IBRANI 11:35 - BOWOT BOHUA

³⁵ Kotului porocaya, mahka ulun-ulun bawi ngonduan hoduli ulun-ulun ijo jari mahtoi. Anai hino ijo rela tonosiksa nyiring mahtoi, tutang nulak ahkan tonoliwus, kotului kani tonombolum hoduli bagi ihco pombolum ijo labih pios.

IBRANI 11:35 ပူးပေါင်းရင်းမြစ်များ

MATEUS 22:30

Tului 'matmira ulun mahtoi noin monyun huli, iro eam ahkan kawin hino, molekan iro ahkan bolum kolou molehkat ang soruga.

MARKUS 12:25

Tului amatmira ulun-ulun mahtoi bolum hoduli, iro eam ahkan kawin hino, molekan iro ahkan bolum kolou molehkat ang soruga.

LUKAS 14:14

Ihko ahkan tomorehkat, tului ulun-ulun rih tutang eam ahkan duon mbalasoh kopios'kam rih. Kopios'kam orih ahkan tomalos bain Pohotala aang ohkot ulun-ulun ijo morong monyun huli tahkan popahtoi.’’

LUKAS 20:36

Iro sama kolou molehkat, tutang eam tou mahtoi. Iro orih paringoh anak-anak Pohotala, tului iro jari tongombolum huli tahkan kopahtoi.

YOHANES 5:29

turus soluka tahkan kolowong. Ulun ijo jari nguan kohinut ahkan monyun bagi pombolum. Tahpi ulun ijo jari nguan koja'at ahkan monyun bagi tonohukum.’’

KESAH RASUL-RASUL 22:29

Wayah rih ka'a kawan-kawan sorodadu ijo kani moriksa Paulus rih balang, tutang komandan rih ka nyolung mihkoh tului io jari manga Paulus, padahal Paulus warga nogara Ruma.

KESAH RASUL-RASUL 23:6

Paulus nohto ijo ihcokobarih tahkan anggota-anggota majelis rih tahkan ulun Saduki tutang anai ihcokobarih hino tahkan ulun Parisi. Tului orih io hopander umba majelis rih, ‘‘Ihkam Konduang-konduang! Ahku ihcobehti ulun Parisi, ahku uhtus Parisi. Ahku ponosara ang ohtoi bain tului ahku porocaya, ijo ulun-ulun mahtoi ahkan bolum huli.’’

KESAH RASUL-RASUL 24:15

Sama kolou iro, ahku ka'a anaingina koporocaya ahkan Pohotala, ijo paring ulun ahkan bolum hoduli, ulijari mahtoi – ulun-ulun morong, oluka ulun-ulun ja'at!

KESAH RASUL-RASUL 4:19

Tahpi Petrus doro Yohanes mutah, ‘‘Nirukrih bongon inon ijo morong ang toharep Pohotala: Numbun poretah Tuan-tuan ata'ai numbun poretah Pohotala.

KESAH RASUL-RASUL 9:41

Turus Petrus nambit longoioh, tutang dohop io tombok. Pongohino rih Petrus na'ah ulun-ulun ijo porocaya ang anan homboh umba balu-balu rih, turus nyarah Dorkas ijo jari bolum huli rih ahkan'ndo.

1 KORINTUS 15:54

Amat behti ijo dahpot mahtoi tuh jari tonokiri umba behti ijo eam dahpot mahtoi, tutang behti ijo tahkan kolunon tuh, tonokiri umba ijo tahkan soruga, ang ohkot rih punai nyolung inon ijo tonyurat a'ang Surat Borasih, ‘‘Popahtoi ius tonolon; komanang jari sapai!’’

PILIPI 3:11

Tutang ahku boharap ijo ahku bongok, ahkan tonombolum hoduli tahkan popahtoi.