IBRANI 11:25 - BOWOT BOHUA

²⁵ Io labih jolik ngarot, hombo-homboh umba ukup Pohotala, tahkanumba ahkan pondehan ohkot nginyam komangat, tahkan bolum ijo bodusa.

IBRANI 11:25 ပူးပေါင်းရင်းမြစ်များ

MATEUS 13:21

Tahpi kabar orih eam muhat timbon ang ahtoi'ndo tului orih eam tahan tahi. Kodorih iro ngarot kosusah ata'ai tonoporos bain Kabar Hinut orih, nyolung iro murtad.

LUKAS 16:25

Tahpi Abraham mutah, ‘Mingatrih anak'ku: kotahin umur pombolum'mu, ihko jari ngondahpot paring ijo pio-pios, rahatoh Lasarus ngondahpot ijo ja'at-ja'at. Uhuntuh io sanang ang ohtoi, tutang ihko ngarotkoporos.

KESAH RASUL-RASUL 7:34

Ahku jari nohto tutang nohtoani, kopoitoh kokarot uhkup-Ku ang Misir. Ahku jari ngonih komunguh iro tutang Ahku nosuluh ahkan momorodehka iro. Uhuntuh, olai! Ahku ahkan nyuhu ihko buli nokuh Misir.’

RUMA 5:3

Tutang molowi tahkan orih, ihto ka jorih ang luwang kokarot, tului ihto kota'an ijo kokarot rih napa ulun monjadi bokehtep,

2 KORINTUS 5:17

Ulun ijo jari hihco umba Kristus, monjadi kolunon bohua samasino. Ijo tahi jari eam aro hino – paringoh jari monjadi bohua.

KOLOSE 1:24

Huntuh ahku sanang mongarot ahkan kogunan ihkam. Tului umba kongarot behtik'ku, ahku nyuhkup inon ijo magun harus tongarot bain Kristus ahkan ukup-Oh yorih behtiu-Oh.

2 TIMOTEUS 1:8

Kotului orih ara maha'an nonga kosaksian tohou Tuhan ihto, tutang ara ka'a maha'an tohou ahku, ijo tonohukum tului Io. Sobalikoh, hondakrih ihko umba koba'as tahkan Pohotala, umba karot ahkan Kabar Hinut rih.

IBRANI 10:32

Ingat rih koloukuwoh koada'an Konduang-konduang ang ohkot ijo nokalou. Ang ohkot rih, ulijari koloang Pohotala nyingah'kam, ihkam aro mongarot; tahpi ihkam tohtap molawan umba kogigih.

IBRANI 11:37

Iro tomukah umbabahtu nyiring mahtoi, anai ijo tonohtok umba gergaji, tutang ijo tomunu umba padang. Iro mongombara hapan hahtin tahkan upak tobiri ata'ai upak kambing; iro porosbolum, tonoporos tutang tonyiksa.

IBRANI 4:9

Jadi bagi ukup Pohotala, magun anai bowot, ahkan nondobo'o, kolou Pohotala jari nondobo'o, ang ondou ijo kopihtu rih.

YAKOBUS 1:20

Ulun ijo bosingi, eam dahpot nguan ijo hinut, ijo ngojorih ahtoi Pohotala.

YAKOBUS 5:5

Ihkam ius bolum molowi tutang nginyam kosanang ang kolunon tuh. Ihkam koloujahka rahat pomonyak arop, ahkan ondou ponyombalih.

1 PETRUS 2:10

Lomoi ihkam eam ukup Pohotala, tahpi huntuh ihkam anairih ukup Pohotala. Lomoi ihkam eam tonongasi bain Pohotala, tahpi huntuh ihkam norima kasihsayang-Oh.

PONGORINAH 18:7

Tongarih ahkaioh kongarot tutang koporosahtoi, ijo sama karoioh umba kohajoi tutang kolobienoh ijo tonongaoh ahkan aropoh bongoi. Tului io hototurus iou nuhtui umba aropoh, ‘Ahku tuh lahtu ijo momoretah! Ahku tuh eam balu; ahku eam ahkan nyuru kokarotahtoi!’