-Oh ijo tonobowot orih.

IBRANI 4:11

Kotului orih, olairih ihto bousaha tu'u-tu'u ahkan norima nondobo'o ijo nobowot Pohotala rih. Ara nyiring ihcobehti ka tahkan ihto gagal kolou iro lomoi, kotului eam porocaya ahkan Pohotala.

IBRANI 6:11

Ihkai jolik sino, mangat ihkam nyinong-behti turus bosomangat johcok laiu, nyiring ihkam norima inon ijo ihkam moharap-harapoh rih.

2 PETRUS 1:10

Kotului orih, Konduang-konduang, bousaha iou labih ba'as mangat ta'ah Pohotala tutang pitih-Oh ngosan arop'mu rih monjadi mahi segah. Amat ihkam nguan rih, ihkam eam ahkan murtad.

2 PETRUS 2:18

Iro nguan korinah-korinah ijo tama-tamam tutang buang; bolaiusi ijo nyundal orih hapan bain iro, mangat nombohos ulun-ulun ijo punai iou nopara toliwus tahkan barih ulun ijo bolum lahcat.

2 PETRUS 3:11

Kotului paringoh rih ahkan tonolonyuh umba cara ijo kolou rih, koloukuwohrih koharusoh ihkam bolum? Ihkam pahtut bolum borasih, tutang khusus ahkan Pohotala,

2 PETRUS 3:14

Kotului orih, Konduang-konduang ijo tonosita, pondehan ihkam ngindoi Ondou rih, bousaha tu'u-tu'u ahkan bolum borasih tutang earo kosalai ang toharep Pohotala. Tutang mohaga kohihco ijo hinut umba Pohotala.

2 YOHANES 1:8

Tului orih jagarih, ara nyiring ihkam nihou, inon ijo jari ihkai usahaoh ahkan ihkam. Bousaharih, mangat ihkam norima tahkan Pohotala upah'kam koparingoh.