IBRANI 11:17 - BOWOT BOHUA

¹⁷ Kotului porocaya ka'a, mahka Abraham monyorah Isaak monjadi porahpah kotihka io tonguji Pohotala. Ahkan Abrahamrih Pohotala nonga bowot-Oh, tahpi Abraham rela nonga anakoh ijo baya ihco-ihcooh rih.

IBRANI 11:17 ပူးပေါင်းရင်းမြစ်များ

YOHANES 3:16

Kotului Pohotala kodorih ngasih ulun ang kolunon tuh, nyiring Io nonga Anak-Oh ijo tukan, mangat nyino-nyinong ulun ijo porocaya umba Io eam binasa, molehkan norima pombolum sojahti tutang kototahiu.

2 KORINTUS 8:12

Amat ihkam rela nonga, mahka Pohotala ahkan norima ponongan'kam rih, hogalang inon ijo anai aang ihkam, eam hogalang inon ijo eam anai aangihkam.

IBRANI 11:13

Paring ulun rih tahtap porocaya nyiring mahtoi. Iro eam norima hal-hal ijo tonobowot bain Pohotala, tahpi baya nohto tutang naharangoh tahkan mahcu. Tutang honong rih iro ngorinah, ijo iro baya ulun bohkonuhtus tutang ponomuoi ang kolunon tuh.

IBRANI 7:6

Melkisedek eam lihit Lewi, tahpi io norima ka'a sepersopulu tahkan kokaro ijo tongorabut Abraham, tutang mborehkatoh hino Abraham, ijo justru norima bowot-bowot tahkan Pohotala.

YAKOBUS 5:11

Iro konohawot sanangmangat tului iro tabah. Ihkam ius ngonih tohou kosabar Ayub, tutang ihkam ta'an koloukuwoh Tuhan ang laiuoh momborehkat Io. Tului Tuhan paham kasihsayang tutang hinut ahtoi.

1 PETRUS 4:12

Konduang-konduang ijo ponokasih! Ihkam uhuntuh paham ngarot kotului rahat tonguji. Tahpi ararih komo helan, koloujahka anai aangihco ijo luar biasa nyolung ahkan'mu.

PONGORINAH 3:10

Bain kotului ihkam jari numbun poretah-poretah-Ku mangat bokehtep, Ahku ka ahkan ngolindung ihkam tahkan wayah kosusah, ijo ahkan nopahas sohopus kolunon. Hal orih ahkan nyolung unuk nikos paring ulun ang tana.