IBRANI 11:16 - BOWOT BOHUA

¹⁶ Tahpi korinahoh, iro rindu umba 'cokobawak lowu ijo labih hinut, iorih lowu ang soruga. Orihrih kotuluioh Pohotala eam mia amat iro ngohawot Io Pohotalan'ndo, bain Pohotala jari nahtap ihcokobawak lowu bagi iro.

IBRANI 11:16 ပူးပေါင်းရင်းမြစ်များ

MATEUS 25:34

Pongohuli Lahca rih nuhtui umba ulun-ulun ang hila koto'ui-Oh, ‘Nokuhohtoi ihkam ijo tomorehkat bain Amai-Ku. Nyolong nokuh Kolahca'an ijo tonyodia ahkan'kam tahkan pahtuk kolunon.

MARKUS 12:26

Tutang tohou ulun mahtoi tongombolum hoduli, jaha pu'ukah ihkam mambasa ang luwang Surat Borasih Museh, tohou ruwut ijo ngonjelak rih? Ang luwang ayat-ayat rih, tonyurat ijo Pohotala nuhtui ahkan Museh, ‘Ahku tuh Pohotalan Abraham, Pohotalan Isaak, Pohotalan Yakub.’

MARKUS 8:38

Amat ihcobehti mia ngahku Ahku tutang ajaran-Ku ang jaman dorhaka tutang ja'at tuh, Anak Ulun ka'a ahkan mia ngahku ulun rih, ang ohkot io lombut noin honong kowasa Amai-Oh, tohomboh molehkat-molehkat ijo borasih.’’

LUKAS 12:32

‘‘Ihkam ijo tihkas koik jamalahoh ara mihkoh! Tului Amai'kam sanang nonga ahkan'kam borehkat tahkan Pomoretah-Oh.

LUKAS 20:37

Museh bongoi jari nyorihta honong botarang ijo ulun mahtoi ahkan tonombolum huli. A'ang suratoh tohou ruwut ijo ngonjelak rih io ngohowut Tuhan monjadi, ‘Pohotalan Abraham, Pohotalan Isaak, tutang Pohotalan Yakub’.

YOHANES 14:2

Ang lohpou Amai-Ku anai aro unuk mohcon. Ahku tulak nokuh anan ahkan monyodia unuk bagi'kam. Ahku eam ahkan nuhtui kodorih ahkan'kam, jahkaioh orih eam kolourih.

KESAH RASUL-RASUL 7:32

‘Ahku Pohotalan tahtu ajuh'mu. Ahku Pohotalan Abraham, Isaak, tutang Yakub.’ Museh ngorukuh mihkoh nyiring eam bohanyi hino nopahjah nokuh ruwut rih.

PILIPI 3:20

Tahpi ihto anai rih waris kolahcan soruga. Tahkan anan ka'a Lahca Ponyolamat ihto, Tuhan Yesus Kristus, ahkan lombut. Iorih ijo ihto ngindo-ngindoi honong rindu.

2 TIMOTEUS 4:18

Puna Tuhan ahkan moliwus ahku, tahkan nyinong gawi ijo ja'at toharep ahku. Io ahkan ngomin ahku honong solamat, nokuh luwang Kolahca'an-Oh ang soruga. Hondakrih Io tonohajo turus-jahamoh! Amen.

IBRANI 10:34

tutang ihkam umba ka'a nginyam poros ahtoi ulun ijo ang sipir. Tutang kotihka paring ijo ihkam tepui tonosuwit, ihkam norima orih honong sanang ahtoi, tului ihkam ta'an, ijo ihkam magun tepun angihco ijo paling hinut, ijo ahkan botahan turus-jahamoh.

IBRANI 11:10

Kotului Abraham rahat ngindo-ngindoi lowu ijo torocana tutang tonombok bain Pohotala umba galang ijo segah.

IBRANI 11:14

Ulun ijo nuhtui kolourih nunjuk honong jelas, ijo iro rahat ngurah lowu, ijo monjadi ahkan tanadanum'ndo.

IBRANI 11:40

kotului Pohotala anai rancana ijo labih pios ahkan ihto. Rancana-Oh, iorih ijo tihkas hihco umba ihto, iro ahkan monjadi soporuna.

IBRANI 12:22

Tombalikoh ihkam jari lombut nokuh Puruk Sion tutang Lowun Pohotala ijo bolum, io rih Yerusalem ijo ang soruga umba bokuhjan-kuhjan molehkatoh.

IBRANI 13:14

Tului ang tana, eam aro unuk mohcon ijo kototahiu ahkan ihto; ihto ngurah unuk mohcon ijo ahkan lombut.

IBRANI 2:11

Yesus muhioh ulunkolunon tahkan dusa-dusan'ndo; tutang Io ijo muhioh, hawui iro ijo tomuhioh rih, sama-sama anaitepun ihco Amai. Orihrih kotuluioh, Yesus eam mia ngahku iro rih kolou konduang-konduang-Oh.

PONGORINAH 21:2

Mahka ahku nohto lowu borasih rih, yorih Yerusalem ijo bohua, nosuluh tahkan soruga tahkan Pohotala. Lowu rih jari tonyodia kolou ihcobehti pongahten bawi ijo tomokahjan ahkan nyombang pongahten ijo bahkas.