IBRANI 12:10 - BOWOT BOHUA

¹⁰ Ulun oko ihto ijo ang kolunon, majar ihto tihkas aang ohkot ijo botihkas, numbun inon ijo iro nanyam pios. Tahpi Pohotala majar ihto ahkan kopios ihto bongon, mangat ihto dahpot monjadi borasih hombo-homboh umba Io.

IBRANI 12:10 ပူးပေါင်းရင်းမြစ်များ

EPESUS 4:24

Kohondakrih ihkam bolum kolou kolunon bohua ijo tona'oi numbun pola Pohotala; iorih umba tobiat ijo morong, bujur tutang borasih.

KOLOSE 1:22

Tahpi huntuh, umba popahtoi Anak-Oh, Pohotala napa sambung ihkam umba Io, monjadi pios hoduli. Umba cara orih ihkam dahpot tonomin noharep Pohotala a'ang koada'an borasih, molinyou tutang earo salai.

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

IBRANI 12:14

Bousaharih, ahkan bolum ruhkun umba paring ulun. Bousaharih ka'a bolum borasih, khusus ahkan Tuhan. Tului eam ihcobehti ka dahpot nohto Tuhan, amat io eam bolum kolourih.

1 PETRUS 2:5

Ihkam kolou bahtu-bahtu ijo bolum. Kobain orih hondakrih, ihkam kani tonohapa bagi pangun Lohpou Pohotala ijo rohani. Honong kolourih ihkam monjadi imam-imam, ijo bolum khusus bagi Pohotala, tutang ijo nguha Yesus Kristus, moposorah ahkan Pohotala, porahpah rohani ijo kokilak ang ahtoi Pohotala.

1 PETRUS 2:9

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.

2 PETRUS 1:4

Umba cara orihrih Pohotala monyarah ahkan ihto, borehkat-borehkat ijo paham luar biasa, tutang borega ijo jari tonobowot-Oh. Umba borehkat-borehkat rih ihkam duon tokuwat tahkan kojolik-kojolik ja'at, ijo morusak ang kolunon tuh, tutang ihkam norima sipat Pohotalai.