IBRANI 11:36 - BOWOT BOHUA

³⁶ Anai ijo tongonjea-jea, tomahcat, nyuhkui umba ratai, tutang anai ijo ponosolong ahkan luwang sipir.

IBRANI 11:36 ပူးပေါင်းရင်းမြစ်များ

MATEUS 20:19

pongohino rih tonyarah ahkan ulun-ulun bohkon Yahudi. Iro ahkan hololea Io, ngoporos Io, tutang nyopolahki Io. Tahpi aang ondou tolu Io ahkan monyun hoduli.”

MATEUS 21:35

Tahpi ponggawi-ponggawi pombulan orih nawan'ndo pohalu-pohalu tuan tana orih: Ijo 'cobehti tonahop'ndo, ijo bohkon tomunu, tutang ijo bohkon hino tomuhkah'ndo umba bahtu.

MATEUS 23:34

Ngonihrih tu'u-tu'u: Ahku ahkan ngirim nabi-nabi, ulun-ulun pitar tutang guru-guru; ihcokobarih tahkan iro ahkan ihkam munuoh, tutang ihcokobarih ijo bohkon, ahkan ihkam nyalipoh. Anai ijo ahkan ihkam nyiksaoh ang lohpou-lohpou sombayang, tutang ihkam hodulu-duluoh tahkan ihco lowu nokuh lowu ijo bohkon.

MATEUS 27:26

Turus Pilatus molopas Barabas ahkan iro, tutang nyuhu ulun mahcat Yesus; tutang nyarah Yesus ahkan tomahpak.

MARKUS 10:34

Iro ahkan ngonjea-jea Io, ngoluhca Io, monyiksa Io, tutang nyopolahkioh Io. Tahpi aang ondou tolu Io ahkan bolum hoduli.’’

LUKAS 18:32

Io ahkan tonyarah ahkan ulun-ulun bohkon Yahudi, ijo ahkan tongonjea, mohina tutang ngoluhca Io.

LUKAS 23:11

Horodes tutang kawan-kawan sorodaduoh ngonjea tutang mohina Yesus, turus mokahjan Io hapa pokahjan hajo, uliorih rih ngirim Io buli nokuh Pilatus.

LUKAS 23:36

Dolang sorodadu ka ngonjea Io. Iro lombut tutang nonga anggur mosom ahkai-Oh

KESAH RASUL-RASUL 21:33

Komandan rih tulak nokuh Paulus turus nawan io, tutang nyuhu ulun manga io. Pongohuli komandan rih ngisok, tohou iai Paulus rih, inon ijo jari konuaioh.

KESAH RASUL-RASUL 24:27

Ulijari duo toun kotahiu Perkius Festus ngati Pelik monjadi gubernur. Tutang tului Pelik kani ngomin ahtoi ulun Yahudi, io mohonou Paulus mohcon ang luwang sipir.

KESAH RASUL-RASUL 4:3

Mahka iro nawan duo rasul rih turus posolong ang luwang sipir. Tutang tului jari ngolomi, mahka Petrus doro Yohanes tonahan ang anan nyiring ngohkosoh.

KESAH RASUL-RASUL 5:18

Rasul-rasul rih tonawan turus posolongoh koluwang sipir ulunaro.

KESAH RASUL-RASUL 5:40

Mahka rasul-rasul rih tona'ah, turus ponahcat, pongohuli iro tobaca ngajar hino tohou Yesus, ulijari punan iro konoliwusoh.

KESAH RASUL-RASUL 8:3

Tahpi Saulus toturus iou ngurah jalan polonyuh ukup. Io tulak tahkan lohpou nokuh lohpou tutang nguhut soluka ulun-ulun porocaya turus posolong iro nokuh luwang sipir.

EPESUS 3:1

Orih kobainoh ahku, Paulus, tonyihpir kotului Kristus Yesus ahkan gunan ihkam ijo bohkon Yahudi.

EPESUS 4:1

Bain orih ahku – ihcobehti tonahan, ijo tonahan kotului mohalu Tuhan – nyawot hawui paham umba'kam; bolum sorurui umba ponuot'mu, kolou ulun ijo ius tona'ah bain Pohotala.

2 TIMOTEUS 1:16

Tahpi jolahan Onesiforus jari pira-pira tikat ngojorih ahtoi'ku. Keleh Tuhan kani mononga ponunjuk balos kasih umba iro. Oluka ahku ang luwang sipir, Onesiforus eam mia ahkan koada'an'ku rih.

2 TIMOTEUS 2:9

Tului mborihta Kabar Hinut orihrih, ahku ngarot; malah nyiring ahku tonoratai kolou 'cobehti ponyilau. Tahpi auh Pohotala eam dahpot tonoratai.

IBRANI 10:34

tutang ihkam umba ka'a nginyam poros ahtoi ulun ijo ang sipir. Tutang kotihka paring ijo ihkam tepui tonosuwit, ihkam norima orih honong sanang ahtoi, tului ihkam ta'an, ijo ihkam magun tepun angihco ijo paling hinut, ijo ahkan botahan turus-jahamoh.

PONGORINAH 2:10

Ara mihkoh umba karot ijo eam tahi hino ihkam harus nyuruoh. Ingat, Sehtan ahkan moposolong ihcokobagi tahkan ihkam, koluwang sipir ahkan mouji ihkam. Ihkam ahkan mongarot sopulu ondou kotahiuoh. Hondakrih ihkam bokehtep umba Ahku nyiring mahtoi, mahka Ahku ahkan nonga ahkan'mu pombolum sojahti tutang kototahiu kolou hadiah komanang.