IBRANI 11:3 - BOWOT BOHUA

³ Tului koporocaya, mahka ihto horahti ijo pindalangit tuh tona'oioh bain auh Pohotala; jadi, inon ijo duon tonohto, nyolung tahkan inon ijo eam dahpot tonohto.

IBRANI 11:3 ပူးပေါင်းရင်းမြစ်များ

YOHANES 1:3

Kokarooh tonapa nguha Io, tutang tahkan kokaro ijo anai, eam ihco ka tonapaoh earo Io.

KESAH RASUL-RASUL 14:15

‘‘Oi, ombai ihkam nguanang tuh? Ihkai tuh ulun ka'a, kolou Konduang! Ihkai anai ang ohtoi ahkan mborihta Kabar Hinut ahkan'kam, mangat ihkam nohtah hal-hal ijo eam boguna tuh, tutang ngulos nokuh Pohotala ijo bolum ijo jari naoi langit tutang tana tutang tasik tutang paring ijo anai ang luwangoh.

KESAH RASUL-RASUL 17:24

Pohotala ijo ngonjorian kolunon tuh hawui kokaro usiouoh, Iorih Tuhan ijo ngosan langit tutang tana. Io eam mohcon ang luwang lohpou-lohpou dewa ijo tonapa bain kolunon.

RUMA 4:17

Kotului Pohotala nuhtui koloutuh ahkan Abraham, ‘‘Ahku ius ngonjorian ihko amai bagi aro uhtus.’’ Kolouorih Pohotala nonga bowot rih ahkan Abraham. Tutang Abraham porocaya umba Io. Io rih Pohotala ijo mombolum ulun mahtoi: Iorih ka'a Pohotala ijo honong nuhtui iu, napa inon ijo eam pu'u anai, monjadi anai.

1 KORINTUS 2:7

Kopihtar ijo ahku nyorihtaoh tuh, iorih kopihtar tahkan Pohotala. Kopihtar rih eam tongota'an kobain kopihtaran kolunon, tahpi Pohotala jari nahtap ahkan kosanang ihto sounumba kolunon tuh jari tona'oi.

1 TIMOTEUS 4:5

Kotului borehkat tahkan Pohotala tutang do'a, nguan ukun orih rih monjadi borasih.

IBRANI 1:2

Tahpi ang jaman laiou tuh, Io nuhtui umba ihto nguha Anak-Oh. Nguha Anak-Oh Pohotala naoi aangpindalangit tuh. Tutang Pohotala ius nahtap ijo Anak-Oh tuhrih ka'a ijo bohak tepun kokaro aangihco.

IBRANI 6:5

Iro kota'an tahkan pongalaman iro, ijo auh Pohotala rih hinut, iro jari nginyam pononga-pononga ijo tuwi kowasa tahkan jaman ijo ahkan lombut.

2 PETRUS 3:5

Iro ha'atoh eam kani ngahku ijo sounlomoi Pohotala, naoi langit tutang tana ngosan auhoh. Tana ngojadian-Oh tahkan danum, tutang umba danum,

PONGORINAH 4:11

‘‘Yo Tuhan, yo Pohotalan ihkai! Ihko iourih ijo pahtut norima tara, horomat, tutang kowasa. Kotului Ihko iou pona'oi karo ang'co, tutang ngosan kohondak-Mu ka'a karo ang ang'co rih jari nyolung tutang bolum.’’